პაციენტის გზამკვლევი

უცხოელი პაციენტების პროგრამა

Acibadem Health Point–ის პროგრამა უცხოელი პაციენტებისათვის შეხების პირველ წერტილს წარმოადგენს.

Acıbadem Health Point-ის პროგრამის მეშვეობით Acıbadem Healthcare Group-ი უცხოელ პაციენტებს ინდივიდუალურ საჭიროებებზე მორგებულ მომსახურებას სთაზობს. ACIBADEM Healthpoint პროგრამა ფუნქციონირებს „ერთი ფანჯრის“ პრინციპით და უცხოელ პაციენტებს მოთხოვნის პირველივე დღიდან ACIBADEM-ის საავადმყოფოდან მათი გამოწერის მომენტამდე ეხმარება.

Acıbadem Health Point-ის სწარაფად მზარდი გუნდი მოიცავს პაციენტებთან ურთიერთობის პერსონალსა და ექიმებს. გულმოდგინე პროფესიონალების გუნდი უცხოელი პაციენტების სამკურნალო პროცესს მათი საჭიროებებისა და მოლოდინების შესაბამისად მართავს. ჩამოსვლამდე, ვიზიტის მანძილზე და მის შემდგომ გთავაზობთ შემდეგ მომსახურებას:

• თქვენს დიაგნოზზე დამატებითი სამედიცინო დასკვნა საინფორმაციო ოფისიდან
• სამედიცინო კონსულტაციების დაგეგმვა
• საერთაშორისო სადაზღვევო კომპანიებთან ურთიერთობაში დახმარება
• მომსახურების ხარჯების დაანგარიშება
• სავიზო პროცედურებთან დაკავშირებული დახმარება
• სასტუმროს დაჯავშნა
• სტამბოლის აეროპორტებში დახვედრა
• აეროპორტიდან სახმელეთო ტრანსპორტირების უზრუნველყოფა
• საავადმყოფოს მიმღებსა და ექიმებთან თარჯიმნით უზრუნველყოფა და სხვა დახმარება
• კონსულტაციების შემდეგ სამედიცინო დასკვნების ასლების მოწოდება
• გაწერისა და ანგარიშწორების პროცედურებთან დაკავშირებული დახმარება
• Acıbadem Healthcare Group-ის ექიმებთან კომუნიკაციის უზრუნველყოფა თქვენი გამომგზავრების შემდეგ

Acıbadem Health Point-ის საინფორმაციო ოფისები

უცხოელი პაციენტების მოგზაურობა 50-ზე მეტ სხვადასხვა ადგილას განთავსებული საინფორმაციო ოფისებიდან იწყება. თურქეთში მკურნალობასთან დაკავშირებით ინფორმაციის ან სამედიცინო დასკვნისათვის უცხოელ პაციენტებს  შეუძლიათ მიმართონ ჩვენს ოფისებს. ჩვენს ოფისებში უცხოელ პაციენტებს დაეხმარებიან იმ სამედიცინო დოკუმენტაციისა და სათანადო ანალიზების შედეგების წარმოდგენაში, რომელიც Acibadem-ის ექიმებს შესაფასებლად დასჭირდებათ. მას შემდეგ რაც ყველა სამედიცინო დოკუმენტი განიხილება, Acıbadem Health Point-ის გუნდი უკავშირდება უცხოელ პაციენტებს მკურნალობის გეგმისა და ღირებულების შესახებ. გთხოვთ იხილოთ ჩვენი საინფორმაციო ოფისების ადგილმდებარეობა.

Acıbadem Health Point-ის დახვედრის სივრცეები

მას შემდეგ რაც ჩვენი უცხოელი პაციენტები თურქეთში სამკურნალოდ ჩამოსვლას გადაწყვეტენ, მათ გულთბილად დახვდებიან ჩვენს Health Point-ის სივრცეებში თურქეთის ქალაქ სტამბოლში, სტამბოლისა (IHL) და საბიჰა გოკჩენის (SAW) აეროპორტებში. უცხოელ პაციენტებს საშუალება აქვთ დაისვენონ და ტრანსფერის მოლოდინში ისარგებლონ Wi-fi-ით.

სტამბოლის აეროპორტის (IHL) საერთაშორისო ფრენების ტერმინალში თუ ჩამოფრინდებით, მას შემდეგ რაც ბარგს აიღებთ, გაემართეთ ბარგის N14 და N15 ბილკებს შორის არსებული გასასვლელისკენ. როდესაც გეითიდან (აეროპორტის შენობის განყოფილება) გამოხვალთ გზა მარჯვნივ გააგრძელეთ ვიდრე ACIBADEM Health Point-ის სივრცეს არ დაინახავთ.

საბიჰა გოკჩენის (SAW) საერთაშორისო აეროპორტის საერთაშორისო ფრენების ტერმინალში თუ ჩამოფრინდებით, მას შემდეგ რაც ბარგს აიღებთ გასასვლელისკენ გაემართეთ. როდესაც გეითიდან გამოხვალთ გზა მარჯვნივ გააგრძელეთ ვიდრე თქვენგან ხელმარცხნივ ACIBADEM Health Point-ის სივრცეს არ დაინახავთ.

Acıbadem Health Point-ის სატრანსპორტო საშუალებები

Acıbadem Health Point-ის პროგრამა უცხოელ პაციენტებს უფასო ტრანსპორტირებას სთავაზობს. წინასწარ დაჯავშნილი ტრანსფერისას პირდაპირ სასტუმროში ან ჩვენს საავადმყოფოში მოგიყვანენ. ტრანსფერის მზაობის შესახებ პაციენტებს Acıbadem Health Point-is გუნდი შეატყობინებს.

შინაგან საქმეთა სამინისტროს მიერ დაწესებული უსაფრთხო მგზავრობასთან დაკავშირებული წესების მიხედვით, სავალდებულოა სისტემაში დაფიქსირდეს ყველა იმ სტუმრის პასპორტის ნომერი, რომელთა ტრანსპორტირებაც ხდება Acıbadem Health Point -ის ტრანსპორტით. მშვიდი და უსაფრთხო მგზავრობისთვის, გთხოვთ გამომგზავრებამდე გაგვიზიაროთ აღნიშნული ინფორმაცია Acıbadem Health Point -ის ოფისში ან სატაო ოფისებში.

Acıbadem Health Point-ის პაციენტთან ურთიერთობის გუნდი

Health Point -ის პაციენტთან ურთიერთობის გუნდი Acıbadem-ის საავადმყოფოებში 20 სხვადასხვა ენაზე უფასოდ უზრუნველყოფს თარგმნას. პაციენტთან ურთიერთობის პერსონალი უცხოელ პაციენტებს თან ახლავს მათი რეგისტრაციის მომენტიდან გაწერამდე და დახმარებას უწევს შემდგი მიმართულებებით;

• რეგისტრაციისას დახვედრა
• სტაციონალური და ამბულატორიული მომსახურებების რეგისტრაცია
• სამედიცინო კონსულტაციების დაგეგმვა
• საერთაშორისო სადაზღვევო კომპანიებთან ურთიერთობაში დახმარება
• ექიმებთან ვიზიტისას თარგმანის უზრუნველყოფა და სხვა დახმარება
• კონსულტაციების შემდგომ სამედიცინო დასკვნების ასლების მოწოდება
• გაწერასა და ანგარიშსწორებასთან დაკავშირებული დახმარება
• გაწერის შემდგომ Acıbadem Healthcare Group-ის ექიმებთან კომუნიკაციაში დახმარება.