არ შეიძლება ჯანმრთელობის უგულებელყოფა! იყავით წინდახედულები!

არ შეიძლება ჯანმრთელობის უგულებელყოფა! იყავით წინდახედულები!

ყოველდღიურად Covid-19 ით ინფიცირებულთა რიცხვი უფრო და უფრო იზრდება. ინფექციისგავრცელებამ გავლენა იქონია თითქმის ყველა სახლზე. თითქმის ყველა ოჯახში რომელიმე წევრმა ანგადაიტანა ვირუსი, ან ებრძვის ინფექციას. Acıbadem– ის ინფექციური დაავადებების და კლინიკურიმიკრობიოლოგიის პროფესორი ჩაგრი ბუკე კომენტარს აკეთებს სიტუაციის შესახებ: “PCR ტესტისგამოყენებით Covid-19-ით დიაგნოსტირებულ პაციენტთა დაახლოებით 80% მკურნალობს სახლში. საშიშროება იმაში მდგომარეობს, რომ დაავადებულთან ერთად დახურულ შენობაში ყოფნისასინფიცირების რისკი ძალიან მაღალია.” შემდგომ ტექსტში განვიხილავთ 10 ოქროს წესს, რომლებიცაუცილებლად მკაცრად უნდა დავიცვათ Covid-19-ით ინფიცირებულთან ერთად ცხოვრებისას.

კორონავირუსით დაავადებულთან ერთად ცხოვრების 10 წესი

ცალკე ოთახი

Covid-19-ით ინფიცირებული ოჯახის სხვა წევრებისგან უნდა იზოლირდეს. ის მთელი დღე ცალკე ოთახშიუნდა იმყოფებოდეს (მათ შორის ჭამდეს ცალკე ოთახში). ამ ოთახის კარი ყოველთვის დახურული უნდაიყოს.

პირბადესავალდებულო ატრიბუტია Covid-19-ით დაავადებულთან კონტაქტისას

Covid-19-ით ინფიცირებულთან ოთახში შესვლა დასაშვებია მხოლოდ უკიდურეს შემთხვევებში, როცადაავადებული დამოუკიდებლად ვერ უმკლავდება რაიმეს. პაციენტმა ასევე არ უნდა დატოვოს თავისიოთახი უსაფუძვლოდ. საჭიროების შემთხვევაში, შეგიძლიათ მოინახულოთ დაავადებული, სოციალურიდისტანციის დაცვით და მხოლოდ პირბადით, რომელიც მჭიდროდ უნდა მოირგოთ სახეზე, სრულადდაიფაროთ პირი და ცხვირი. ამ წესის უგულებელყოფა ერთი წუთითაც კი არ შეიძლება!

აბაზანის რეგულარული დალაგება

იდეალურ შემთხვევაში, პაციენტს უნდა ჰქონდეს საკუთარი აბაზანა. თუ ეს შეუძლებელია, მაშინ ყოველი გამოყენების შემდეგ უნდა მოხდეს ზედაპირების (უნიტაზი, ნიჟარა, ონკანები, იატაკები) დეზინფიცირება.

პირადი ჭურჭელი და თეთრეული

Covid-19-ით დაავადებული პაციენტი ავადმყოფობის პერიოდში უნდა უზრუნველყოთ პირადი ჭურჭლით, მ. შ. დანა-ჩანგლით და თეთრეულით. მათი გამოყენება ოჯახის სხვა წევრებს არ შეუძლიათ. თეთრეული სარეცხ მანქანაში უნდა გაირეცხოს ცალკე, ხოლო ჭურჭელი უნდა გაირეცხოს ჭურჭლის სარეცხ მანქანაში ან გამდინარე წყლის ქვეშ ხელით, სარეცხი საშუალების გამოყენებით.

ხელების რეგულარულად დაბანა

საერთო სარგებლობის ადგილებში ნებისმიერი ზედაპირის შეხების შემდეგ, ჭამამდე და ჭამის შემდეგ, ბანაობის შემდეგ, საკვების მომზადებამდე და მისი მომზადების შემდეგ, შენობებში საგნებთან შეხების შემდეგ ხელები უნდა დაიბანოთ საპნიანი ხსნარით არანაკლებ 20 წამის განმავლობაში. ასევე, ხელების ჰიგიენისათვის შეიძლება გამოყენებულ იქნას სადეზინფექციო საშუალებები.

კორონავირუსით დაავადებული პაციენტი სახლში პირბადით

Covid-19-ით დაავადებული ადამიანი, სააბაზანო ან სხვა ოთახებში შესვლისას, ვალდებულია ატაროს პირბადე (მჭიდროდ მორგებული ცხვირსა და პირზე).

ზედაპირების დეზინფექცია

ყოველი შეხების შემდეგ, გულდასმით უნდა დაამუშაოთ კარის სახელურები, ჩამრთველ-ამომრთველები და საერთო სარგებლობის სხვა ნივთების ზედაპირები სადეზინფექციო ან სარეცხი საშუალებით.

ცალკე პირსახოცები

ოჯახის თითოეულ წევრს უნდა ჰქონდეს საკუთარი პირსახოცი, ვინაიდან მისგან შესაძლებელია მარტივად მოხდეს ინფექციის გადაცემა. დაავადებულისთვის უნდა გამოიყოს ცალკე პირსახოცი ან გამოყენებულ იქნას ქაღალდის ხელსახოცები. ტუალეტის ქაღალდი და ქაღალდის ხელსახოცები აუცილებლად უტილიზირებულ უნდა იქნეს მჭიდროდ დახურულ პაკეტში.

თეთრეულის რეგულარული შეცვლა

Covid-19-ით დაავადებულს ყოველ დღე უნდა გამოუცვალოთ ბალიშის პირები და გარეცხოთ ისინი სარეცხ მანქანაში არანაკლებ 60 გრადუს ტემპერატურაზე. თეთრეული მთლიანად უნდა შეიცვალოს სამ დღეში ერთხელ და უნდა გაირეცხოს არანაკლებ 60 გრადუს ტემპერატურაზე.

ყველა ოთახის რეგულარული განიავება

კორონავირუსით ოჯახის სხვა წევრების ინფიცირების პროფილაქტიკის მნიშვნელოვან ელემენტს წარმოადგენს შენობის / ოთახების რეგულარული განიავება. საუბარია არა მხოლოდ ოთახებზე, სადაც იმყოფება ინფიცირებული, არამედ მთლიანად საცხოვრებელზე. ოთახები უნდა განიავდეს ყოველდღე რამდენიმე წუთის განმავლობაში. ვინაიდან შენობის შიგნით ვირუსის გავრცელების და ინფიცირების ალბათობა ძალიან მაღალია, ჯანმრთელი მნახველების შეშვება ინფიცირებულთან დაუშვებელია.

პროფესორი ბუკე ამბობს: “ამ წესების დაცვა აუცილებელია ან ნეგატიური პასუხის/ტესტის მიღებამდე, ან (თუკი ის არ ჩატარებულა) სიმპტომების გამოვლენის მომენტიდან 14 დღის განმავლობაში, ან სიმპტომების სრულად გაქრობიდან 48 საათის განმავლობაში. მაგრამ უნდა გვახსოვდეს, რომ ეს ვირუსი ზოგჯერ შეიძლება გამოიდევნებოდეს ორგანიზმიდან უფრო დიდი ხნის განმავლობაში. ”

ᲛᲙᲣᲠᲜᲐᲚᲝᲑᲐ

ᲢᲔᲥᲜᲝᲚᲝᲒᲘᲔᲑᲘ

ACIBADEM

×
ძიება