ოტოლარინგოლოგია (ყელ-ყურ-ცხვირი)

ეს სპეციალობები მოითხოვენ სპეციალურ მომზადებას. სტანდარტული ENT სწავლების გარდა, ჩვენი ყელის, ყურის, ცხვირის და აუდიოლოგიის გამოცდილ სპეციალისტებს, აჯიბადემის კლინიკებში გავლილი აქვთ დამატებითი მომზადება. ჩვენი საავადმყოფოები სრულყოფილად არის აღჭურვილი თანამედროვე ტექნოლოგიით და აქ წარმატებით ხორციელდება დღესდღეობით მსოფლიოში არსებული ყველა ყელ-ყურ-ცხვირის პროცედურა.

აჯიბადემის ყელ-ყურ-ცხვირის კლინიკებში, პაციენტების გამოკვლევა და მკურნალობის შერჩევა ხდება ძალიან თანამედროვე, სრულყოფილად აღჭურვილ ოთახში (რიგიდული და დრეკადი ენდოსკოპი; სტრობოსკოპი; ციფრული ჩაწერის სისტემა) მაღალკვალიფიციური ექიმის მიერ. აჯიბადემის ყელ-ყურ-ცხვირის სპეციალისტები მჭიდროდ თანამშრომლობენ სხვა სპეციალისტებთან იმისთვის, რომ პაციენტებს სრულყოფილი გამოკვლევა და მკურნალობა შესთავაზონ.

ჩვენს კლინიკაში ხდება ყელის, ყურის და ცხვირის შემდეგი დაავადებების მკურნალობა.

ოტოლოგია / ნეიროოტოლოგია

ოტოლოგიის/ნეიროოტოლოგიის განყოფილებაში ხორციელდება შემდეგი პროცედურები: ყურში შუილის მკურნალობა, თავბრუსხვევის მკურნალობა, დაფის აპკის და შუა ყურის ქირურგია, ოტოსკლეროზის ქირურგიული მკურნალობა, სმენის დაქვეითების დიაგნოსტიკა და მკურნალობა; კოხლეარული იმპლანტების ჩადგმა; რეაბილიტაცია სასმენი აპარატებით და სასმენი აპარატების იმპლანტაცია. ასევე ხორციელდება ყურების თანდაყოლილი ატრეზიის ქირურგია, BAHA სასმენი აპარატი; ყურის ნიჟარების პლასტიკა.

ოტოლარინგოლოგიური კიბოს ქირურგია

ოტოლარინგოლოგიულ ქირურგიაში უახლესი ტექნოლოგიური მეთოდების გამოყენებით კეთდება შემდეგი ოპერაციები: ყურის, ცხვირის, ყელის, პირის ღრუს, ცხვირის წიაღების, ხახის, სანერწყვე ჯირკვლების ოპერაციები და ყელის და ფარისებრი ჯირკვლის კეთილთვისებიანი და ავთვისებიანი სიმსივნეების ოპერაციები. ასევე ჩვენს კლინიკებში ტარდება პოსტ ქირურგიულ ქსოვილთა აღდგენა და ონკოლოგიური მკურნალობა.

რინოლოგია

ჩვენი რინოლოგიის განყოფილებაში წარმატებით ტარდება სამედიცინო და ქირურგიული პროცედურები ცხვირის გაგუდვის, ალერგიის სამკურნალო, სინუსების სამედიცინო და ქირურგიული მკურნალობა. ასევე წარმატებით ხდება ქოანების თანდაყოლილი ატრეზიის და სხვა ანომალიების მკურნალობა.

სინუსების ქირურგიაში ამჟამად ფართოდ გამოიყენება ენდოსკოპიური მეთოდები. ჩვენს კლინიკაში გამოიყენება ყველაზე ახალი და თანამედროვე  „ქირურგიული ნავიგაციის სისტემა“, რაც ამცირებს ქირურგიული გართულებების რისკს. ამგვარად, პოტენციური გვერდითი ეფექტების სიხშირე უკიდურესად მცირეა. ეს ტექნოლოგია განსაკუთრებით სასარგებლოა პაციენტებისთვის, რომელთაც უკვე ჩაუტარდათ სიმსივნესთან დაკავშირებული ოპერაცია, რამაც ანატომიური ცვლილებები გამოიწვია; და ასევე სიმსივნეების მქონე პაციენტებისთვის.

