ქირურგიული მეთოდი

ქირურგიული მეთოდი 2017-08-30T19:25:54+00:00

The-Obesity-Center

რა არის სიმსუქნის ქირურგია?

სიმსუქნის ქირურგია ძირითადად ეყრდნობა ორ პრინციპს: კუჭის მოცულობის შემცირება და/ან „მალაბსორბცია“, ანუ გარკვეულ ეტაპზე საკვების შეწოვის პრევენცია. სწორად შერჩეულ პაციენტზე და სათანადო დროს ჩატარებისას, ეს ოპერაციები სასიცოცხლო მნიშვნელობისაა.

ვისთვის არის საჭირო სიმსუქნის ქირურგიული მკურნალობა?

სიმსუქნის ქირურგია ნაჩვენებია პაციენტებისათვის, რომელთა სხეულის მასის ინდექსი არის 35 ან მეტი და რომლებიც ვერ იკლებენ წონაში სპეციალური პროგრამების დახმარებითაც, როგორიცაა სპეციალისტის ხელმძღვანელობით სამედიცინო კვება, ვარჯიში და მედიკამენტური თერაპია. ის ასევე რეკომენდებულია პაციენტისათვის, რომელთა სხეულის მასის ინდექსი 30-ზე მეტია და რომელთაც აღენიშნებათ არტერიული ჰიპერტენზია, დიაბეტი, ძილის აპნოე, რომელიც ძილის ხარისხს აქვეითებს. ოპერაციის ტიპის შესახებ გადსაწყვეტილება მიიღება  სპეციალისტის მიერ, სხვადასხვაგვარი გამოკვლევების და პაციენტზე დაკვირვების საფუძველზე.

თუ ქალი ახლო მომავალში გეგმავს შვილის გაჩენას, მან კონსულტაცია უნდა გაიაროს ექიმთან, რადგან სიმსუქნის ქირურგიის შემდეგ პირველი ოცდაოთხი თვის მანძილზე ორსულობა რეკომენდებული არ არის.

სიმსუქნის სამკურნალოდ იყენებენ შემდეგ ოპერაციებს, რომლებიც უფრო კომფორტული აღდგენის პერიოდით ხასიათდებიან თუ ღია ქირურგიული წესის მაგივრად ლაპარასკოპიულად ან რობოტული, მცირეგანაკვეთიანი  მეთოდით განხორციელდებიან. პაციენტები ჩვეულ ცხოვრებას ძალიან სწრაფად უბრუნდებიან და კვების ახალ რეჟიმს ეჩვევიან აჩიბადემის სიმსუქნის ცენტრის მეტაბოლიზმის სპეციალისტის და დიეტოლოგის მეთვალყურეობის ქვეშ.

  1. კუჭის ბანდაჟი

სილიკონის ბანდაჟის მეთოდით, რომელიც ჩვეულებრივ ცნობილია როგორც კუჭის გადაკვანძვა, ბანდაჟი თავსდება კუჭის ირგვლივ უშუალოდ საყლაპავისა და კუჭის შეერთების ადგილის ქვემოთ, რითაც კუჭის მოცულობას ამცირებს. ბანდაჟი შეიძლება შევადაროთ ველოსიპედის ბორბლის შიდა, გრძელ, კამერას. ეს კამერა (ბუშტი) წვრილი მილით დაკავშირებულია პორტთან, რომელიც კანის ქვეშაა. ქირურგიული ოპერაციიდან დაახლოებით ერთი თვის შემდეგ, კამერას თანდათან ბერავენ პორტიდან  ფიზიოლოგიურ ხსნარის შეყვანით და ამ მარტივი მეთოდით ახდენენ კუჭის ზომაში შემცირებას. ეს მეთოდი პაციენტს საშუალებას აძლევს თავი დანაყრებულად იგრძნოს და მხოლოდ ცოტა ჭამოს.

როგორ ტარდება ოპერაცია?
კუჭის ბანდაჟი უმეტესწილად ლაპარასკოპიულად თავსდება. იმის გამო, რომ ოპერაცია მცირე განაკვეთებით კეთდება, პაციენტი ძალიან მალე უბრუნდება ჩვეულ აქტივობას.

