ზოგადი ქირურგია

//ზოგადი ქირურგია
ზოგადი ქირურგია 2017-08-30T01:24:15+00:00

general-surgery

ჩვენს ზოგადი ქირურგიის კლინიკაში  (General Surgery Clinic)  მუშაობენ გამოცდილი ექიმები და სპეციალისტები. აქ განსაკუთრებული ყურადღება ექცევა  თურქეთში ყველაზე მეტად გავრცელებული ქირურგიულ დაავადებებს.

კუჭნაწლავის ქირურგია

ენდოსკოპიური და ლაპარასკოპიული ტექნიკების განვითარებამ განაპირობა მნიშვნელოვანი პროგრესი კუჭისა და ნაწლავის ქირურგიული დაავადებების მკურნალობაში. ჩვენი ზოგადი ქირურგიის კლინიკა განსაკუთრებით გამოცდილია კოლინჯის დაავადებების ადრეულ დიაგნოსტიკასა და ენდოსკოპიურ და ლაპარასკოპიულ მკურნალობაში.

ღვიძლის, პანკრეასის, სანაღვლე სადინრების ქირურგია

ონკოლოგიის ბოლოდროინდელმა მიღწევებმა ღვიძლის და პანკრეასის სიმსივნეების მკურნალობის ახალი საშუალებები მოგვცა. გარდა ამ პროცედურებში გამოცდილი ქირურგებისა, ღვიძლის და პანკრეასის დაავადებების  მკურნალობა ცენტრში ხორციელდება   მულტიდისციპლინური მიდგომით, ინტერვენციული რადიოლოგიის, ენდოსკოპიის და ონკოლოგიის სპეციალისტების ჩართვით.

ძუძუს კლინიკა

ძუძუს კლინიკა ერთიანი სტრუქტურაა, რომელშიც არის პოლიკლინიური ოთახები, მცირე ინტერვენციისა და აღდგენის ოთახები, მამოგრაფიისა და ულტრასონოგრაფიის ოთახები. ჯანდაცვის სერვისები აქ ხორციელდება სიმსივნის კომიტეტის  ხელმძღვანელობით, რომელშიც შედიან ზოგადი ქირურგიის, რადიოლოგიის, პათომორფოლოგიის, თერაპიული და რადიაციული ონკოლოგიის სპეციალისტები. ამგვარი ინტეგრირებულობა და კოლაბორაცია პაციენტს საშუალებას აძლევს ადგილის შეუცვლელად მიიღოს დიაგნოსტირებისა და მკურნალობის მომსახურეობა.

ფარისებრი ჯირკვლის კლინიკა

ფარისებრი ჯირკვლის დაავადებათა მკურნალობა ხორციელდება ქირურგების, ენდოკრინოლოგიის და ბირთვული  მედიცინის სპეციალისტების მიერ. ჩვენს ფარისებრი ჯირკვლის კლინიკაში მკურნალობა ხორციელდება ამ სამ სფეროში გამოცდილი სპეციალისტების მიერ შემუშავებული პროტოკოლის თანახმად.

აჩიბადემის ჯანმრთელობის ჯგუფის (Acıbadem Health Group) ზოგადი ქირურგიის ნაწილი ორგანიზებულია იმგვარად, რომ პაციენტების შეფასება და მკურნალობა უზრუნველყოს ჩვენს საავადმყოფოებში, სამედიცინო ცენტრებში და ამბულატორიულ ცენტრებში. სტაციონარული, ამბულატორიული და გადაუდებელი დახმარების სერვისები ხორციელდება 24 საათის განმავლობაში კვირაში 7 დღე.

ჩვენი მისიაა  განვახორციელოთ პაციენტზე ორიენტირებული, კეთილგანწყობილი, კვალიფიციური, სანდო, სამედიცინო შეცდომებისაგან დაზღვეული მომსახურეობა. კლინიკური ქირურგიის ყველა მიმართულებაში, ძირითადად კი მინიმალურად ინვაზიურ (ლაპარასკოპიული- უსისხლო ქირურგია) და გადაუდებელ ქირურგიაში, სტამბოლი უმნიშვნელოვანეს ცენტრს წარმოადგენს.

