ბავშვთა დაავადებები: განმარტება და მკურნალობა Acıbadem-ში
ბავშვთა დაავადებები მოიცავს ჯანმრთელობის პრობლემების ფართო სპექტრს, რამაც შეიძლება გავლენა მოახდინოს ბავშვებზე ჩვილობიდან მოზარდობამდე. ეს დაავადებები მნიშვნელოვნად განსხვავდება სიმპტომების, სიმძიმისა და შედეგების თვალსაზრისით. Acıbadem Healthcare Group-ი, 0-დან 16 წლამდე ასაკის ბავშვებს თავისი სპეციალიზებული განყოფილებების მეშვეობით სთავაზობს სრულფასოვანი დიაგნოსტიკის, მკურნალობისა და პრევენციული ჯანდაცვის სერვისებს.
მიმოხილვა
ბავშვები, მათი ჩამოუყალიბებელი იმუნიტეტისა და უნიკალური ფსიქოლოგიური საჭიროებების გათვალისწინებით მოწყვლადები არიან უამრავი დაავადების მიმართ. რეგულარული სამედიცინო შემოწმებები, ადრეული დიაგონოსტიკა და სათანადო მკურნალობა კი თავის მხრივ ბავშვთა ჯანმრთელობის გარანტიას წარმოადგენს. ვინაიდან ბავშვთა ჯანმრთელობა და კეთილდღეობა Acıbadem Healthcare Group-ის პრიორიტეტია სხვადასხვა პედიატრიული მიმართულებით გთავაზობთ სპეციალიზებულ ზრუნვას. კერძოდ კი რეგულარულ შემოწმებებს, ვაქცინაციასა და კომპლექსური შემთხვევების ექსპერტულ მართვას.
Acıbadem-ის პედიატრიული ჯანდაცვის დეპარტამენტი ხელმძღვანელობს ჯანდაცვის სამინისტროსა და მსოფლიო ჯანდაცვის ორგანიზაციის გაიდლაინებით, სთავაზობს რა ვაქცინაციას რიგი დაავადებების პრევენციის უზრუნველსაყოფად. გარდა ამისა აქ მშობლები იღებენ ღირებულ ინფორმაციას ბავშვთა ქრონიკული დაავადებების მართვასთან დაკავშირებით.
ჩვენი სერვისები
Acıbadem-ის პედიატრიული დეპარტამენტები მოწყობილია იმგვარად, რომ უზრუნველყოს მრავალი ტიპის ბავშვთა დაავადების მართვა, როგორც დიაგნოსტირების ასევე თერაპიული მომსახურების კუთხით. ქვემოთ მოცემულია წამყვანი პედიატრიული სპეციალიზაციების შესახებ დეტალური ინფორმაცია:
1. პედიატრიული კარდიოლოგია
პედიატრიული კარდიოლოგია მოიცავს როგორც თანდაყოლილ ასევე შეძენილ გულის დაავადებებს ბავშვებში, მათ შორის “პრენატალურ მკურნალობასაც”. აღნიშნული განყოფილება გთავაზობთ სპეციალიზებულ დიაგნოსტიკურ ინსტრუმენტებსა და მკურნალობის მეთოდებს, რომლებიც მორგებულია ბავშვების უნიკალურ საჭიროებებზე. შესაბამისად, ისეთი დაავადებები, როგორიცაა გულის თანდაყოლილი დეფექტები, არითმიები და გულის შუილი, სიზუსტით დიაგნოსტირდება და იმართება უახლესი ტექნოლოგიის გამოყენებით.
2. პედიატრიული ნევროლოგია
პედიატრიული ნევროლოგია ფარავს ისეთ ნევროლოგიურ დაავადებებს, რომლებიც რაიმე ფორმით გავლენას ახდენენ ბავშვებზე, ამ დაავადებებს შორისაა კრუნჩხვები, ცერებრალური დამბლა, განვითარების შეფერხებები და კუნთოვანი დარღვევები. ისეთი დაავადებების დროს, როგორიცაა ეპილეფსია, აუტისტური სპექტრის დარღვევები და ნეირომუსკულური დაავადებები მკურნალობაში ადრეულ ჩარევას გადამწყვეტი მნიშვნელობა აქვს ბავშვის ნორმალური განვითარების უზრუნველსაყოფად.
