რობორული ქირურგიის ცენტრები

//რობორული ქირურგიის ცენტრები
რობორული ქირურგიის ცენტრები 2017-09-07T09:49:15+00:00

რობოტული ქირურგიის ცენტრებში გამოიყენება უახლესი აპარატი, კერძოდ “da Vinci Ro­botic Surgery System”, რომელსაც თავისი სფეროს გამოცდილი სპეციალისტები  ამუშავებენ. ეს ტექნოლოგიური მეთოდი საშუალებას აძლევს ქირურგს ოპერაცია ჩაატაროს მინიმალური განაკვეთით და გამოიყენოს ზუსტი სამგანზომილებიანი გამოსახვა და რობოტის ზუსტი მოძრაობის  შესაძლებლობები. გამოყენების სფეროები შემდეგია:

რობოტული ქირურგია გულისა და სისხლძარღვთა დაავადებების დროს

გამოიყენება სემდეგი მდგომერეობებისას: მიტრალური სარქვლის პროლაფსი, კორონარული შუნტირების ოპერაცია (განსაკუთრებით გულის წინა ზედაპირზე სისხლძარღვებზე), რითმის დარღვევები, სარქვლის რიგიდული პლასტიკა, ძგიდის დეფექტისნ პლასტიკა, მარჯვენა და მარცხენაპარკუჭოვანი პრობლემები.

რობოტული ქირურგია ზოგად ქირურგიაში

რობოტული კოლორექტალური ქირურგია:

 da Vinci გამოიყენება მრავალი კოლორექტალური დაავადების სამკურნალოდ, რომელთა შორისაა

კოლორექტალური კიბო (მსხვილი და სწორი ნაწლავის კიბო), დივერტიკული და მსხვილი ნაწლავის ანთებითი დაავადებები. განსაკუთრებით მნიშვნელოვანია, რომ სწორ ნაწლავზე ჩარევისას იგი უზრუნველყოფს ქირურგიული ველის მიმდებარე ნერვების დაცულობას.

Xi_System_and_Nurse

სიმსუქნის რობოტული ქირურგია: რობოტული ქირურგია აადვილებს მსუქან პაციენტებში ქირურგიულ ოპერაცია, ამოკლებს აღდგენის პერიოდს და შესაბამისად ხელს უწყობს ყოველდღიურ ცხოვრებაში სწრაფ დაბრუნებას.  სიმსუქნის სამკურნალოდ Vinci-ს საშუალებთ ჩატარებულ ოპერაციათა შორის პირველ ადგილზეა გასტრალური შუნტირების ოპერაცია, რომელიც სიმსუქნის ქირურგიული მკურნალობის ოქრის სტანდარტად ითვლება.  ეს მეთოდი არა მხოლოდ კუჭს აპატარავებს, არამედ იწვევს ნაწლავის ნაწილის ინაქტივირებას და, შესაბამისად, მიღებული საკვების შეწოვის შემცირებას.

რობოტული ქირურგია გინეკოლოგიაში

2005 წლიდან da Vinci წარმატებით გამოიყენება გინეკოლოგიურ ქირურგიაში ონკოლოგიური დაავადებებისას, ჰისტერექტომიისას, დიდი მიომების ამოკვეთისას და სხვა შემთხვევებში.

რობოტული ქირურგია ოტორინოლარინგოლოგიაში

ამჯამად da Vinci წარმატებით გამოიყენება ყელ-ყურ-ცხვირის ქირურგიაში და თავისა და კისრის ქირურგიაში. ამ მეთოდს ასევე ეწოდება TORS (ტრანსორალური რობოტული ქირურგია – Transoral Robotic Surgery) და იგი  პირის ღრუს, ხახის (ყელის), ენის და ნუშურების ავთვისებიანი და კეთილთვისებიანი სიმნსივნეების ამოკვეთის საშუალებას იძლევა.

Xi_Arms_Fannedრობოტული ქირურგია ფარისებრი ჯირკვლის დაავადებებისას

ოპერაციები ფარისებრ ჯირკვალზე, რომელიც მდებარეობს ტრაქეის ორივე მხარეს, ტოვებს ნაწიბურებს კისერზე და შეიძლება ზოგიერთი პაცვიენტისათვის კოსმეტიკური თვალსაზრისით მიუღებელი იყოს. da Vinci -სსაშუალებით ჯირკვალთან მიდგომა ხდება იღლიაში გაკეთებული განაკვეთიდან და აქედან ხორციელდება თითქმის ყველანაირი ოპერაცია ფარისებრ ჯირკვალზე გარდა ძალიან დიდი კვანძების ამოკვეთისა.

რობოტული ქირურგია უროლოგიაში

რობოტული ქირურგია ყველაზე ფართოდ უროლოგიაში გამოიყენება. მსოფლიოს ბევრ განვითარებულ ქვეყანაში ქირურგები უპირატესობას ანიჭებენ da Vinci-ს მთელი რიგი უროლოგიური ოპერაციებისას, რადიკალური პროსტატექტომიის (პროსტატის ამოკვეთა) ჩათვლით.

უროლოგური ოპერაციები da Vinci -თ:

პროსტატის კიბოს რობოტული ქირურგია

თირკმლის კიბოს რობოტული ქირურგია

რობოტული პიელოპლასტიკა – ურეთრა-მენჯის შესართავის სტრიქტურის ქირურგია