ბავშვთა ნეიროქირურგია – იმედი პედიატრიული პაციენტებისთვის!

//ბავშვთა ნეიროქირურგია – იმედი პედიატრიული პაციენტებისთვის!

ექსპერტ ქირურგთა და თანამედროვე ტექნოლოგიების წყალობით თავის ტვინში ბავშვთა ასაკში  გამოვლენილი სიმსივნე ხშირად მარტივად განკურნებადია.

ორკესტრს დირიჟორი მართავს, ჩვენს სხეულს – თავის ტვინი. წარსულში შეუძლებელი იყო თავის ტვინში ღრმად განლაგებული სიმსივნეების ოპერაციული მკურნალობა. დღეისათვის კი, შემთხვევათა უმრავლესობა წარმატებით იკურნება გამოცდილი ქირურგისა და სათანადო ტექნიკური აღჭურვილობის წყალობით.

Acıbadem Altunizade-ეს ჰოსპიტალის ექსპერტი პედიატრიულ ნეიროქირურგიაში, პროფესორი მ.მემეთ ოზეკი გვიყვება ტვინის სიმსივნეებისა და მათი მკურნალობის შესახებ:

სამი სიღრმეში განლაგებული რეგიონი – ტვინის ღერო, თალამუსი და ჰიპოთალამუსი!

სუნთქვა, ყლაპვა, თვალების მოძრაობა – ამ ფუნქციების კუნთოვან რეგულაციაზე პასუხისმგებელი ბირთვები მოთავსებულია ტვინის ღეროში. სხვა სიტყვებით რომ ვთქვათ, ტვინის ღერო არის ძირითადი მაკონტროლებელი. გარდა ამისა, დგომის, კიდურების მოძრაობის მარეგულირებელ ტვინის ზედაპირზე განლაგებულ ცენტრებთან მაკავშირებელი ბოჭკოები სწორედ ტვინის ღეროში გადის. ის მდებარეობს შედარებით დაცულ შუა-ქვედა რეგიონში.

შემდეგი ღრმად მდებარე რეგიონი არის თალამუსი. ის მდებარეობს ტვინის ღეროს ოდნავ ზემოთ და შესაბამისად ასევე რთულად მისადგომია. აქ თავის ტვინი აგროვებს და გარდაქმნის ინფორმაციას. ქერქისგან მიღებული ყველა ინფორმაცია გროვდება და ფასდება თალამუსში და აქედანვე ეგზავნება სამიზნე ორგანოებს შესაბამისი ინსტრუქცია.

ბოლო სიღრმეში მდებარე რეგიონი არის ჰიპოთალამუსი. ეს სრუქტურა პასუხისმგებელია ისეთ შეგრძნებებზე, როგორიცაა წყურვილი და შიმშილი, ასევე აკონტროლეს ორგანიზმის ყველა ჰორმონულ რეგულაციას. ის მუშაობს, როგორც ორგანიზმში მარილისა და სითხის დონის მარეგულირებელი ლაბორატორია.

როგორ იკურნება ტვინის სიმსივნეები?

სიღრმეში მდებარე წარმონაქმნებთან მიდგომა ხდება ტვინის ხვეულებზე გავლით და ხანდახან მოითხოვს ქსოვილების გათიშვას. სწორედ ეს პროცედურა საჭიროებს სკულპულოზურ მიდგომას, მაღალ ტექნოლოგიებს და დიდ გამოცდილებას.  გამოყენებული ტექნოლოგიები სამ ნაწილად იყოფა:

  1. ინტრაოპერაციული მონიტორირების სისტემა, რაც უზრუნველყოფს თავიდან ავიცილოთ გასაჭრელი ქსოვილის დაზიანება, იმართება შესაბამისი კვალიფიკაციის ნეიროფიზიოლოგის მიერ;
  2. ინტრაოპერაციული MR, რომელიც ოპერაციის მსვლელობისას, სანამ პაციენტი საოპერაციო მაგიდაზეა, იძლევა ღრმად მდებარე სიმსივნეების გამოსახულებებს. ეს მეთოდი, პირველად დაინერგა  Acıbadem -ის კლინიკაში უკვე 8 წელია წარმატებით გაოიყენება.
  3. ოპერაციის მსვლელობისას ულტრაბგერითი კვლევის გამოყენება, ასევე აუმჯობესებს გამოსავალს. ქსოვილებზე შეხების მონიტორირება ძალიან დიდ დახმარებას უწევს ქირურგს.

ნიშნები, რომელთა უგულვებელყოფა არ შეიძლება!

  • აუცილებლად ყურადღება მისაქცევია, თუ ბავშვი მუდმივად უჩივის თავის ტკივილს. საჭიროა დათვალიერდეს თვალის ფსკერი და შემოწმდეს არის თუ არა წნევა გაზრდილი.
  • თუ ბავშვს დილით, უზმოდ აქვს ღებინება – ასევე, მიეკუთვნება საყურადღებო სიმპტომს. ხანდეხან მსგავსი სიმტომები, მშობლის მიერ შეცდომით აღიქმება, როგორც ყურადღბის მიქცევის ან სკოლის გაცდენის მცდელობაან სკოლაში. როცა დილის ღებინებას აქვს განმეორებით ხასიათი, აუცილებლად უნდა მიმართოთ ექიმს.
  • თუ ბავშვს სიარულისას აღენიშნება ბალანსის დარღვევა, ფართო ნაბიჯები და მოძრაობის სხვა დარღვევები – ასევე ნიშანდობლივი სიმპტომებია და საჭიროებს სპეციალისტის კონსულტაციას.

შემთხვევათა მხოლოდ 45 პროცენტი ექვემდებარება ქირურგიული ჩარევას

1985 წლამდე ტვინის ღეროში განლაგებული სიმსივნე ითვლებოდა ფატალურად.  თუმცა 1985 წელს, ექიმ ფრედ. ჯ. ეპშტეინის მიერ ტვინის სიმსივნეები დაიყო ოთხ, ერთმანეთსგან მნიშვნელოვნად განსხვავებულ ტიპებად. მათგან მხოლოდ 45 % ექვემდებარება ქირურგიულ მკურნალობას. პროფესორ მ.მემეთ ოზეკმა, აღნიშნულ სფეროში სპეციალიზაცია სწორედ ექიმი ეპშტეინის სუპერვიზირებით გაიარა:  ,, მე ვიყავი ერთერთი თორმეტთაგანი, ვისაც ექიმი ეპშტეინი ასწავლიდა 1995 წელს. ამ ტრენინგის შემდეგ ტვინის ღეროს ყველა ტიპის სიმსივნე გახდა ჩემი ინტერესის სფერო. უნდა ითქვას , რომ ამ სიმსივნეთა  60 პროცენტი არ ექვემდებარება ქირურგიას, 55 %-ს არ აქვს დარჩენილი ჯანსაღი უჯრედი ტვინის. თუკი სიმსივნე მოიცავს მთელ ღეროს, ამ შემთხვევაშიც ქირურგია უძლურია, რადგან ტვინის ღეროს  ამოკვეთით პაციენტის სუნთქვა და გულისცემა შეუძლებელი ხდება.

2019-01-11T12:03:59+00:00 ახალი ამბები|