სტამბოლისა და თურქეთის შესახებ

//სტამბოლისა და თურქეთის შესახებ
სტამბოლისა და თურქეთის შესახებ 2017-08-29T19:20:07+00:00

ბოლო დროს თურქეთი გახდა ტურისტულად ერთერთი ყველაზე მიმზიდველი ქვეყანა მისი მშვენიერი ბუნების, უნიკალური ისტორიული და არქეოლოგიური ღირსშესანიშნაობების, ეგზოტიკური კულტურისა და თანამედროვე ინფრასტრუქტურის გამო. თურქეთის მდიდარ და მრავალმხრივ ისტორიას განაპირობებს მისი უნიკალური გეოგრაფიული მდებარეობა.

თავისი უზარმაზარი ტურისტული პოტენციალის და ბუნებრივი რესურსების მრავალფეროვნების, ასევე ისტორიული საგანძურის, კულტურული მემკვიდრეობის და პოპულარული სანახაობების წყალობით, თურქეთის ტურისტული ინდუსტრია გთავაზობთ ბაზრის სხვადასხვა სფეროში პროდუქციის ისეთ ფართო არჩევანს, რომელიც ყველაზე მომთხოვნ მოგზაურებსაც კი დააკმაყოფილებს.  აღნიშნული წარმატება ეფუძნება ეფექტურ და დინამიურ ადამიანურ რესურსებს.

დიდი ქალაქები და კურორტები, მსოფლიოში განთქმული თურქული და საერთაშორისო სამზარეულო, ბარები, რესტორნები, გართობის საშუალებები, კულტურული აქტივობები მთელი მსოფლიოდან იზიდავს ტურისტებს.

თურქეთის წამყვანი ქალაქი სამედიცინო  ტურიზმის მხრივ: სტამბოლი

სტამბოლი, რომელსაც ოდესღაც ბიზანტიუმს და კონსტანტინოპოლს უწოდებდნენ, ევროპის ყველაზე ხალხმრავალი ქალაქია. აქ 14 მილიონი ადამიანი ცხოვრობს.  სტამბოლი თურქეთის კულტურული, ეკონომიკური, საქმიანი და საზოგადოებრივი ცხოვრების ცენტრია და ამავე დროს არის მდიდარი ისტორიული მემკვიდრეობის მქონე უნიკალური კოსმოპოლიტური  ქალაქი. სტამბოლი მსოფლიოში ერთადერთი ქალაქია, რომელიც ორი კონტინენტის, აზიისა და ევროპის, გასაყარზე მდებარეობს.

ქალაქის ბუნებრივი სილამაზე, ისტორიული მეჩეთები, ეკლესიები, ბაზრები და სასახლეები მთელი მსოფლიოდან იზიდავენ ვიზიტორებს. დღეს სტამბოლი თანამედროვე მეგაპოლისია, რომელიც კონტინენტებსა და კულტურებს აკავშირებს ერთმანეთთან.