სახის პლასტიკური ქირურგია

სახის პლასტიკური ქირურგია არის სფერო, რომელიც ბოლო წლებში მნიშვნელოვნად განვითარდა. რინოპლასტიკის გარდა, ჩვენ წარმატებით ვახორციელებთ სხვა პროცედურებსაც: „გამოწეული“ ყურების კორექცია; სახის ნაოჭების კორექცია (BOTOX, ფილერები); სახის ლიფტინგი (ქირურგიული ან ნაკერების მეთოდით), კისრის ლიფტინგი, დაშვებული ქუთუთოების კორექცია და ბლეფაროპლასტიკა (კანის ან ჭარბი ცხიმის მოცილება ზედა და ქვედა ქუთუთოდან). კლინიკაში ასევე წარმატებითაა დანერგილი ორთოგნატიული ქირურგია.

ჩვენი კლინიკა ერთ-ერთია, რომელიც ყელის, ყურის და ცხვირის სრულყოფილ მკურნალობას გთავაზობთ. ჩვენი სპეციალისტი ექიმები ბავშვთა ყელ-ყურ-ცხვირის განყოფილებაში ატარებენ არა მხოლოდ ტონზილების (გლანდების) და ადენოიდების მკურნალობას, არამედ სხვა პროცედურებსაც, რომელთა შორისაა თანდაყოლილი ანომალიების მკურნალობა (ყურების ან ცხვირის გარეშე დაბადება, სასის ნაპრალი), ყელის თანდაყოლილ ანომალიებთან ან თანდაყოლილ კისტებთან და სხვა წარმონაქმნებთან დაკავშირებული სუნთქვის დარღვევების მკურნალობა.

ხმის და დისფაგიის (გაძნელებული ყლაპვა) დარღვევები

ხმის და ყლაპვის დარღვევის განყოფილებაში ტარდება ისეთი მდგომარეობების გამოკვლევები, რეაბილიტაცია და კონსერვატიული და ქირურგიული მკურნალობა,  როგორიცაა: დისფონია (ხმის დაკარგვა), ხმის დარღვევები, ყლაპვის გაძნელება და სიალორეა (ნერწყვის ჭარბი წარმოქმნა და გამოყოფა).

Lumenis CO2 ლაზერი უახლესი ტექნოლოგიაა, რომელიც ამჟამად მსოფლიოს მხოლოდ რამდენიმე ცენტრში ფუნქციონირებს. ჩვენი გამოცდილი სპეციალისტები ამ აპარატს იყენებენ სხვადასხვა მდგომარეობების სამკურნალოდ, რომელთა შორისაა: ხმის იოგების დარღვევები (პოლიპები, ტრავმები), ხორხის სტენოზი (სიმსივნე) და ყელის კიბო. პირის ღრუსა და ცხვირის სიმსივნეების და კანის დაზიანებების მკურნალობა შესაძლებელია ლაზერის საშუალებით მინიმალური სისხლდენით. ასევე ცნობილია, რომ ლაზერი არის ძალიან ეფექტური მეთოდი პაპილომების, სასუნთქი გზების ვირუსული ინფექციის სამკურნალოდ. ლაზერი ასევე წარმატებით გამოიყენება CO2 ლაზერული პლასტიკური ქირურგიისას.

ხვრინვა და ძილის დარღვევები

ჩვენს კლინიკაში ხდება იმ პაციენტების გამოკვლევა, რომლებსაც აწუხებთ ხვრინვა და ძილის დარღვევა. ძილის დარღვევების დიაგნოსტირება ხდება ძილის ლაბორატორიაში, რის შემდეგაც ხდება მკურნალობის შესაფერისი მეთოდების შერჩევა (ქირურგიული ან CPAP – ნიღაბი, რომელიც პაციენტს ჰაერს წნევით აწვდის იმისთვის, რომ სასუნთქი გზები იყოს ღია).

აუდიოლოგია და მეტყველების შეფერხებები

აუდიოლოგიის და მეტყველების შეფერხების განყოფილება ახორციელებს შემდეგ პროცედურებს: სმენის გამოკვლევა, წონასწორობის გამოკვლევა, ყურში ხმაურის რეაბილიტაცია, წონასწორობის დარღვევების მკურნალობა, მეტყველების და დისფაგიის მკურნალობა, სასმენი აპარატების შერჩევა და დაყენება, კოხლეარული იმპლანტები პაციენტებში თანდაყოლილი ან ჩვილობაში შეძენილი სმენის დაქვეითებით. ყველა გამოკვლევა ხორციელდება პროცედურებამდე და მის შემდეგ ჩვენი სპეციალისტი აუდიოლოგების მიერ. ჩვენს აუდიოლოგიის განყოფილებაში გამოიყენება ულტრათამანედროვე აპარატურა, ხოლო აუდიოლოგიური გამოკვლევა ტარდება სტანდარტულ ხმის იზოლაციის მქონე ოთახებში. კლინიკაში კეთდება ვიდეო-ENG, კალორიმეტრული და პოზიციური გამოკვლევა. კლინიკა ახორციელებს პაციენტებისთვის სასმენი აპარატების შერჩევას და მორგებას. კლინიკა აღჭურვილია ყველანაირი აპარატურით ტინიტუსის (ყურებში ხმაურის) სამკურნალოდ.

