ყურადღება მიაქციეთ ლიმფური კვანძების გადიდებას

ყურადღება მიაქციეთ ლიმფური კვანძების გადიდებას

ბავშვებში კიბოს ყველა სახეობიდან უმეტესად ხშირადა არის გავრცელებული ლიმფომა. მისი სიმპტომები ძალიან გავან ისეთებს, რომლებიც გრიპისთვის არის დამახასიათებელი – დაღლილობა, ციებ-ცხელება. 

Acıbadem Maslak კლინიკის ბავშვთა ონკოლოგი, პროფესორი ფუნდა ჩორაფჩიოღლუ ამბობს, რომ ლიმფომას შეუძლია თან მოჰყვეს  ლიმფური კვანძების გადიდება სხეულის ნებისმიერ ნაწილში, და ასევე ჰეპატომეგალია (ღვიძლის გადიდება) და სპლენომეგალია (ელენთას გადიდება). ამისი მსგავსი შესაძლებელია სხვა დაავადებების დროსაც. ამიტომ, გადიდებული ლიმფური კვანძები ყოველთვის არ მიუთითებს ლიმფომაზე, მაგრამ მათში მომხდარი ცვლილებების უყურადღებოდ დატოვება შეუძლებელია. 

ყურადღება! ლიმფომა შეიძლება აგვერიოს გრიპთან!

პროფესორი ფუნდა ჩორაფჩიოღლუ ხაზს უსვამს, რომ დაღლილობა, ციებ-ცხელება, მადის დაკარგვა ნიშანდობლივია ლიმფომის დროს, ასევე სხვა დაავადებების დროსაც. იგი სიძნელეებს ქმნის დიაგნოზის დასმის დროს, და, ამის შედეგად იკარგება ძვირფასი დრო. ლიმფური კვანძების გადიდება (უმეტეს ხშირად ვლინდება კისრის, საზარდულის, იღლიების, ლავიწის ძვლის თავზე არეებში) შეიძლება აღმოჩნდეს ზედა სასუნთქი გზების ინფექციის და გრიპის დროს. მაგრამ ასეთივე ნიშნები მიუთითებენ ლიმფომაზე. რაც უფრო მალე მშობლები შეამჩნევენ სახიფათო სიმპტომებს, მით უფრო მეტი შანსი არის დროული დიაგნოზის დადგენის და ბავშვის გადარჩენისათვის. 

ბავშვთა ონკოლოგი ფუნდა ჩორაფჩიოღლუ ამბობს: «ბავშვებში ლიმფური კვანძების გადიდება შეიძლება ჯანმრთელობისთვის იყოს როგორც უსაფრთხო, ასევე ლიმფომის ნიშანი. ამიტომ თითოეული ცალკეული შემთხვევა უნდა იყოს განხილული ინდივიდუალურად, ანამნეზისა და ფიზიკური დათვალიერების გათვალისწინებით. გარდა ამისა, ტარდება შესაბამისი ტესტირება, სისხლის ანალიზი, და ასევე ინიშნება მკერდის რენტგენი 2 პროექციაში, ულტრაბგერითი გამოკვლევა, კომპიუტერული ტომოგრაფია და ბიოფსია. ყოველივე ეს ხელს უწყობს დროულ დიაგნოზის  დადგენას დაავადების შეჩერებისათვის».

ყველაზე მნიშვნელოვანი ნიშნები!

პროფესორი ფუნდა ჩორაფჩიოღლუ ამბობს: «განსაკუთრებული ყურადღება უნდა მივაქციოთ ბავშვის მდგომარეობას, როდესაც ინფექცია, ციებ-ცხელება, წონის დაკარგვა, ღამის ოფლიანობა, ანემია და გამონაყარი მიმდინარეობს ლიმფური კვანძების 1სმ და მეტით გადიდებასთან ერთად. თუ კვანძები დიდია, ადვილად პალპირდებიან, მოძრავი არიან, ეს მეტყველებს მათ კეთილთვისებიან ხასიათზე. უმოძრაო კვანძები, რომლებიც კლასტერს (შეგროვებას) ქმნიან, შეიძლება მეტასტატიკურ კიბოს ან ლიმფომის შესახებ მეტყველებდნენ. მნიშვნელოვანია ზუსტად განსაზღვროთ: 

  • დაავადების დაწყების დრო, 
  • პროგრესირებადია თუ არა, 
  • დაავადების დაწყებიდან  ლიმფური კვანძების რა რაოდენობა მოიმატა ზომაში. 

კვანძები, რომლების ზომა ხანგრძლივი დროის მანძილზე არ მცირდება, ექვემდებარებიან გამოკვლევას ბიოფსიის აღების მეშვეობით. 

ადრეული დიაგნოსტიკა – სრული გამოჯანმრთელების შანსია!

ბავშვებში დაავადებების სტატისტიკა მეტყველებს, რომ ლიმფომა შედის ყველაზე გავრცელებულ ონკოლოგიურ დაავადებათა რიცხვში და მესამე ადგილს იკავებს ლეიკემიასა და ცენტრალური ნერვიული სისტემის სიმსივნეების შემდეგ.

პროფესორი ფუნდა ჩორაფჩიოღლუ ამტკიცებს: «ადრეული დიაგნოსტიკა სიცოცხლეს არჩენს ლიმფომის დროს, მკურნალობის სრული წარმატების გარანტიას აძლევს. ამიტომ საჭიროა ბავშვების ზედმიწევნით გამოკვლევა, დიაგნოზის დროულად დასმისათვის».

ექიმი გვირჩევს მივაჩვიოთ ბავშვები ჯანსაღ, ბალანსირებულ კვებას, რეგულარულ ფიზიკურ ვარჯიშებს. ისინი ასევე არ უნდა იმყოფებოდნენ თამბაქოს მოსაწევ ადგილებში. 

მაგრამ მთავარია –  დროულად ჩატარებული გამოკვლევა! ამას ჩაატარებენ კლინიკა Acıbadem Maslak-ის გამოცდილი სპეციალისტები. 

×
ძიება