როგორი გავლენა აქვს კორონავირუსს კიბოთი დაავადებულ პაციენტებზე?
ხელწერა: პროფესორი აზიზ იაზარი (Aziz Yazar), მედიცინის მეცნიერებათა დოქტორი.
დაავადება სახელწოდებით „Covid-19“, რომელიც გავრცელდა მთელს მსოფლიოში, და პანდემიადაა აღიარებული, უფრო სერიოზულ საფრთხეს უქმნის მათ ვინც დაავადებულია ქრონიკული დაავადებებით. მაშ ასე: როგორ მოქმედებს კორონავირუსი კიბოთი დაავადებულ პაციენტებზე? როგორ დაიცვან თავი ასეთმა ადამიანებმა კორონავირუსისგან?
კიბოთი დაავადებულები განსაკუთრებით ფრთხილად უნდა იყვნენ „Covid-19“-თან.
პირველად კორონავირუსული ინფექცია , გამოწვეული SARS-CoV-2 (Covid-19), რომელიც წარმოადგენს კორონავირუსული ოჯახის ნაირსახეობას აღმოჩენილი იქნა ჩინეთში, 2019 წლის დეკემბერში. ჩინეთიდან ის მთელს მსოფლიოში გავრცელდა პანდემიის მასშტაბით, (პანდემია, ინფექციაა რომელიც მოიცავს ვრცელ ტერიტორიას, ერთ სახელმწიფოზე ან კონტინენტზე მეტს). „Covid-19“ სწრაფად გავრცელდა მსოფლიოს ბევრ ქვეყანაში და მაღალი რისკის ქვეშ დააყენა კიბოთი დაავადებული პაციენტები.
ვინ იმყოფება „Covid-19“-ით დაავადების რისკჯგუფში?
კორონავირუსის ზემოქმედება უფრო სერიოზულია ქრონიკული დაავადებების მქონე ადამიანებში (გულის უკმარისობა, თირკმლის უკმარისობა, ფილტვების ქრონიკული დაავადება, ჰიპერტენზია, შაქრიანი დიაბეტი და ა.შ.) ამ ჯგუფს უნდა დაემატოს ონკოლოგიური პაციენტები და ისინი, ვინც კიბოს მკურნალობის პროცესში არიან. ონკოლოგია ზრდის ჰოსპიტალიზაციის ალბათობას, კორონავირუსით დაავადების დროს. ასევე იზრდება სიკვდილიანობის რისკი.
როგორი სიმპტომებით ხასიათდება კორონავირუსი კიბოთი დაავადებულ პაციენტებში?
„Covid-19“- ის ძირითადი სიმპტომებია ცხელება, ძლიერი დაღლილობა, ხველა და ქოშინი. მსგავსი სიმპტომები კორონავირუსის ინფექციის დროს აღინიშნება კიბოს დაავადების მქონე პაციენტებსაც.
როგორია დაავადების ტიპიური მიმდინარეობა „Covid-19“ -ის დროს კობოთი დაავადებულ პაციენტებში?
მსუბუქი ან ზომიერი სიმპტომებით „Covid-19“-ით ინფიცირებული ადამიანების უმრავლესობა ახერხებს ჰოსპიტალიზაციის გარეშეც გამოჯანმრთელებას, თუმცა, კიბოთი დაავადებულის შემთხვევაში, ან მკურნალობის დროს, იზრდება ორგანოთა უკმარისობა. ეს იწვევს ჰოსპიტალიზაციის საჭიროებას, რადგან ასეთ პაციენტებში იმუნური სისტემა დასუსტებულია. ამიტომ სიკვდილიანობის რისკი იზრდება.
თუ კიბოთი მკურნალობა დასრულებულია…
სრულიად შესაძლებელია რომ იმ პაციენტთა იმუნური სისტემა რომლებმაც დაასრულეს კიბოს მკურნალობა ერთ წელზე მეტი ხნის წინ ნორმის ფარგლებში იყოს, შესაბამისად არსებობს შანსი რომ დაავადების განვითარების რისკი დაახლოებით ისეთივე იყოს როგორიც მათთვის ვინც ჯანმრთელია.
უშლის თუ არა ხელს კორონავირუსი კიბოს მკურნალობას?
„Covid-19“-ით დაავადების შემთხვევაში, აუცილებელია შეჩერდეს კიბოს მკურნალობა, მანამ სანამ სიმპტომები არ გაქრება. კიბოს მკურნალობის დროს პაუზამ შეიძლება გამოიწვიოს იმ ტიპის კიბოს განვითარება, რომელიც სწრაფად პროგრესირებს.
როგორ შეიძლება დაიცვან თავი კიბოთი დაავადებულებმა კორონავირუსისგან?
ამ ვისუსის საწინააღმდეგო ვაქცინა ჯერ არ შემუშავებულა. ამჟამად არ არსებობს მკურნალობის არცერთი ცნობილი ეფექტური მეთოდი. ასევე კიბოთი დაავადებული პაციენტებისთვის, არ არსებობს დამატებითი ზომები, გარდა იმისა, რაც ზოგადად მიღებულია მოსახლეობის ყველა ჯგუფში. ეს სიფრთხილის ზომებია, რაც მოიცავს:
• მოერიდეთ ხალხმრავალ ადგილებს.
• არ შეეხოთ პირის ღრუს, თვალებსა და ცხვირს სახლის გარეთ.
• ხშირად დაიბანეთ ხელები საპნით.
• ხელების დამუშავება ალკოჰოლზე დაფუძნებული სადეზინფექციო საშუალებებით იმ შემთხვევებში, როდესაც შეუძლებელია საპნის საშუალებით ხელების დაბანა.
• გაასუფთავეთ სადეზინფექციო საშუალებებით ზედაპირი, რომელთაც ხშირად ეხებით
„Covid-19“ -ით ინფიცირებით ეჭვის დროს
თუ „Covid-19: ით ხართ ინფიცირებული, სხვათა ინფიცირების თავიდან ასაცილებლად უნდა მოთავსდეთ კარანტინში. თქვენ უნდა მიიღოთ ბევრი სითხე და დაისვენოთ. ასევე აუცილებელია ნიღბის ტარება და იმ ზედაპირების გაწმენდა, რომლებსაც პაციენტები ეხებიან. თუ თავს ცუდად გრძნობთ, შეიძლება საჭირო გახდეს ჰოსპიტალიზაცია და მკურნალობის ჩატარება.
