ჯანმრთელობის პერიოდული შემოწმება

პერიოდული შემოწმებები საშუალებას იძლევა  ჯანმრთელობის პრობლემები ჯერ კიდევ მათ გამოვლენამდე ან იმდენად ადრეულ ეტაპზე აღმოაჩინოთ, რომ მკურნალობას წარმატებით დაექვემდებაროს. თქვენი ჯანმრთელობისათვის Acibadem-ი გთავაზობთ პერიოდული შემოწმების ინდივიდუალურ პაკეტებს.

რას წარმოადგენს  პერიოდული სამედიცინო შემოწმება?

ჯანმრთელობის პერიოდული გამოკვლევა სამედიცინო სკრინინგის ერთგვარი ფორმაა ჯანმრთელი პირებისათვის. იგი მოიცავს სამედიცინო ანალიზებს, ფიზიკურ გამოკვლევებს და ჯანმრთელობის რისკის შეფასებას. მისი მიზანია თქვენი ჯანმრთელობის მდგომარეობის ზოგადი შეფასება და ჯანმრთელობის პოტენციური პრობლემების იდენტიფიცირება. თქვენი შედეგების საფუძველზე, თქვენი ექიმი გირჩევთ თუ როგორ შეცვალოთ ცხოვრების წესი და მიიღოთ სხვა საჭირო ზომები, რათა შეინარჩუნოთ ჯანმრთელობა.

რატომ არის რეგულარული პერიოდული შემოწმება მნიშვნელოვანი?

როდესაც თავს ჯანმრთელად გრძნობთ, ექიმთან და საავადმყოფოში მისვლა არავის სურს. თუმცა სამომავლოდ, პერიოდული შემოწმება ექიმთან უამრავ ვიზიტს აგაცილებთ. სწორედ ისე, როგორც სტომატოლოგიური პერიოდული შემოწმება კბილის მკურნალობის ხანგრძლივ და რთულ პროცესს აგარიდებთ, ასევე რუტინული პერიოდული სამედიცინო შემოწმებები შექმნილია პრობლემების გამოხატვამდე ან იმდენად ადრეულ ეტაპზე მისი იდენტიფიცირებისათვის, რომ მკურნალობას სწრაფად დაექვემდებაროს. თქვენი ჯანმრთელობის მდგომარეობის, ცხოვრების წესისა და დაავადებების ოჯახური ისტორიის გათვალისწინებით მიღებული სამედიცინო შეფასებით შესაძლებელია ჯანმრთელობის სამომავლო პოტენციური რისკების აღმოჩენა. მაგალითისათვის, ქოლესტერინის მაღალი დონე შესაძლოა კარდიოვასკულარულ პრობლემებში გადაიზარდოს. სხეულის სრულმა პერიოდულმა შემოწმებამ კი შეიძლება იპოვოს ისეთი „ჩუმი“ ქრონიკული პრობლემები, როგორიცაა დიაბეტი და მაღალი არტერიული წნევა. დაავადების ადრეული დიაგნოსტირება საშუალებას გაძლევთ აკონტროლოთ ქრონიკული დაავადებები და სამომავლოდ თავიდან აიცილოთ ჯანმრთელობის გაუარესება. გარდა ამისა, საყურადღებოა რომ ზოგი მარტივი კვლევა  მძიმე დაავადებების ისეთ ადრეულ ეტაპზე იდენტიფიცირებაში გვეხმარება, როდესაც დაავადება მკურნალობას წარმატებით ექვემდებარება. მაგალითად, Pap-ის ნაცხის კვლევა და საშვილოსნოს ყელის სიმსივნე. სწორედ ამიტომ, რეგულარული სრულფასოვანი ფიზიკური გამოკვლევა მნიშვნელოვან საშუალებას წარმოადგენს მძიმე დაავადებების პრევენციაში.

რას მოიცავს  პერიოდული სამედიცინო შემოწმება?

პირის ჯანმრთელობის ინდივიდუალური რისკები დამოკიდებულია ისეთ სპეციფიკურ ფაქტორებზე, როგორიცაა მათ შორის ასაკი, სქესი, გარემო, გენოტიპი და დაავადებების ოჯახური ისტორია, ასევე ცხოვრების წესი და ბევრი სხვა ფაქტორი. შესაბამისად, პერიოდულ  სამედიცინო შემოწმებაში შემავალი კომპონენტები განსხვავებულია თითოეული პირის შემთხვევაში და ასევე განსხავებული იქნება კონკრეტული ინდივიდისთვისაც დროის გარკვეული პერიოდის გასვლის შემდეგ. ზოგადად, შეფასებისათვის გამიზნული პაკეტის მოცულობა ასაკთან ერთად იზრდება: 20-30 წლის პირებთან შედარებით, 40 წელს გადაცილებულთათვის საჭიროა ჯანმრთელობის მდგომარეობის უფრო დეტალური შეფასება, ტიპური პერიოდული შემოწმების პროგრამა კი მოიცავს შემდეგს:

• ჯანმრთელობის ზოგადი მდგომარეობის, სამედიცინო ისტორიის, არსებობის შემთხვევაში მიმდინარე დაავადებების, ჩვევებისა და ცხოვრების წესის შეფასება.
• სისხლისა და შარდის კვლევა ფარისებრი ჯირკვლის, ღვიძლის, თირკმელებისა და იმუნური სისტემის ფუნქციონირების შესამოწმებლად და სხვ.
• რენტგენი, ულტრასონოგრაფია ან სკანირება
• ერთი ან მეტი ფიზიკური გამოკვლევა და კონსულტაცია

მიღებული ინფორმაციის საფუძველზე ექიმმა შესაძლოა გასცეს დამატებითი სამედიცინო ანალიზებისა და გამოკვლევების რეკომენდაცია, მაგალითისათვის ასეთია კარდიაკული და ფილტვის ფუნქციის ანალიზები, ძვლის სიმკვრივის სკრინინგი, მამოგრაფია, მსხვილი ნაწლავის ან პროსტატის სიმსივნის სკრინინგი, თვალის გამოკვლევა, კანის გამოკვლევა და სხვა. რუტინული ჯანმრთელობის შეფასება შეიძლება მოიცავდეს სრულ პერიოდულ შემოწმებას და ასევე კონკრეტული დაავადებების სკრინინგებს.

რა სიხშირით უნდა ჩაიტაროთ  პერიოდული სამედიცინო შემოწმება?

მოზრდილი ადამიანისათვის რეკომენდებულია პერიოდული სამედიცინო შემოწმების წელიწადში ერთხელ ჩატარება, მაშინაც კი თუ არავითარი ჩივილი ან სიმპტომი გამოხატული არ არის. პერიოდულობიდან გამომდინარე აღნიშნულ შემოწმებას, წლიურ ფიზიკურ გამოკვლევასაც უწოდებენ. აღსანიშნავია, რომ ზოგიერთი ახალგაზრდა და ჯანმრთელი პირის შემთხვევაში, რომელსაც დაავადებების ოჯახური ისტორია არ გააჩნია, შესაძლოა საკმარისი იყოს ასეთი გამოკვლევის 2-3 წელში ერთხელ ჩატარებაც. მომდევნო ვიზიტის დრო კი უნდა დაიგეგმოს უშუალოდ იმ ექიმთან რომელიც აღნიშნულ პერიოდულ შემოწმებას გიტარებთ.

რას უნდა ველოდოთ პერიოდული სამედიცინო შემოწმებისას?

რუტინული პერიოდული შემოწმება, როგორც წესი თქვენს ექიმთან გასაუბრებით იწყება, რომელიც თქვენს სამედიცინო ისტორიას, გამოყენებულ მედიკამენტებს, დაავადებების ოჯახურ ისტორიას, ცხოვრების წესს, კვების რაციონს და იმ ჩვევებს განიხილავს, რამაც შესაძლოა ჯანმრთელობაზე გავლენა იქონიოს. ეს დაეხმარება ექიმს დაადგინოს ჯანმრთელობის პოტენციური რისკები და განსაზღვროს ყველა საჭირო ანალიზი და გამოკვლევა. ყველა ანალიზისა და სკრინინგის გავლის შემდეგ, ექიმი მათ განიხილავს. ACIBADEM-ში ჩვენი გამოცდილი ექიმები, რომლებიც პერიოდულ შემოწმებებს ატარებენ, ყველა შეკითხვაზე გიპასუხებენ და ჯანმრთელობის ინდივიდუალურ გეგმას გაგიწერენ. პერიოდულ სამედიცინო შემოწმებას ერთი დღე ესაჭიროება, შესაბამისად დიდი დრო არ მიაქვს, დახარჯული დრო კი თქვენს სამომავლო ჯანმრთელობაში ინვესტიციას წარმოადგენს.

როგორ მოვემზადოთ პერიოდული შემოწმებისათვის?

მაქსიმალურად ამომწურავი შედეგების მისაღებად, ჩამოწერეთ ყველა ის კითხვა და პრობლემა, რომლის ექიმთან განხილვაც გსურთ. ჩაინიშნეთ დაავადებების ოჯახური ისტორია და თან იქონიეთ წინა ანალიზების შედეგები, რათა რაიმე მნიშვნელოვანი დეტალი არ გამოგრჩეთ.