3. პედიატრიული ქირურგია
პედიატრიული ქირურგია Acıbadem-ში ჩვილებისთვის, ბავშვებისთვის და მოზარდებისთვის საჭირო ქირურგიული ჩარევებისა და დაავადებების ფართო სპექტრს მოიცავს, მათ შორის თანდაყოლილი ანომალიების (როგორიცაა ტუჩისა და სასის ნაპრალი), თიაქრის, კუჭ–ნაწლავის პრობლემების, უროლოგიური დარღვევების და სიმსივნეების სახით. აღსანიშნავია, რომ ჩვენთან ხშირად გამოიყენება ისეთი მინიმალურად ინვაზიური ტექნიკა, როგორიცაა “ლაპაროსკოპია“. ეს მიდგომა საგრძნობლად ამცირებს პროცედურის შემდგომი ძალების აღდგენის დროს, ნაწიბურებსა და დისკომფორტს. ეს მოწინავე მიდგომაა, რომლის დახმარებითაც ბავშვები უფრო სწრაფად და ნაკლები გართულებებით უბრუნდებიან ჩვეულებრივ ცხოვრების წესს. ბრმა ნაწლავის ან ტრამვების შემთხვევაში ტარდება „გადაუდებელი ქირურგიული ოპერაციები“, ხოლო სხვა ქრონიკული დაავადებების შემთხვევაში პედიატრი ქირურგები, როგორც წესი მიმართავენ დაგეგმილ ოპერაციებს.
4. პედიატრიული ონკოლოგია
პედიატრიული ონკოლოგიის მიზანია ბავშვებში კიბოს დიაგნოსტირება და მკურნალობა. აღნიშნული მოიცავს ლეიკემიას, ლიმფომასა და მყარ სიმსივნეებს. Acıbadem-ის ონკოლოგების გუნდი შესაბამისი საჭიროების შემთხვევაში უზრუნველყოფს “მულტიდისციპლინურ მიდგომას, რომელიც აერთიანებს ქირურგიას, ქიმიოთერაპიასა და რადიოთერაპიას”. გარდა ამისა, კიბოს მკურნალობის გამოწვევებთან დაკავშირებულ სირთულეებთან გასამკლავებლად, ჩვენთან შესაძლებელია ისეთი დამხმარე სერვისების მიღება, როგორიცაა ფსიქოლოგის კონსულტაცია ბავშვებისა და მათი ოჯახის წევრებისთვის.
5. პედიატრიული ჰემატოლოგია
პედიატრიული ჰემატოლოგია მოიცავს სისხლთან დაკავშირებულ დაავადებებს, როგორიცაა ანემია, თალასემია და ჰემოფილია. სრულფასოვანი დიაგნოსტიკის მომსახურების დეპარტამენტი სხვა სერვისებთან ერთად გთავაზობთ “სისხლისა და ძვლის ტვინის ანალიზებს”. საუკეთესო შედეგების მისაღებად, სისხლთან დაკავშირებული დაავადებების მკურნალობა მორგებულია ბავშვთა სპეციფიკურ საჭიროებებზე.
6. პედიატრიული იმუნოლოგია
პედიატრიული იმუნოლოგია ფარავს იმუნური სისტემის დარღვევებს, მათ შორის ალერგიებს, ავტოიმუნურ დაავადებებს და პირველად იმუნოდეფიციტებს. დაავადებების დიაგნოსიტირებისა და შემდგომი მკურნალობისთვის შესაბამისი დეპარტამენტი იყენებს ისეთ უახლეს სადიაგნოსტიკო მეთოდებს, როგორიცაა “ალერგიის ანალიზები”. ალერგიებისა და იმუნური დარღვევების ეფექტიანი მკურნალობისათვის, როგორც წესი ასევე გამოიყენება, როგორც “იმუნოთერაპია”, ასევე მედიკამენტები.
