დიაგნოსტიკა და მკურნალობის მეთოდები

///დიაგნოსტიკა და მკურნალობის მეთოდები
დიაგნოსტიკა და მკურნალობის მეთოდები 2017-08-30T19:41:11+00:00

Diagnosis-and-Treatment-Methods

სხვა დაავადებების მსგავსად, გულის დაავადებების ადრეული დიაგნოსტიკა და დროული მკურნალობა ძალიან მნიშვნელოვანია. ადრეული დიაგნოსტიკისათვის უპირველესი მნიშვნელობა აქვს რეგულარულ სამედიცინო გასინჯვას და გულის მდგომარეობის შემოწმებას. აჩიბადემის კარდიოლოგიური ცენტრები – Acibadem Heart Care Centers უახლესი აპარატურის დახმარებით გთავაზობენ დიაგნოსტიკის და მკურნალობის სერვისებს.

ეკგ: ელექტროკარდიოგრაფია (ეკგ) არის გულის ელექტრული აქტივობის აპარატული რეგისტრაციის მეთოდი, რომელიც გამოიყენება გულის კუნთის ფუნქციონირების შესამოწმებლად. იგი გამოიყენება სწრაფი შეფასებისათვის, განსაკუთრებით გადაუდებელი დახმარების ცენტრებში.

ეკგ კარდიოვასკულირ დაავადებების, სტრუქტურული ანომალიების და არითმიების დიაგნოსტიკის მნიშვნელოვანი მეთოდია. ეკგ მონიტორინგი და შედეგების ინტერპრეტაცია სწრაფად ხდება.

დატვირთვის ეკგ ტესტი: ეს არის ვარჯიშის ტესტი, რომელიც ტარდება სარბენ ბილიკზე (treadmill) სისტემური, სპეციფიური პროტოკოლის თანახმად. გულმკერდზე დამაგრებული ელექტროდების საშუალებით ხდება ვარჯიშის დროს ეკგ-ს გადაღება და მისი

heart-2

ინტერპრეტაცია. ტესტი ჩვეულებრივ გრძელდება 5-დან 10 წუთამდე, თუმცა დრო ვარირებს პაციენტის ასაკის და მდგომარეობის მიხედვით.

ამ ტესტით დგინდება დატვირთვის დროს გულის მუშაობის პატერნი და ფიქსირდება ემბოლიზმი, რომელიც ყოველდღიურ ცხოვრებაში არ ვლინდება.

დატვირთვის ეკგ ტესტის შედეგების ინტერპრეტაცია უნდა განახორციელოს გამოცდილმა ექიმმა, რათა თავიდან იქნას აცილებული დიაგნოსტიკური შეცდომები.

ექოკარდიოგრაფია: ექოკარდიოგრაფია ულტრაბგერის საშუალებით იკვლევს გულის სტრუქტურას, პათოლოგიას და ფუნქციას.

ექოკარდიოგრაფიით შესაძლებელია შეფასდეს ღრუების მდგომარეობა და პარკუჭის კედლის მოძრაობა, გულის კუნთის სისქე, გულის სარქვლები. ასევე შესაძლებელია გადანერგილი, ხელოვნური სარქვლების სტრუქტურის და ფუნქციონირების შეფასება. ამ მეთოდით ხდება ფაქტიურად გულის ყველა თანდაყოლილი დაავადების დიაგნოსტიკა.

მეთოდს არ აქვს მავნე გვერდითი ეფექტები, უმტკივნეულოა და  ადვილად გამოსაყენებელია.

ჰოლტერის მონიტორინგი:  ჰოლტერის მონიტორი გამოიყენება პაციენტის გულის რითმის და არტერიული წნევის მონიტორინგისათვის. ეკგ-ს და არტერიული წნევის გასაზომად Whole-Body-MRIგამოიყენება ცალცალკე აპარატები, რომელთა ზომა მობილური ტელეფონის ტოლია. აპარატები პაციენტის სხეულზე მაგრდება 24 საათის ან მეტის მანძილზე. აპარატები მუდმივად ზომავენ გულის რითმს და არტერიული წნევას.

ეს მეთოდი ჩვეულებრივ გამოიყენება გულის რითმისა და არტერიული წნევის ცვალებადობის შეფასებლად ყოველდღიურ ცხოვრებაში. ექიმი ამ ტესტით გამოკვლევას ნიშნავს გულის რითმის დარღვევაზე ან წნევის ცვალებადობაზე ეჭვის შემთხვევაში.

ტრანს-ტელეფონით მონიტორინგი: ჩამწერი აპარატი, რომელიც გავს ჰოლტერის აპარატს, პაციენტის სხეულზე მაგრდება და ახდენს გულის ფუნქციის მონიტორინგს.

ჩვეულებრივ ჰოლტერის აპარატებს პაციენტები ატარებენ 2-3 დღე. პაციენტებში, რომლებიც დისკომფორტს უფრო იშვიათად გრძნობენ, შესაძლოა ამ დროის მანძილზე სიმპტომები არ აღმოცენდეს. ამ შემთხვევებში გამოიყენება ტრანსსატელეფონო მოქმედების ტელემედიცინის აპარატი, რომელიც.

