გამა დანა ICON

GAMMA KNIFE ICON-ი Leksell Gamma Knife ტექნოლოგიის მე-6 თაობას წარმოადგენს, რომელსაც განვითარების 60 წლიანი ისტორია გააჩნია. Leksell Gamma Knife-ის ოჯახის აპრატებიდან იგი ყველაზე უფრო ზუსტი, მოქნილი და უსაფრთხოა.

რა არის Gamma Knife-ი?

Gamma Knife-ი სტერეოტაქტიკური ინტრაკრანიალური რადიოქირურგიისას გამოყენებადი ტექნიკაა, რომელიც, როგორც რადიაციული თერაპიის ნაწილი, თავის ტვინის სიმსივნეებისა და ტვინის სხვა ანომალიების სამკურნალოდ გამოიყენება. Gamma Knife-ის გამოყენებით რადიოქირურგიის დროს, კონკრეტული ქსოვილები რადიაციის მაღალი დოზით ერთი სესიის ფარგლებში სხივდება, ხოლო თავის ტვინის სხვა ქსოვილები ამ დროს რადიაციის შედარებით ნაკლებ დოზას იღებენ. აღნიშნული პროცედურის მიზანია სიმსივნის ზრდის შეჩერება.

Gamma Knife-ის გამოყენების პროცესი

მკურნალობა პაციენტის ინდივიდუალური საჭიროებების გათვალისწინებით იგეგმება, პროცესი კი მარტივი, სწრაფი, სანდო და უსაფრთხოა. კონკრეტული ქსოვილის მიმართულებით საჭირო გამა გამოსხივება Gamma Knife-ის კომპიუტერული პროგრამის მიერ იმართება, რომელსაც მკურნალობის გეგმა მარტივ ინსტრუქციამდე დაჰყავს.

მკურნალობა იწყება პაციენტის თავზე სტერეოტაქტიკური ჩარჩოს დამაგრებით, რაც ადგილობრივი ანესთეზიით კეთდება და მხოლოდ რამდენიმე წუთი სჭირდება. მას შემდეგ რაც ჩარჩო დამაგრდება, ტარდება პაციენტის პათოლოგიის შესაბამისი (მაგ.: მაგნიტურ რეზონანსული გაშუქება, კომპიუტერული ტომოგრაფია ან ანგიოგრაფია) გაშუქების პროცედურა, რაც იძლევა თავის ტვინის დეტალურ და მაღალი სიზუსტის მონახაზს, რის შემდგომაც მკურნალობა სპეციალური კომპიუტერული დაგეგმარების პროგრამის მეშვეობით უფრო ზედმიწევნით განისაზღვრება. მკურნალობა გულისხმობს სამიზნე ქსოვილის ტარგეტირებას მილიმეტრამდე სიზუსტით,  თავის ტვინის სხვა მიდამოები და ნერვული ქსოვილები  კი ამ დროს დაცულია. მკურნალობის პროცედურა ჩვეულებრივ 30-90 წუთამდე გრძელდება, თუმცა რამდენიმე სამედიცნო პრობლემის შემთხვევაში ეს დრო უფრო გახანგრძლივებულია. მკურნალობის პროცესში, პაციენტი მოსვენებულ მდგომარეობაში მოთავსებულია სპეციალურ საწოლზე და უსმენს მუსიკას. მკურნალობის შემდეგ ჩარჩო მოიხსნება და ძირითად შემთხვევაში პაციენტები იმავე დღესვე ეწერებიან საავადმყოფოდან. სხვა ქირურგიული პროცედურებისგან განსხვავებით Gamma Knife-ის გამოყენების შემდგომ საავადმყოფოში დაბრუნება აუცილებელი არ არის და პაციენტებს შეუძლიათ პროცედურის შემდეგ ჩვეულ რეჟიმს დაუბრუნდნენ.

რით განსხვავდება Gamma Knife Icon-ი and Gamma Knife Perfexion-ისგან?