7. პედიატრიული პულმონოლოგია
პედიატრიული პულმონოლოგია სპეციალიზდება სასუნთქი გზების დაავადებების მკურნალობაზე, მათ შორის როგორიაა კისტოზური ფიბროზი, ასთმა, ბრონქიტი და პნევმონია. მოცემულ დაავადებებთან დაკავშირებული დიაგნოსტიკური სერვისები მოიცავს „პულმონარული ფუნქციისა“ და „ოფლის ანალიზებს“. პაციენტის სრულფასოვანი მკურნალობის უზრუნველსაყოფად, შესაბამისი გუნდი მჭიდროდ თანამშრომლობს სხვა ისეთი მიმართულებების დიაგნოსტიკის გუნდებთან, როგორიცაა ატომური მედიცინა, ბიოქიმია და გენეტიკა.
8. პედიატრიული ენდოკრინოლოგია
პედიატრიული ენდოკრინოლოგია მოიცავს ბავშვის ზრდასა და მომწიფების ასაკთან დაკავშირებულ დაავადებებს, ასევე ფარისებრ ჯირკვალთან, დიაბეტსა და ჭარბწონასთან დაკავშირებულ დარღვევებს. აღნიშნული დაავადებების სამკურნალო პროცესში კონკრეტული პრობლემის გათვალისწინებით გამოიყენება ჰორმონალური თერაპია, დიეტა და მედიკამენტები. მაგალითად, არსებული დარღვევის ეფექტიანად სამკურნალოდ ბავშვები, რომლებსაც დაუდგინდათ “ზრდის ჰორმონის დეფიციტი” ან “დიაბეტი” იღებენ ინდივიდუალურად მორგებულ დანიშნულებას.
9. პედიატრიული გასტროენტეროლოგია
პედიატრიული გასტროენტეროლოგია უზრუნველყოფს დიაგნოსტირებასა და თერაპიულ სერვისებს იმ ბავშვებისათვის, რომლებსაც კუჭ-ნაწლავისა და ღვიძლის დაავადებები აწუხებთ. ამ მიმართულებას ეკუთვნის ასევე გასტროეზოფაგური რეფლუქსის, ნაწლავის ანთებითი დაავადებისა და ცელიაკიის მკურნალობაც. ზუსტი დიაგნოსტირებისათვის გამოიყენება “ასაკის შესაფერისი ენდოსკოპიური პროცედურები”.
10. პედიატრიული ნეფროლოგია
პედიატრიული ნეფროლოგია მოიცავს ბავშვებში არსებულ თირკმლისა და საშარდე სისტემის დარღვევებს. აღნიშნული მოიცავსისეთ კონდიციებს, როგორიცაა ჰიპერტენზია, თირკმელების ინფექციები და თირკმელების თანდაყოლილი დარღვევები. ჩამოთვლილი დაავადებების სამკურნალო გეგმა, ძირითადად მოიცავს მედიკამენტოზურ მკურნალობას, დიეტასა და მწვავე შემთხვევებში – დიალიზს.
11. პედიატრიული რევმატოლოგია
პედიატრიული რევმატოლოგია მკურნალობს ავტოიმუნურ და ანთებით დაავადებებს, როგორიცაა არასრულწლოვანთა იდიოპათიური ართრიტი, ხმელთაშუა ზღვის ოჯახური ცხელება და სისტემური წითელი მგლურა. მკურნალობის პროცესში რემისიისა და პაციენტის ცხოვრების ხარისხის გაუმჯობესების მიზნით დაავადების მონიტორინგისა და მართვის უზრუნველსაყოფად შესაბამისი დეპარტამენტი იყენებს ისეთ სადიაგნოსტიკო მეთოდებს, როგორიცაა სისხლის ანალიზი და გაშუქება.
12. პედიატრიული ფსიქიატრია
პედიატრიული ფსიქიატრია საკვანძო როლს თამაშობს ბავშვთა მენტალურ კეთილდღეობაში. აღნიშნული დეპარტამენტის ფუნქციებს მიეკუთვნება ისეთი კონდიციების მართვა, როგორიცაა ყურადღების დეფიციტისა და ჰიპერაქტივობის სინდრომი (ADHD), შფოთვა, დეპრესია და აუტიზმი. მკურნალობა მოიცავს ინდივიდუალურ თერაპიას, ოჯახურ თერაპიას, ქცევით ჩარევებსა და საჭიროების შემთხვევაში მედიკამენტოზურ მკურნალობას.