სტრეს ექოკარდიოგრაფია: პაციენტის მოსვენებულ მდგომარეობაში გადაღებული ექოკარდიოგრაფია განსაზღვრავს გულის ღრუების სიგანეს, კედლის მოძრაობის დარღვევას და გულის კუმშვადობის ფუნქციას. იგი არაპირდაპირ დახმარებას სწევს გულის იშემიური დაავადების დიაგნოსტიკაში. იგი ასევე ახდენს სხვა ისეთი მდგომარეობების იდენტიფიცირებას, როგორიცაა: კარდიომიოპათია სარქვლოვანი პათოლოგიის გამო, გულის მემბრანული ინფექციები, აორტის ნაფლეთი, გულის ჭარბი გადიდება, რამაც შესაძლოა გულმკერდში ტკივილი და სუნთქვის გაძნელება გამოიწვიოს.

სტრეს ექოკარდიოგრაფია შეიძლება გამოყენებული იქნას დატვირთვის ეკგ-სთან ერთად სისხლძარღვის დაზიანების  ლოკალიზაციის დასადგენად.

მიოკარდიუმის პერფუზიული სცინტიგრაფია: მიოკარდიუმის პერფუზიული სცინტიგრაფია გამოიყენება ძირითადად  გულის კუნთში სისხლის აკუმულაციის რაიმე პრობლემის არსებობის დასადგენად. იგი გულის კუნთში სისხლის ნაკადს სწავლობს სტრესის (მაგალითად ვარჯიშის) დროს და მოსვენებულ მდგომარეობაში.

მიოკარდიუმის სცინტიგრაფია გამოიყენება კორონარული არტერიების სერიოზული დაავადების დასადგენად. მისი მგრძნობელობა და სიზუსტე მძიმე ვასკულური დაავადებისას 90%-ს უახლოვდება. ტესტის შედეგები იძლევიან ინფორმაციას სიკვდილობის რისკის, გულის ფუნქციის შესახებ და გულის უკმარისობაზე, რომლებიც სასიცოცხლო მნიშვბნელობისაა მკურნალობის სწორი კურსის დასაგეგმად.

FlashCTFlash CT: Flash CT რის რადიოლოგიური მეთოდი, რომელიც რენტგენის სხივების გამოყენებით გამოსაკვლევი მიდამოს შრეობრივ გამოსახულებებს იძლევა.

Flash CT შეუძლია სხეულის ყველა ნაწილის გამოსახვა, განსაკუთრებით კი გულის და ფილტვებისა.

გულის სკანირება ხორციელდება 250 მილისეკუნდში. ერთმილიან და ერთდეტექტორიან სისტემებთან შედარებით, იგი ორჯერ უფრო სწრაფად იძლევა გამოსახულებებს. იგი გულის 250 მილისეკუნდში სკანირებას ახდენს 99%-იანი სიზუსტით (გულისცემის დროის მეოთხედში). შესაბამისად, 100-ზე მეტი გულისცემის სიხშირის დროსაც კი არ არის საჭირო გულისცემის მედიკამენტური შენელება. Flash CT არის სკანირების ხელსაწყო, რომელიც ბაზარზე არსებულ სხვა ხელსაწყოებს შორის დასხივების ყველაზე ნაკლები პოტენციალით ხასიათდება. გულის სკანირება შესაძლებელია 80%-ით ნაკლები დასხივებით. მისი გამოყენება შეიძლება რუტინულად, როგორც არაინვაზიური დიაგნოსტიკური მეთოდის.

გულის MRI ტესტი: MRI ტესტი იძლევა სარწმუნო დაც დეტალურ ინფორმაციას გულის თანდაყოლილ დაავადებებსა და გულის ღრუების მდგომარეობაზე, ასევე  გულში შემავალი და გულიდან გამომავალი ძირითადი არტერიების სტრუქტურაზე. იგი ავსებს ექოკარდიოგრაფიულ მონაცემებს პაციენტზე დამატებითი ზემოქმედების გარეშე. MRI ტესტი ხასიათდება ყველაზე მაღალი დიაგნოსტიკური მგრძნობელობით გულის კუნთისა და გულშიდა მასების შეფასებისათვის.

PetCT

ტრადიციული გამოსახვის მეთოდებისაგან განსხვავებით, MRI არ იყენებს სხივებს და ულტრაბგერის ტალღებს. ორგანოების აკურატული გამოსახულებები მიიღება ფიზიოლოგიური პარამეტრების მეშვეობით.

PET CT: PET CT არის სცინტიგრაფიაზე დამყარებული გულის გამოკვლევის მეთოდი. იგი გამოიყენება გულის სასიცოცხლო რეზერვის შესაფასებლად. იგი ძირითადად გამოიყენება იმისთვის, რომ შეფასდეს გულის უჯრედების ფუნქცია და სიცოცხლისუნარიანობა, და შესამამისად, გულის ქსოვილის სასიცოცხლო ფუნქცია. მისი საშუალებით დგინდება შუნტირება სასარგებლო თუ რისკის შემცველი იქნება პაციენტისათვის.