პატარა გმირმა დიდი დაავადება დაამარცხა!

პატარა გმირმა დიდი დაავადება დაამარცხა!

აჯიბადემის კლინიკას, სამედიცინო დახმარებისთვის, ადანიდან, სამი წლის კუზეი ჩენგეზერის მშობლებმა მიმართეს, როდესაც ბავშვს ციებ-ცხელება ჰქონდა. Acıbadem Adan-ის კლინიკაში მთელი რიგი ანალიზების ჩატარების შემდეგ, კუზეის დაუდგინდა «მწვავე ლიმფობლასტური ლეიკემია». 

მწვავე ლიმფობლასტური ლეიკემია (ALL) არის სისხლის და ძვლის ტვინის კიბო. დაავადება იწყება ძვლის ტვინში და იპყრობს სისხლის თეთრ უჯრედებს (ლეიკოციტებს). ეს ბავშვებში კიბოს ყველაზე გავრცელებული  სახეობაა. სიმპტომები უცებ ჩნდება და ძალიან სწრაფად პროგრესირებს. ასეთი დიაგნოზის მქონე პაციენტებისთვის ძალიან მნიშვნელოვანია მკურნალობის დაუყონებლივი დაწყება, რათა დაავადება შეჩერდეს. 

პროფესორმა ბიულენტ ანტმენიმ, Acıbadem Adan-ის კლინიკის ბავშვთა ცენტრის დირექტორმა და მისმა გუნდმა დაუყონებლივ დაიწყეს კუზეის მკურნალობა. თავდაპირველად, პატარა პაციენტმა გაიარა ქიმიოთერაპიის კურსი, მაგრამ მას დასჭირდა ძვლის ტვინის გადანერგვა, ეს ALL-ის მკურნალობის ერთადერთი ვარიანტია. 

ძვლის ტვინის სკრინინგი დაიწყო TÜRKÖK-ში, შემდეგ კი მთელ მსოფლიოში.

შესაფერისი (90%) დონორის მოძებნა მოხერხდა ჰანიაში (კუნძული კრეტა, საბერძნეთი) – 2020 წლის აპრილის დასაწყისში, მისი სახელია ანდრეასი. მაგრამ – ძვლის ტვინის მიღება შეუძლებელი იყო კორონავირუსის გამო საჰაერო მიმოსვლის გაუქმების მიზეზით.

სტამბოლში და ათენში ღეროვანი უჯრედების ბანკების ძალისხმევას მხარი დაუჭირა ჯანდაცვის სამინისტრომაც – ამრიგად, მათ მოახერხეს მიეღოთ ძვლის ტვინი 35 წლის დონორისგან, რომელიც კრეტაზე ცხოვრობს,  ტრანსპორტირებით სტამბოლში და შემდეგ სახმელეთო გზით ადანაში – სპეციალური ნებართვის წყალობით.

ღეროვანი უჯრედები ინახებოდა -170°С ტემპერატურაზე  და  ჩაინერგა კუზეის ძვლის ტვინში, ბავშვთა ჰემატოლოგიის და ონკოლოგიის პროფესორ ბიულენტ ანტმენის და მისი გუნდის მიერ ჩატარებული ოპერაციის დროს, რომელიც საათნახევარი გრძელდებოდა Acibadem Adan-ის კლინიკაში, 2020 წლის 20 მაისს.

ივლისის დასაწყისში, გადანერგვიდან 2 თვის შემდეგ,  სრულიად ჯანმრთელი ბიჭი გამოიწერა კლინიკიდან.რეციდივის რისკის გათვალისწინებით, ბიულენტ ანტმენი და მისი გუნდი მომავალი 3 წლის განმავლობაში დააკვირდებიან პატარა პაციენტის მდგომარეობას.

×
ძიება