• Icon-ის ვერსია საშუალებას იძლევა მკურნალობა ჩარჩოს დახმარებით ან მის გარეშე (ნიღბით) ჩატარდეს
• ინტეგრირებული სტერეოტაქტიკური კონუსური სხივის კომპიუტერული ტომოგრაფია ექიმებს ეხმარება სამ განზომილებაში განსაზღვრონ სტერეოტაქტური კოორდინატები
• სხვა რადიოქირურგიულ აპარატებთან შედარებით Icon-ი ყველაზე მეტად მგრძნობიარეა

რა უპირატესობები აქვს Gamma Knife-ით მკურნალობას?

Gamma Knife-ი თავის ტვინის სიმსივნეებისა და ტვინის სხვა ანომალიების უმტკივნეულო და უსისხლო მკურნალობის მეთოდია. Gamma Knife-ით მკურნალობას შემდეგი უპირატესობები გააჩნია:

• მრავალი ტიპის თავის ტვინის სიმსივნის შემთხვევაში ამცირებს ღია წესით ოპერაციის ჩატარების საჭიროებას  
• არ მოითხოვს საერთო ანესთეზიას
• არ მოითხოვს საოპერაციო ოთახს
• თავზე ან სკალპზე არ არის განაკვეთები
• თავის ტვინის ჯანსაღი ქსოვილების რადიაციული დასხივება ძალზე მცირეა
• არ საჭიროებს თმის შეჭრასა და არ იწვევს თმის ცვენას
• მკურნალობის დღესვე შესაძლებელია სამუშაო ადგილზე ან სახლში დაბრუნება
• არ საჭიროებს გამოჯანმრთელების პერიოდს
• გამოიყენება პაციენტებში, რომელთათვისაც უკუნაჩვენებია ქირურგიული ჩარევა ხანდაზმული ასაკის ან სამედიცინო პრობლემების გამო.

რომელი დაავადებების მკურნალობა შეიძლება Gamma Knife-ით?

კეთილთვისებიანი თავის ტვინის სიმსივნეები:

• ვესტიბულური შვანომა (ადრე ცნობილი როგორც აკუსტიკური ნეირომები)
• მენინგიომა
• ჰიპოფიზის ადენომა
• ქალა-ფუძის სიმსივნეები
• ქორდომები
• ყველა სხვა ინტრაკრანიალური შვანომა
• გლომუსური სიმსივნეები (Glomus jugulare)
• კრანიოფარინგიომა
• ჰემანგიობლასტომები
• ეპიფიზის რეგიონის სიმსივნეები

სისხლძარღვების ანომალიები:

•       არტერიოვენური მალფორმაცია

•       ცერებრალური კავერნოზული მალფორმაციები

•       კავერნომები

•       დურალური არტერიოვენური ფისტულები

ავთვისებიანი სიმსივნეები:

•       ავთვისებიანი მელანომა

•       უვეალური მელანომა

•       ზოგიერთი გლიური სიმსივნეები

•       ჰემანგიოპერიციტომა

•       ნაზოფარინგეალური კარცინომა

ფუნქციონალური დაავადებები:

• სამწვერა ნერვის ნევრალგია

მოძრაობის დარღვევები:

• პარკინსონის დაავადებით გამოწვეული კანკალი

რა ახასიათებს Gamma Knife Icon-ის?

Gamma Knife-ის გამოყენებით განხორციელებული თავის ტვინის დარღვევების რადიოქირურგია ჯანდაცვითი ტექნოლოგიების მიმართულებით მასშტაბური მოვლენაა. თავის ტვინის სიმსივნეებისა და თავის ტვინის სხვა დაავადებების სამკურნალოდ  მაღალენერგიული სხივები გამოიყენება. შედეგად, ტვინის სიმსივნის მრავალი ტიპისთვის შეცვლილია მკურნალობის პროტოკოლებიც. თავის ტვინის სიმსივნეების სამკურნალოდ არსებობს სხვადასხვა რადიაციული თერაპიის აპარატები, ასეთია მაგალითად: Cyberknife-ი და MRIdian-ი. თუმცა, Gamma Knife-ი ერთადერთი ტექნოლოგიაა, რომელიც მხოლოდ თავის ტვინის სიმსივნეებისთვის გამოიყენება. იგი ნეიროქირურგების მიერაა შემუშავებული და აგებული. Gamma Knife Icon-ი Gamma Knife-ის აპარატებს შორის ყველაზე უფრო განახლებული მოდელია და პაციენტებსა და ნეიროქირურგებს ახალ უპირატესობებს სთავაზობს:

• აპარატის წინა მოდელებში, ყველა პაციენტს ესაჭიროებოდა ჩარჩო, რომელიც თავთან სამაგრებით მაგრდება, რაც აუცილებელია მკურნალობის პროცესში თავის სტაბილურ მდგომარეობაში შესანარჩუნებლად. მსგავსი ჩარჩო Gamma Knife Icon-თანაც გამოიყენება, თუმცა ზოგ შემთხვევაში ჩარჩოს გარეშე მკურნალობაც შესაძლებელია. ასეთ დროს, ჩარჩოს ნაცვლად გამოიყენება ინდივიდუალური, არა ინვაზიური და მოძრავი თერმოპლასტის თავის ნიღაბი.
• ყველაზე მნიშვნელოვან განსხვავებას Gamma Knife-ის ახალ და ძველ მოდელებს შორის კონუსური სხივის CT და მოძრაობის მართვის მაღალი გარჩევადობის ინფრაწითელ შუქზე მომუშავე კამერა წარმოადგენს. აღნიშნულის მახასიათებლების დახმარებით, პაციენტის მოძრაობის მიდევნება რეალურ დროშია შესაძლებელი. აღნიშნული თვისებები კი საშუალებას გვაძლევს საჭიროებს შემთხვევაში სიმსივნეებს  ერთზე მეტ ფრაქციაში ვუმკურნალოთ, რაც Gamma Knife-ის სიახლეა, იმის გათვალისწინებით რომ ძველ მოდელებში მუშაობის დასრულება  მხოლოდ ერთ ფრაქციაში იყო  შესაძლებელი. შესაბამისად, ახლა მკურნალობა შესაძლებელია გაიყოს რამდენიმე ფრაქციად. აპარატი საშუალებას იძლევა რადიაციული დასხივება მაღალი დონის სიზუსტით მიემართოს სიმსივნეზე, ხოლო სხვა მხრივ პროცედურა ჯანმრთელობისათვის ნაკლებ საზიანოა.

როგორ მუშაობს Gamma Knife Icon-ი?

Gamma Knife Icon-ი  სხვა ტრადიციულ ნეიროქირურგიული ოპერაციებთან შედარებით, პაციენტებისათვის გაცილებით კომფორტულია. პროცედურის შემდეგ საავადმყოფოში დარჩენა, ანესთეზია ან პროცედურის დაწყებამდე თავის გადაპარსვა აუცილებელი არ არის.

Gamma Knife-ის გამოყენებით მკურნალობა 6 ეტაპისგან შედგება: მომზადება, ჩარჩოს ან ნიღბის დამაგრება, სკანირება, მკურნალობის დაგეგმვა, მკურნალობა და გამოჯანმრთელება. ვინაიდან Gamma Knife Icon-ზე CT-ია მიმაგრებული, პაციენტების სკანირება შესაძლებელია მათი აპარატში ყოფნისას. აპარატი შესაძლებლობას იძლევა მკურნალობა რამდენიმე დღეზე გადანაწილდეს და ჩატარდეს ნიღბის გამოყენებით.

სესია ნახევარი დღის განმავლობაში გრძელდება და პროცედურის დროს პაციენტი ფხიზლადაა. მკურნალობა ტარდება ნეიროქირურგიის ექსპერტის მიერ სიმსივნის დასხივების მეთოდით. პროცედურის დროს პაციენტს არ ესმის აპარატის ხმაური. მკურნალობის შემდგომ პაციენტს არ ესაჭიროება ჰოსპიტალიზაცია, პროცედურის შემდეგ მხოლოდ მცირე ხნით ხდება პაციენტზე დაკვირვება, შემდგომ კი იგი გაეწერება. გაწერის შემდეგ პაციენტს არ მოეთხოვება დამატებით რაიმე მედიკამენტის მიღება, ხოლო თუკი იგი რაიმე წამალს მუდმივად იღებს, მისი მიღების შეწყვეტა არ მოითხოვება. მკურნალობა მარტივი და უმტკივნეულოა. ძალზე იშვიათია სისხლდენის ან ინფექციის მსგავსი გართულებები. სესიის დასრულებისთანავე პაციენტს შეუძლია ცხოვრების ჩვეულ რიტმს დაუბრუნდეს. 