ოპერაციის შემდგომი პერიოდი
ამ ოპერაციის შემდეგ, 18-დან 24 თვემდე დროის მანძილზე პაციენტი იკლებს ჭარბი წონის 60-80%. თუ ბანდაჟს რაიმე პრობლემა არ შეექმნა, წონის ხელახალი მომატების რისკი არ არსებობს.

  1. კუჭის სახელო

იგი ასევე ცნობილია როგორც „სახელოსებრი გასტრექტომია“ და მისი მიზანია შეამციროს კუჭის მოცულობა (დაახლოებით 60-100cc), რომ პაციენტს დანაყრების გრძნობა ქონდეს მცირე საკვების მიღების შემდეგ. ამისათვის კუჭის ნაწილის ქირურგიული ამოკვეთა ხდება ისე, რომ დარჩენილი ნაწილი სახელოს (მილის) ფორმის და დაახლოებით ბანანის ზომის რჩება. პაციენტი ასეევ კარგავს შიმშილის გრძნობას, რადგან სწორედ შიმშილის ჰორმონის გამომყოფი კუჭის ნაწილია ამოკვეთილი. ეს ოპერაცია ზღუდავს მხოლოდ მიღებული საკვების რაოდენობას. პაციენტს არ ჭირდება საკვები დანამატების და ვიტამინების მიღება, რადგან საჭმლის შეწოვა ნორმალურად მიმდინარეობს.

როგორ ხორციელდება ოპერაცია?

მილოვანი გასტრექტომიები ასევე ლაპარასკოპიულად ტარდება. მუცლის კედელზე მხოლოდ მცირე ზომის განაკვეთები კეთდება.

ოპერაციის შემდგომი პერიოდი
ოპერაციის შემდეგ, იმის გამო რომ უფრო ცოტა საკვებს იღებს, პაციენტი ადვილად ნაყრდება და კარგავს მადას. მოხმარებული საკვების რაოდენობა მკვეთრად მცირდება და პაციენტი დაახლოებით 1 წელიწადში იკლებს ჭარბი წონის 80-90%-ს.

  1. კუჭის შუნტირება

კუჭის შუნტირების ოპერაციებისას, კუჭის პატარა სეგმენტი (დაახლოებით 30-50cc) უერთდება წვრილ ნაწლავს, ხოლო ზედა სეგმენტის იზოლაცია ხდება. ეს ამცირებს კუჭის მოცულობას და უზრუნველყოფს მიღებული საკვების ორგანიზმიდან გამოყოფას შეწოვის გარეშე, რადგან ხდება ნაწლავების შესაბამისი სექციის ინაქტივაცია. შესაბამისად, პაციენტი დანაყრებულად გრძნობს თავს მცირე რაოდენობით საკვების მიღებისას, რომლისგანაც მხოლოდ ნაწილი შეიწოვება.

როგორ ტარდება ოპერაცია?
სიმსუქნის სხვა ოპერაციების მსგავსად, კუჭის შუნტირებაც ლაპარასკოპიულად ტარდება. მუცლის ღრუში შედიან მცირე განაკვეთებიდან, რაც პაციენტს პოსტოპერაციული თიაქრისა და ინფიცირების რისკისაგან მნიშვნელოვნად იცავს. რობოტის გამოყენება კუჭის შუნტირებისას უზრუნველყოფს ოპერაციის კონტროლს  სამგანზომილებიანი გამოსახულებების  საშუალებით და მის უფრო ადვილად ჩატარებას.

ოპერაციის შემდგომი პერიოდი
ოპერაციის შემდეგ პაციენტს ცოტა საკვები ანაყრებს, რაც მადის დაქვეითებას და საკვების მიღების მნიშვნელოვან შემცირებას იწვევს. კუჭის დაპატარავება და საკვების შეწოვის დაქვეითება სავალდებულოს ხდის ვიტამინებისა და მინერალური დანამატების მიღებას, რაც ქირურგების და დიეტოლოგების მეთვალყურეობის ქვეშ ხდება, რათა პაციენტმა წონაში კლებისას არ განიცადოს ვიტამინებისა და მინერალების დეფიციტი. პაციენტები კლინიკიდან ეწერებიან ოპერაციის შემდეგ 3-4 დღეში.