ყოველკვირეულად გამართულ სატრეინინგო შეხვედრებზე განიხილება უკვე ჩატარებული და აწი ჩასატარებელი ოპერაციები. ამ შეხვედრებზე ხდება სათანადო სპეციალობის განყოფილებებთან ერთად გაიდლაინების შემუშავება რათა კლინიკური  კონსენსუსი იქნას მიღწეული. ხდება კონფერენციების და სემინარების ორგანიზება, რომლებზეც ტარდება ადგილობრივი სპეციალისტების და მოწვეულ სტუმართა ლექციები და ამგვარი გზით ხდება სხვადასხვა ჯგუფის კოლეგებს შორის ინფორმაციის გაცვლა გამოცვლა. გარკვეული პერიოდულობით ტარდება შეხვედრები და დისკუსია ინდუსტრიული კომპანიების წარმომადგენლებთან, ახალი პროდუქტების გაცნობის მიზნით.

ჩვენთან დაინერგა  უახლესი მიდგომები მინიმალურად ინვაზიურ ქირურგიაში, გადაუდებელ და ენდოკრინულ (ძუძუ, ფარისებრი ჯირკვალი და თირკმელზედა ჯირკვლის ქერქი) ქირურგიაში, ასევე კუჭნაწლავის (საჭმლის მომნელებელი სისტემა) და ჰეპატოპანკრეასულბილიარულ (ღვიძლი, პანკრეასი, და სანაღვლე გზები) ქირურგიაში. ცენტრი მალე გახდება რეფერალური ერთეული თიაქრების ქირურგიაში. აქ ბოლო წლებში განხორციელდა თიაქრების მრავალი ლაპარასკოპიული (უსისხლო) ოპერაცია.

ყველა ინტერვენცია კოლინჯისა და სწორი ნაწლავის (მსხვილი ნაწლავები) დაავადებების დროს ტარდება თანამედროვე ტექნოლოგიების გამოყენებით. განსაკუთრებით მრავალფეროვანი მკურნალობა შესაძლებელია ანალური მიდამოს დაავადებებისას, როგორიცაა ბუასილი, ფისტულები და ნაპრალები.

აჩიბადემის ჯანმრთელობის ჯგუფში რადიოლოგიური გამოკვლევები (რენტგენი, ულტრასონოგრაფია, კომპიუტერული ტომოგრაფია, მაგნიტური რეზონანსი, ანგიოგრაფია, ქოლანგიოგრაფია), ენდოსკოპია და პერკუტანეული ბიოფსია გამოიყენება რელევანტურ სპეციალისტებთან ერთად, კოორდინირებულად პაციენტების მკურნალობის დაგეგმვისათვის  აუცილებელი მონაცემების მისაღებად.

ქვემოთ ჩამოთვლილია დაავადებათა ჯგუფები, რომელთა გამოკვლევა, დიაგნოსტირება და მკურნალობა ხორციელდება ზოგადი ქირურგიის დეპარტამენტში:

ფარისებრი ჯირკვლის დაავადებები (ჩიყვი, ჰიპერთირეოზი)

ძუძუს კიბო და ძუძუს კეთილთვისებიანი დაავადებები
საყლაპავის კიბო და კეთილთვისებიანი დაავადებები
კუჭის კიბო
წვრილი ნაწლავის ქირურგიული დაავადებები, ნაწლავთა ობსტრუქციები
კოლორექტალური სიმსივნეები, ანთებითი დაავადებები
ანორექტალური ანომალიები: სიმსივნეები, ჰემოროიდული ვენები, ანალური ნაპრალი, ფისტულა
ღვიძლის ავთვისებიანი და კეთილთვისებიანი სიმსივნეები, კისტები
ობსტრუქციული სიყვითლე
ნაღვლის ბუშტის და სანაღვლე  სადინრების ქვები და სიმსივნეები
პანკრეასის კისტები და სიმსივნეები
მწვავე და ქრონიკულ პანკრეატიტი
ელენთის ქირურგიული დაავადებები
მუცლის წინა კედლის და საზარდულის თიაქრები, პოსტოპერაციული თიაქრები
რბილი ქსოვილების სხვადასხვაგვარი ინფექციები
ტრავმები და გადაუდებელი ქირურგია

სასურველი კლინიკური შედეგების მიღებას უზრუნველყოფს ასევე სხვა დეპარტამენტებთან ჰარმონიული ურთიერთობა და საოპერაციოს ინფრასტრუქტურა, რომელიც აღჭურვილია უახლესი ტექნოლოგიებით. „ქირურგიული ინტენსიური თერაპიის ერთეული“, სადაც ხდება საეჭვო პაციენტების მეთვალყურეობა, ასევე მნიშვნელოვან როლს ასრულებს ამ პროცესში. ქრონიკული პაციენტების მართვაში ასევე ჩართულია დიეტოლოგთა გუნდი.