ვის შეუძლია ჩაიტაროს ოპერაცია Gamma Knife-ის გამოყენებით?

Gamma Knife-ი თავის ტვინის მკურნალობის ერთ-ერთი ყველაზე უფრო კარგი მეთოდია. თავის ტვინის ზოგიერთი სიმსივნე, რომელიც რისკის შემცველადაა შეფასებული და არაოპერირებადად მიიჩნევა, შესაძლოა Gamma Knife-ით მკურნალობას დაექვემდებაროს. თავის ტვინის ზოგიერთი სიმსივნის შემთხვევაში, როგორიცაა ვესტიბულარული შვანომა და მენინგიომა ეს მეთოდი შეიძლება პირველადი არჩევანიც კი იყოს. Gamma Knife-ით აღნიშნული სიმსივნეების მკურნალობა ქირურგიის გარეშე სრულად შესაძლებელია. სხვა შემთხვევაში, ზოგჯერ შეიძლება სიმსივნე მაქსიმალურად ამოიკვეთოს, ხოლო დარჩენილ ნაწილზე გამოყენებულ იქნას Gamma Knife-ი. თუმცა მეორე მხრივ გასათვალისწინებელია, რომ, ზოგიერთი ტიპის სიმსივნის სამკურნალოდ Gamma Knife-ი არ გამოყენება.  

Gamma Knife-ი როგორც წესი გამოიყენება ისეთ სიმსივნეებზე, რომელთა ზომაც 3 სანტიმეტრს არ აღემატება. მკურნალობა იგეგმება სიმსივნის თვისებების შესაბამისად და ფასდება რამდენად ეფექტიანი იქნება Gamma Knife-ი ამ შემთხვევაში. თავის ტვინის სიმსივნეების გარდა, Gamma Knife-ი გამოიყენება ასევე თავის ტვინის სხვადასხვა პრობლემის შემთხვევაშიც, როგორიცაა მაგალითად თავის ტვინის AVM (არტერიოვენური მალფორმაცია) და სამწვერა ნერვის ნევრალგია.

რადიოქირურგია Gamma Knife Icon-ით ტარდება შემდეგ შემთხვევებში:

• თავის ტვინის კეთილთვისებიანი სიმსივნე (აკუსტიკური ნეირომა, მენინგიომა, კრანიოფარინგიომა, ჰიპოფიზის ადენომა, ჰემანგიობლასტომა, გლომუსის სიმსივნე)
• თავის ტვინის ავთვისებიანი სიმსივნე (გლიობლასტომა, თავის ტვინის მეტასტაზები, გლიომები, ჰემანგიოპერიციტომა, ქონდროსარკომა, ნაზოფარინგეალური კარცინომა, ბავშვთა ტვინის სიმსივნეები და სხვა ავთვისებიანი სიმსივნეები)
• სამწვერა ნერვის ნევრალგია
• ტვინის AVM (არტერიოვენური მალფორმაცია)
• გლიობლასტომა (GBM), თავის ტვინის აგრესიული სიმსივნე
• პაციენტის ხანდაზმული ასაკის ან სამედიცინო პრობლემების შემთხვევაში, როდესაც ოპერაცია გამართლებული არ არის
• იმ შემთხვევაში თუ სიმსივნე იკვეთება თავის ტვინის სასიცოცხლო ფუნქციებთან

პატარა ზომის, მრგვალუჯრედოვანი თავის ტვინის სიმსივნეები, კარგად გამოკვეთილი საზღვრებით, რომლებიც სხვა ადგილებზე არ ვრცელდება