კოხლეარული იმპლანტი (ყურის ბიონიკური იმპლანტი) არის კომპიუტერიზებული აპარატი, რომელსაც შეუძლია სმენა აღუდგინოს მძიმე და ღრმა სეოსენსორული სმენის დაქვეითების (ნერვული სიყრუე) მქონე პაციენტს. ეს ერთადერთი სამედიცინო აპარატია, რომელსაც სხეულის ხუთი შეგრძნებიდან ერთ-ერთის, სმენის, აღდგენა შეუძლია. ადამიანები, რომლებსაც სასმენი აპარატი საკმარისად ვერ ეხმარებათ, კოხლეარული იმპლანტის კანდიდატები არიან. მსოფლიოში კოხლეარული იმპლანტაცია ჩატარებული აქვს 400 000-ზე მეტ ბავშვს და ზრდასრულ ადამიანს. სასმენი აპარატისგან განსხვავებით, რომელიც შემომავალ ბგერებს აძლიერებს, კოხლეარული იმპლანტი ბგერის ტალღებს გარდაქმნის ელექტრულ სიგნალებად. სმენის აპარატების მუშაობისთვის აუცილებელია, რომ წამწამოვანი უჯრედები ნორმალურად ფუნქციონირებდნენ. ხოლო კოხლეარული იმპლანტი უგულებელყოფს დაზიანებულ წამწამოვან უჯრედებს, საუბრისას და გარემოს ბგერებს გარდაქმნის ელექტრულ სიგნალებად და აგზავნის ამ სიგნალებს პირდაპირ სმენის ნერვში.

კოხლეარული იმპლანტი ორი ძირითადი კომპონენტისგან შედგება:

1. შიდა ნაწილი, რომელიც შედგება პატარა ელექტრონული მოწყობილობისგან. მისი იმპლანტაცია ქირურგიული გზით ხდება ყურის უკან, კანქვეშ და უკავშირდება კოხლეაში ჩანერგილ ელექტროდებს.
2. გარეთა ნაწილი, რომელიც ყურის უკან თავსდება და შედგება მეტყველების პროცესორისგან, მიკროფონისა და ელემენტისგან.

მიკროფონი იჭერს ბგერებს, პროცესორი კი მათ გარდაქმნის ელექტრულ სიგნალებად. ეს სიგნალები, ანუ „კოდები“ წვრილი კაბელით გადაეცემა შიდა ნაწილს და რადიოტალღების სახით აღწევს კოხლეაში ჩანერგილ ელექტროდებს. ელექტროდებიდან ხდება სმენის ნერვის სტიმულაცია და ინფორმაცია აღწევს თავის ტვინის ქერქს, სადაც ხდება მისი ინტერპრეტაცია აზრიან ბგერებად.

 კოხლეარული იმპლანტის ოპერაცია

კოხლეარული იმპლანტაციის ოპერაცია ჩვეულებრივ ხორციელდება როგორც ამბულატორიული პროცედურა ზოგადი ნარკოზით. ყურის უკან კეთდება განაკვეთი დვრილისებრ მორჩთან მისადგომად, რომელიც შუა ყურის სივრცეს უკავშირდება. შუა ყურში ხდება ელექტროდების ჩანერგვა, ხოლო თავად ელექტროდებთან დაკავშირებული აპარატი თავსდება კანქვეშ, ყურის უკან.

ეს ოპერაცია შეიძლება ჩაუტარდეს 12 თვეზე უფროსი ასაკის ნებისმიერ ადამიანს, რომელსაც სასმენი აპარატით სმენის პრობლემა ვერ მოუგვარდა.

კოხლეარული იმპლანტაციის გუნდი

კოხლეარული იმპლანტის გუნდში შედის ერთი ქირურგი-ნეიროოტოლოგი და ორი ექიმი აუდიოლოგი, რომელთაც ყურის ყველა პათოლოგიასთან დაკავშირებული დიდი გამოცდილება აქვთ. ყოველი პაციენტის ოპერაციის წინა გამოკვლევა, ინტრაოპერაციული მანიპულაციები და ოპერაციის შემდგომი რეაბილიტაცია ხორციელდება უახლესი ტექნოლოგიების გამოყენებით. ოპერაცია უსაფრთხოების მაღალ სტანდარტებთან შესაბამისობაში ტარდება.