როდის უნდა მიმართოთ ჯანდაცვის პროვაიდერს?
მშობლებმა ექიმს რჩევისთვის უნდა მიმართონ იმ შემთხვევაში თუ ბავშვს აღენიშნება ნებისმიერი უჩვეულო სიმპტომი ან სახეზეა განვითარების შეფერხება. ზოგადი საყურადღებო ნიშნები მოიცავს მათ შორის უწყვეტ ცხელებას, უმიზეზოდ წონის კლებას, სუნთქვის გართულებას, მწვავე თავის ტკივილს ან ცვილებას ქცევაში. ზრდის, განვითარებისა და ზოგადი კეთილდღეობის მონიტორინგისათვის საკვანძო მნიშვნელობა ენიჭება “რუტინულ შემოწმებებს”. ჯანდაცვის პროვაიდერთან რეგულარული ვიზიტები უზრუნველყოფს პრობლემის ადრეულ ეტაპზე აღმოჩენასა და დროულ ინტერვენციას, რაც თავის მხრივ ამცირებს შემდგომი გართულების რისკებს.
ბავშვთა დაავადებების მკურნალობა თურქეთში
მოწინავე ჯანდაცვის ინფრასტრუქტურისა და გამოცდილი მედიკოსების გამო პედიატრიული პრობლემების მხრივ თურქეთი ის ადგილია, რომელზეც მშობლები არჩევანს ხშირად აკეთებენ. რუტინული შემოწმებიდან დაწყებული რთული ქირურგიული პროცედურების ჩათვლით – აქ უზრუნველყოფილია სამედიცინო სერვისების ფართო სპექტრის ხელმისაწვდომობა. თურქეთში არსებული პედიატრიული მიმართულების ჯანდაცვის ინფრასტრუქტურა შეესაბამება მსოფლიო სტანდარტებს და უზრუნველყოფს უმაღლესი ხარისხის სამკურნალო მომსახურებას, როგორც ადგილობრივი ასევე უცხოელი პაციენტებისათვის. Acıbadem-ში, ისევე როგორც სხვა ბევრ საავადმყოფოში, უახლესი ტექნოლოგიებით აღჭურვილი სხვადასხვა პედიატრიული მიმართულებით სპეციალიზებული დეპარტამენტები არსებობს.
რატომ უნდა იმკურნალოთ Acıbadem-ში?
Acıbadem Healthcare Group-ს რამდენიმე უპირატესობა გამოარჩევს:
- სრულვასოვასი სერვისი: გთავაზობთ პედიატრიული მიმართულებების სრულ სპექტრს.
- სპეციალიზებული ზრუნვა პაციენტზე: უზრუნველყოფს ინდივიდუალურ მიდგომას კომპლექსური ბავშვთა დაავადებების შემთხვევებში.
- უახლესი ინფრასტრუქტურა: აღჭურვილი თანამედროვე დიაგნოსტიკური და თერაპიული საშუალებებით.
- გამოცდილი მედიკოსების გუნდი: სხვადასხვა პედიატრიული მიმართულებით მომუშავე მაღალი კვალიფიკაციის ექიმები.
- ფოკუსი პრევენციულ მკურნალობაზე: ადრეული დიაგნოსტირება და ვაქცინაცია პრიორიტეტს წარმოადგენს.
Acıbadem-ის პედიატრიული ჯანდაცვის დეპარტამენტებში უზრუნველყოფილია ბავშვისათვის ინდივიდუალური და უმაღლესი ხარისხის სამედიცინო ზრუნვა. ჩვენთვის მნიშვნელოვანია ბავშვთა ჯანმრთელობის, როგორც ფიზიკური, ასევე ფსიქოლოგიური ასპექტები. აღსანიშნავია, რომ პაციენტებისა და მათი ოჯახის წევრებისათვის Acıbadem-ში მხარდამჭერი გარემო დაგხვდებათ. პაციენტისათვის საუკეთესო შედეგების მისაღებად ჩვენი ჯგუფი მუდმივად ვითარდება და იყენებს უახლეს სამედიცინო მიღწევებს.
