პაციენტების გზამკვლევი

/პაციენტების გზამკვლევი
პაციენტების გზამკვლევი 2017-08-29T15:27:44+00:00

აჩიბადემის ჰოსპიტალთა ჯგუფის  (Acıbadem Hospitals Group) საერთაშორისო პაციენტების მომსახურეობის ცენტრი (The International Patient Services Center) საერთაშორისო პაციენტებსა და სტუმრებს სთავაზობს სრულყოფილ მომსახურეობას. ჩვენი პერსონალი უზრუნველყოფს ყველანაირ სერვისს კონსულტაციების, დიაგნოსტიკის, გადახდის საკითხების და დაზღვევის, მგზავრობის და საცხოვრებლად განთავსების, ასევე თარჯიმნის მომსახურეობის ჩათვლით.

აჩიბადემის საერთაშორისო პაციენტების მომსახურეობის ცენტრი (The International Patient Services Center)  უწყვეტი მომსახურეობის სერვის-ცენტრია და იგი ჯანდაცვის მომსახურეობას გიწევთ თქვენი პირველი მოთხოვნის დღიდან თქვენი სამშობლოში გამგზავრების დღემდე. იგი სამედიცინო ინფორმაციის მიღების, ორიენტირებისა და რეგისტრირებისათვის   კონტაქტის პირველი წერტილია.

საერთაშორისო პაციენტთა ცენტრში მუშაობენ პაციენტთა მომსახურეობის სპეციალისტები და ექიმები. პროფესიონალთა გუნდი ახდენს პაციენტისათვის „ჯანმრთელობის მოგზაურობის“  ორგანიზებას პაციენტის საჭიროებების და მოლოდინების გათვალისწინებით. თქვენს ჩამოსვლამდე,  ვიზიტის პერიოდში და ვიზიტის შემდეგ ჩვენ შეგვიძლია შემოგთავაზოთ შემდეგი მომსახურეობა:

  • ექიმებთან ვიზიტზე ჩაწერა
  • დახმარება საერთაშორისო სადაზღვევო კომპანიებთან ურთიერთობაში
  • სასტუმროს დაჯავშნა
  • აეროპორტიდან ტრანსპორტირება
  • დახმარება სავიზო პროცედურებთან დაკავშირებით
  • მომსახურეობის ფასის განსაზღვრა
  • დახმარება საავადმყოფოში მოთავსებისას და ექიმთან ურთიერთობისას
  • დარწმუნება იმაში, რომ თქვენ სწორად გაიგეთ ექიმების ინსტრუქციები
  • სამედიცინო კონსულტაციების და დასკვნების ასლების მოპოვება კონსულტაციების შემდეგ
  • დახმარება გაწერისას და გადახდის პროცედურების დროს
  • აჩიბადემის ჰოსპიტალთა ჯგუფის (Acıbadem Hospitals Group) ექიმებთან ურთიერთობის ორგანიზება თქვენი სამშობლოში გამგზავრების შემდეგ

სამედიცინო კონსულტაციები

თუ თქვენ ექიმთან კონსულტაციაზე მოხვედრა გსურთ, გთხოვთ გამოაგზავნოთ თქვენი სრული სამედიცინო ისტორია (ანამნეზი),  რენტგენოგრაფიული და სხვა გამოსახულებები, ასევე ლაბორატორიული ტესტების შედეგები ელექტრონული ფოსტით, ფაქსით, ან ჩვეულებრივი საფოსტო გზავნილით. მას შემდეგ რაც ექიმი განიხილავს თქვენს სამედიცინო დოკუმენტებს, ჩვენ დაგიკავშირდებით და გაგესაუბრებით მკურნალობის რეკომენდებული კურსის შესახებ და იმის შესახებ, გირჩევთ თუ არა თურქეთში ჩამოსვლას სამკურნალოდ.

როგორც კი გადავწყვეტთ, რომ თქვენი მკურნალობა ჩვენს ცენტრში მიზანშეწონილია, ჩვენ დავგეგმავთ  ყველა თქვენს ვიზიტს ექიმებთან დიაგნოსტიკური და ლაბორატორიული ტესტებისა და პროცედურების ჩათვლით, და ასევე თუ საჭიროა ქირურგიულ პროცედურებსაც. ჩაწერის დრო დამოკიდებულია სამედიცინო სიტუაციის ხასიათსა და იმაზე, თუ რამდენად გადაუდებელი მკურნალობაა საჭირო.