  1. რობოტული ქირურგიის უპირატესობა

შესაძლოა თქვენ სიმსუქნის ქირურგიული მკურნალობა რობოტით da Vinci ჩაგიტარდეთ. ეს ოპერაციები, რომლებიც ობიექტურად აპატარავებენ კუჭს, რაც პაციენტის სწრაფ დანაყრებას უზრუნველყოფს, სიმსუქნის მკურნალობის ყველაზე თანამედროვე და ეფექტური მეთოდებია.  ამ ოპერაციების ღია წესით ჩატარება მნიშვნელოვან სირთულეებთან და რისკებთან არის დაკავშირებული ჯანმრთელობის ზოგადი მდგომარეობის გამო და ჭრილობის შეხორცების შესაძლო პრობლემების გამო. რობოტულ ქირურგიას გააჩნია ვიზუალური და ტექნიკური უპირატესობები, რაც ოპერაციას უფრო ადვილს და უსაფრთხოს ხდის.
კუჭის შუნტირების ოპერაცია, რომელიც ყველაზე ხშირად ტარდება რობოტულად, სიმსუქნის ქირურგიის ოქროს სტანდარტად ითვლება. იგი განაპირობებს როგორც კუჭის დაპატარავებას, ასევე ნაწლავთა გარკვეული სეგმენტის ინაქტივირების გზით, საკვების შეწოვის დაქვეითებას. ამ ოპერაციის რობოტით ჩატარება პაციენტს რიგ უპირატესობებს სთავაზობს, რომელთა შორისაა:
ნაკლები სისხლდენა და სისხლის გადასხმის ნაკლები საჭიროება
– ინფექციის ნაკლები რისკი
– ნაკლები ტკივილი და ნაწიბური
– ნაკლები ჰოსპიტალიზაციის დრო
– ჩვეული აქტივობებისადმი სწრაფი დაბრუნება

სიმსუქნის ქირურგიული მკურნალობის უპირატესობები
პაციენტს ეძლევა რეკომენდაცია, რომ რეგულარულად დაიცვას მისთვის შერჩეული დიეტა და ვარჯიშის პროგრამა, რადგან ოპერაციის წარმატებული შედეგები პირდაპირ არის დამოკიდებული ამაზე.
ყველა პაციენტი, რომელიც ამ პროგრამას იცავს, ძალიან სწრაფად იკლებს წონაში. ისინი 1-1,5 წელიწადში აღწევენ სასურველ წონას და ახალ ცხოვრებას იწყებენ.

სიმსუქნის ქირურგიის შემდეგ ხდება სემდები პრობლემების მოგვარება:
– რეგულირდება არტერიული წმევა. პაციენტთა 70%-ს საშუალება ეძლევა თავი დაანებოს ჰიპოტენზიურ წამლებს.
– იკლებს ქოლესტერინის დონე. ქოლესტერინი პაციენტთა 80%-ში მკვეთრად კლებულობს. მაჩვენებლები ნორმას შეიძლება დაუბრუნდეს ოპერაციის შემდეგ ორ-სამ თვეში.
–გულის დაავადებების რისკი კლებულობს.
– მეორე ტიპის დიაბეტის დიაგნოზის მქონე უფრო ცოტა პაციენტს ესაჭიროება მედიკამენტების გაგრძელება.
–დიაბეტის ზღვარზე მყოფი პაციენტები სრულად გამოჯანმრთელდებიან.
– მნიშვნელოვნად მცირდება ასთმის შეტევები, ზოგი პაციენტი კი სრულად გამოჯანმრთელდება.
– სუნთქვის პრობლემები რჩება ოპერაციის შემდეგ რამოდენიმე თვეში. ბევრი პაციენტი უბრუნდება ან იწყებს ისეთ აქტივობას, რომლის განხორციელება არ შეეძლო სუნთქვის პრობლემების გამო.
– იკურნება ძილთან დაკავშირებული პრობლემები, კერძოდც ძილის აპნოე.
– იკურნება რეფლუქსი
– დაკლებული წონა პერმანენტულია, თუ პაციენტი იცავს შესაბამის წესებს.