» რჩევები ჯანსაღი გულისთვის
რჩევები ჯანსაღი გულისთვის

რჩევები ჯანსაღი გულისთვის

დაიცავით მარტივი, მაგრამ ეფექტური რეკომენდაციები გულ-სისხლძარღვთა ჯანმრთელობისთვის. ამრიგად, თქვენ შეგიძლიათ შეამციროთ გულ-სისხლძარღვთა დაავადებების რისკი.

ჯანსაღი გულის საიდუმლო…

გულ-სისხლძარღვთა დაავადებების თავიდან აცილება შესაძლებელია. კვლევების თანახმად, თქვენი ცხოვრების სტილის შეცვლამ შეიძლება შეამციროს გულ-სისხლძარღვთა დაავადებების რისკი დაახლოებით 82 პროცენტით. ჯანსაღი გულ-სისხლძარღვთა სისტემისთვის უნდა გაითვალისწინოთ შემდეგი ჩევები

დაემშვიდობეთ მოწევას და აღარასოდეს დაუბრუნდეთ მას

დაანებეთ თავი მოწევას ან თუ უკვე მიატოვეთ მოწევა, აღარასდროს დაუბრუნდეთ ისევ. თუ დახმარება გჭირდებათ მოწევის შეწყვეტისთვის, დაუკავშირდით ჩვენს საკონსულტაციო ცენტრებს.

იარეთ რეგულარულად

გააკეთეთ ზომიერი ვარჯიშები, როგორიცაა სწრაფი სიარული დღეში 30-დან 60 წუთის განმავლობაში. დარწმუნდით, რომ ივარჯიშეთ კვირაში მინიმუმ 150 წუთი. ამ მიზნის მისაღწევად, შეგიძლიათ დღეში 30 წუთი იაროთ კვირაში 5 დღე. თუ ჭარბი წონა გაქვთ, შეგიძლიათ ყოველი ვარჯიშის გახანგრძლივება 60-დან 90 წუთამდე.

მოიცილეთ ჭარბი წონა

ჭარბი წონა არის გულის კორონარული დაავადების ერთ-ერთი კრიტიკული რისკის ფაქტორი. ის ასევე განიხილება არამარტო გულის დაავადებების, არამედ შაქრიანი დიაბეტისა და ჰიპერტენზიის მნიშვნელოვანი რისკფაქტორადაც, რაც იწვევს გულის დაავადებებს. სამეცნიერო კვლევებმა აჩვენა, რომ ჭარბი წონის 5 პროცენტის დაკარგვაც კი აუმჯობესებს ცხოვრების ხარისხს, ამცირებს დიაბეტის რისკს და დადებითად მოქმედებს სისხლის ლიპიდურ პროფილზე. ცხიმის დაგროვება, განსაკუთრებით მუცლის არეში, ძალიან მნიშვნელოვანია კორონარული არტერიის დაავადების რისკისთვის. არსებობს დადებითი კორელაცია სხეულის მასის ინდექსსა და სიკვდილიანობას შორის. სხეულის მასის ინდექსი <25 კგ/მ2 ნორმალურია, 25-30 კგ/მ2 არის ჭარბი წონა და >30 კგ/მ2 გულისხმობს სიმსუქნეს. უფრო მეტიც, წელისა და ბარძაყის თანაფარდობა ნორმალურ ზღვარს ზემოთ, ან სხვა სიტყვებით რომ ვთქვათ, მუცლის სიმსუქნე, ზრდის კორონარული არტერიის დაავადების რისკს. ნორმალური წელისა  და თეძოს თანაფარდობა მამაკაცებში არის 0,9 და ქალებში 0,8. არტერიული წნევის გარკვეულწილად დარეგულირებაში 3-დან 5კგ-მდე დაკლებაც კი დაგეხმარებათ. საჭიროების შემთხვევაში ეწვიეთ დიეტოლოგს.

გაიარეთ გულის გამოკვლევა

აუცილებელია გულის შემოწმება 40 წლის შემდეგ მამაკაცებისთვის და 50 წლის შემდეგ ქალებისთვის. ეს შემოწმებები უნდა ჩატარდეს 2 წლის ინტერვალით დაბალი რისკის მქონე პირებისთვის და ყოველწლიურად მაღალი რისკის მქონე პირებისთვის. იმის გამო, რომ ამ პერიოდში შეიძლება შეიცალოს მეტაბოლიზმი და განვითარდეს ზოგიერთი დაავადება. თუმცა, მნიშვნელოვანია 30 წლის ასაკშიც ჩაიტაროთ გამოკვლევა, თუ ოჯახური ისტორია დადებითია გულის დაავადებაზე ახალგაზრდა ასაკში, ან თუ პაციენტს ან პირველი რიგის ნათესავს აქვს დიაბეტი, ჰიპერტენზია და მაღალი ქოლესტერინის დონე.

*ჩვენს ვებსაიტზე განთავსებული ინფორმაცია არ ისახავს მიზნად ინსტრუქციების მიწოდებას დიაგნოსტიკისა და მკურნალობისთვის. არ ჩაიტაროთ რაიმე სახის დიაგნოსტიკური და თერაპიული პროცედურა ექიმთან კონსულტაციამდე. სტატიები შეიცავს ინფორმაციას Acıbadem Healthcare Group-ის თერაპიული ჯანდაცვის სერვისების შესახებ.

ᲛᲙᲣᲠᲜᲐᲚᲝᲑᲐ

ᲢᲔᲥᲜᲝᲚᲝᲒᲘᲔᲑᲘ

ACIBADEM

×
ძიება