გულმკერდის ქირურგია(თორაკალური ქირურგია)

//გულმკერდის ქირურგია(თორაკალური ქირურგია)
გულმკერდის ქირურგია(თორაკალური ქირურგია) 2017-08-30T19:23:24+00:00

chest-lung

აჩიბადემის ჰოსპიტალური ჯგუფის (Acibadem Hospitals Group) თორაკალური ქირურგიის ნაწილი ახორციელებს მთელი მსოფლიოდან ზრდასრული პაციენტებისა და ბავშვების  სრულყოფილ მომსახურეობას უახლესი დიაგნოსტიკური ტექნოლოგიების და სამკურნალო მეთოდების დახმარებით.

თორაკალური ქირურგიის ნაწილი – Thoracic Surgery Division ახორციელებს გულმკერდის კომპლექსური პრობლემების სადიაგნოსტიკო და სამკურნალო ქირურგიულ ჩარევას, მათ შორის ფილტვებსა და საყლაპავზე. აჩიბადემის თორაკალური ქირურგები მუშაობენ მულტიდისციპლინურ გუნდთან ერთად, რომელშიც შედიან ასევე ონკოლოგი და რადიოლოგი.

ზოგიერთი პროცედურა/ოპერაცია, რომელიც ჩვენს საავადმყოფოებში ტარდება:

1.ფილტვები: ფილტვის რეზექცია, რეკონსტრუქცია, მთლიანობის აღდგენა და ბიოფსია.
2.გულმკერდის კედელი:რეზექცია და რეკონსტრუქცია სიმსივნის გამო, თორაკოპლასტიკა, „მეწაღის გულმკერდის“, „ქათმის მკერდის“ და გულმკერდის კედლის სხვა დეფორმაციათა გასწორება, ასევე გულმკერდის ტრავმული არასტაბილურობის მართვა.
3. სასუნთქი გზები: სიმსივნის, ტრავმის ან სტრიქტურის შედეგად დაზიანებული ტრაქეისა და ბრონქების რეზექცია, რეკონსტრუქცია და  მთლიანობის აღდგენა. სუნთქვისათვის აუცილებელი ოპერაციები, როგორიცაა ტრაქეოსტომია, ტრაქეის ინტუბაცია და სანათურშიდა პროცედურები.
4. დიაფრაგმა: დიაფრაგმის რეზექციის, რეკონსტრუქციის და მთლიანობის აღდგენის ოპერაციები.
5. შუასაყარი: სიმსივნეთა ბიოფსია და რეზექცია, ინფექციური კერების დრენირება, მედიასტინური ლიმფადენექტომია, მედიასტინოტომია და მედიასტინოსკოპია.
6. პერიკარდიუმი: პერიკარდიუმის რეზექცია, რეკონსტრუქცია და დრენირება.
7. ენდოსკოპია: ტრაქეობრონქული ხის და საყლაპავის ენდოსკოპიური პროცედურები დრეკადი და რიგიდური აპარატებით და ინსტრუმენტებით.  
8. ლიმფური კვანძები: კისრის, შუასაყრის და იღლიის კნვანძების ბიოფსიის ოპერაციები.
9. ჰიპერჰიდროზი: ოპერაცია გულმკერდის სიმპატიკურ ნერვებზე.  
10. გულმკერდის ყაფაზი: გულმკერდის ყაფაზის ანომალიების მაკორეგირებელი ოპერაციები.
11. პლევრა: პლევრის მეზოთელიომის ოპერაცია, პლევრის ღრუს პრობლემები, თორაკოცენტეზი, დრენაჟული თორაკოტომია, პლევრის ღრუს შუნტირება, პნევმოთოპაქსი, პლევრექტომია, დეკორტიკაცია და ემპიემის დრენირება და რეზექცია.
12.ემფიზემა:ემფიზემის ფუნქციური კორექციის და გართულებების ოპერაციაბი.
13.ტრავმა: გულმკერდის ან გულმკერდის ღრუს ორგანოების ტრავმული დაზიანებების  და მათი შედეგების კორექციის ოპერაციები.

აჩიბადემის თორაკალური ქირურგიის განყოფილების ქირურგიული ოპერაციები

  • მინიმალურად ინვაქზიური ქირურგია – Minimally Invasive Surgery (VATS) ფილტვის კიბოს ადრეულ სტადიაზე

დაავადების ადრეულ სტადიაზე ფილტვის კიბო შეიძლება განიკურნოს. ამისათვის საჭიროა პაციენტის ფართომასშტაბიანი გამოკვლევა  ექიმთა გუნდის მიერ, რომელშიც შედიან თერაპევტი ონკოლოგი, რადიაციული ონკოლოგი, თერაპევტი თორაკალისტი, გულმკერდის ქირურგი, რადიოლოგი, პათომორფოლოგი და ბირთვული მედიცინის სპეციალისტი. თუ გამოკვლევები აჩვენებს, რომ ოპერაციამ შეიძლება პაციენტი მოარჩინოს, ტარდება ქირურგიული ჩარევა ქირურგების მიერ, რომლებსაც ფილტვის კიბოს მკურნალობის გამოცდილება აქვთ. აჩიბადემის ჰოსპიტალური ჯგუფის თორაკალური ქირურგიის განყოფილებებში ფილტვის კიბოს საწყისი სტადიის შემთხვევებში ტარდება მინიმალურად ინვაზიური ვიდეოკონტროლირებული თორაკალური ქირურგია – “Video-assisted thoracic surgery (VATS)”.

  • VATS მიდგომა გულმკერდის ქირურგიაში

VATS არის მინიმალურად ინვაზიური ქირურგიული ჩარევა ფილტვის კიბოს ადრეული სტადიის სამკურნალოდ მიკროინსტრუმენტების და მცირე, 2 ან 3 სმ სიგრძის, განაკვეთების მეშვეობით. ერთერთი განაკვეთიდან შეყავთ პატარა ვიდეოკამერა, რომელიც გულმკერდის ქირურგს საშუალებას აძლევს გულმკერდის ღრუ დაათვალიეროს. ფილტვის კვანძების და წილების ამოკვეთა ხდება გულმკერდის ღრუს გახსნის გარეშე.

ამგვარი მინიმალურად ინვაზიური პროცედურის უპირატესობებია:

  • საავადმყოფოში ხანმოკლედ ყოფნა
  • ნაკლები ოპერაციის შემდგომი ტკივილი
  • ნაკლები ტრავმატიზმი
  • უფრო სწრაფი აღდგენა