რეკომენდებულია ვიზიტზე უზმოდ მიხვიდეთ. ზოგადად, აუცილებელია საკვების მიღება ანალიზამდე 8-10 საათით ადრე შეწყვიტოთ, ზოგიერთი სპეციფიკური სისხლის ანალიზის შემთხვევაში კი 12-14 საათის მანძილზე უზმოდ ყოფნაა საჭირო. უბრალო წყლის მიღება დასაშვებია, მაგრამ ტკბილეული, კოფეინის შემცველი პროდუქტი და სიგარეტის მოწევა დაუშვებელია. ალკოჰოლი არ მიიღოთ გამოკვლევამდე 24 საათით ადრე, ხოლო ბოლო კვების სახით მიიღეთ მსუბუქი საკვები. ვიზიტამდე ორი დღით ადრე არ უნდა მიიღოთ წითელი ხორცი, ჭარხალი, ისპანახი და ბროკოლი. თუ თქვენი პერიოდული შემოწმების პროგრამა მოიცავს აბდომინალურ სკრინინგს ასეთ შემთხვევაში შარდის ბუშტი სავსე უნდა გქონდეთ. ქალი პაციენტებისათვის მამოგრაფია რეკომენდებულია მენსტრუალური ციკლის მე-3-10 დღეებს შორის. მამოგრაფიულ სკრინიგამდე რეკომენდებული არ არის შხაპის, ტანის გელის ან საცხის გამოყენება. ზოგ შემთხვევაში წინასწარ გეცნობებათ მედიკამენტების მიღების შეწყვეტის საჭიროების შესახებ.

ჯანმრთელობის პერიოდული შემოწმების პაკეტები

ACIBADEM-ი გთავაზობთ ჯანმრთელობის პერიოდული შემოწმების ორ პრევენციულ გეგმას:

• სრულფასოვანი პერიოდული შემოწმების პაკეტი: მოიცავს ლაბორატორიული ანალიზების, რადიოლოგიური, სტომატოლოგიური და ფიზიკური გამოკვლევების ფართო სპექტრს, რომელიც მორგებულია თქვენს ასაკზე, სქესსა და სამედიცინო საჭიროებებზე.
• გაფართოებული პერიოდული შემოწმების პაკეტი (VIP): გაფართოებული პაკეტი მიმართულია ჯანმრთელობის მდგომარეობის დეტალურად შესაფასებლად.

ყოველი გეგმის მოდიფიცირება შესაძლებელია კონკრეტული სამედიცინო საჭიროების ან პაციენტის მოთხოვნის შესაბამისად. თქვენზე მორგებული პერიოდული შემოწმების პაკეტის შესახებ ინფორმაციისათვის მოგვმართეთ.

რატომ უნდა ჩავიტაროთ პერიოდული შემოწმება ACIBADEM-ში?

სამედიცინო პერიოდული შემოწმების ჩასატარებლად თურქეთში გამომგზავრება სასარგებლოსთან ერთად სასიამოვნო გამოცდილებაც გახდება. ACIBADEM-ის უცხოელი პაციენტების ცენტრი უზრუნველყოფს, რომ თქვენი სამკურნალო მოგზაურობა მარტივი და კომფორტული იყოს. ჩვენი გულმოდგინე კონსულტანტები, რომლებიც უცხოელ პაციენტებთან მუშაობენ, ყველა ეტაპზე დაგეხმარებიან, ექიმთან თქვენი პირველი ვიზიტიდან დაწყებული დასრულებული ანალიზებით, გამოკვლევებით, მგზავრობითა და საცხოვრებელთან დაკავშირებული საკითხებით, ასევე თარგმნასა და აეროპორტიდან საავადმყოფოსა და სასტუმროს მიმართულებით გადაადგილებაში. ACIBADEM-ის პერიოდული შემოწმების პროგრამებს გარკვეული უპირატესობები ახასიათებთ:

• ACIBADEM-ი გთავაზობთ სრულფასოვან, ასაკისა და სქესის გათვალისწინებით თქვენზე ინდივიდუალურად მორგებულ ჯანმრთელობის პერიოდული შემოწმების პაკეტებს, რომლებიც ქალებისთვის, კაცებისა და ბავშვებისათვის ბევრ სხვადასხვა ვარიანტს მოიცავს.
• LideClub-ის ექსკლუზიური პროგრამის ფარგლებში ACIBADEM-ში შესაძლებელია ჯანმრთელობის პერიოდული შემოწმება ჩაიტაროთ მოწინავე მეთოდებით რომლებიც მოიცავს მუდმივ განმეორებით ვიზიტსა და კონსულტაციას.
• ყველა გამოკვლევა, სისხლის ანალიზი და ელექტროკარდიოგრაფიული მომსახურებები ტარდება სპეციალურად გამოყოფილ და კომფორტულ სივრცეში, რომლებიც განკუთვნილია პერიოდული შემოწმებისათვის.
• ლაბორატორიული მომსახურებები აკრედიტებულია ISO 15189-ის მიხედვით.
• ყველა პროცედურის კოორდინირებას ახდენს პერიოდული შემოწმებისას თქვენი პირადი კონსულტანტი.
• შედეგები ყველა პაციენტს ეცნობება დეტალურად და პირადად.
• ACIBADEM-ი მსოფლიო ცნობადობის ბრენდია უმაღლესი დონის სპეციალისტებითა და აღჭურვილობით.
• პაციენტებზე ოპტიმალურად ზრუნვის გარდა, სტამბოლში პერიოდული შემოწმების ჩატარება საშუალებას მოგცემთ მცირე დროით დაისვენოთ და ისიამოვნოთ შესანიშნავი სანახაობებით, გემოებითა და ქალაქით.

ყოვლისმომცველი პერიოდული შემოწმების პაკეტის შემადგენლობა

კონსულტაციები

• პერიოდული შემოწმების გამოკვლევა
  • კარდიოლოგიური გამოკვლევა
  • გინეკოლოგიური გამოკველვა (ქალებისათვის)
  • უროლოგიური გამოკვლევა (კაცებისათვის)
  • კვებასა და რაციონთან დაკავშირებული კონსულტაცია
  • ბიოიმპედანსმეტრია სხეულის შემადგენლობის დასადგენად

სტომატოლოგიური გამოკვლევები

• კბილების გამოკვლევა
  • კბილების პანორამული რენტგენი⁴

კარდიოლოგიური გამოკვლევები

• ეკგ²
  • ეკგ დატვირთვით/ექოკარდიოგრაფია (დოპლერი+ფერადი+M+B+რეჟიმი)¹

რადიოლოგიური გამოკვლევები

• გულმკერდის რენტგენი უკანა/წინა
  • ფარისებრი ჯირკვლის ულტრასონოგრაფია
  • სრული აბდომინალური ულტრასონოგრაფია
  • კბილების პანორამული რენტგენი³
  • მკერდის ულტრასონოგრაფია (ორი მხარე)³ (ქალებისათვის)
  • მამოგრაფია (ორმხრივი)³ (ქალებისათვის)

პათოლოგიური გამოკვლევები

• ციტოპათოლოგია, ThinPrep-ი (ქალებისათვის)

ლაბორატორიული გამოკვლევები

• o ალანინის ამინოტრანსფერაზა (ALT)
• o ასპარტატ ამინოტრანსფერაზა (AST)
• o ფერიტინი (ქალებისათვის)
• o ფეკალური ოკულტური სისხლი
• o გლუკოზა, უზმოდ
• o ჰემოგლობინი A1c (HbA1c)
• o კალციუმი (Ca)
• o ქოლესტერინი, HDL
• o ქოლესტერინი, LDL (პირდაპირი)
• o ქოლესტერინი, საერთო
• o შრატის კრეატინინი
• o შარდის ანალიზი
• o ტრიგლიცერიდები
• o სისხლის შარდოვანას აზოტი (BUN)
• o შარდმჟავა
• o ვიტამინი B12
• o ვიტამინი D, 25-ჰიდროქსი
• o ერითროციტების დალექვის სიჩქარე (ESR)
• o სისხლის საერთო ანალიზი (გაფართოებული პანელი)
• o ინსულინის რეზისტენტობის ინდექსი (HOMA-IR)
• o ინსულინი
• o ფარისებრი ჯირკვლის მასტიმულირებელი ჰორმონი (TSH)
• o თავისუფალი თიროქსინი (FT4)
• o B ჰეპატიტის ანტიგენი (HBsAg)
• o B ჰეპატიტის ანტისხეულები (ანტი-HBs)
• o საერთო ტესტოსტერონი (მამაკაცებისათვის)
• o პროსტატის სპეციფიკური ანტიგენი (PSA), Total⁵ (მამაკაცებისათვის)

1-ჩვენი სამედიცინო გუნდის შეფასებით ეკგ დატვირთვით ან ექოკარდიოგრაფია უტარდებათ პაციენტებს 40 წელს ზემოთ.

2- ჩვენი სამედიცინო გუნდის შეფასებით ეკგ, ეკგ დატვირთვით ან ექოკარდიოგრაცია უტარდებათ პაციენტებს 40 წელს ქვემოთ.

3-ჩვენი სამედიცინო გუნდის შეფასებით მამოგრაფია უტარდებათ ქალებს 40 წელს ზემოთ, ხოლო მკერდის USG – ქალებს 40 წელს ქვემოთ.

4- პანორამული სურათის გადაღება შესაძლებელია სტომატოლოგის რეკომენდაციის შესაბამისად.

5- ჩვენი სამედიცინო გუნდის შეფასებით, PSA ანალიზი უტარდებათ კაცებს 40 წელს ზემოთ, ხოლო 40 წელს ქვემოთ – ნებაყოფლობითია.