ენდომეტრიოზი ქალებში მსოფლიოში ერთ-ერთი უფრო გავრცელებული გინეკოლოგიური დაავადებაა. ყოველწლიურად იზრდება ენდომეტრიოზით დაავადებულ ქალთა რაოდენობა. მიიჩნევა, რომ ამჟამად ენდომეტრიოზით დაავადებულია200 მილიონი ქალი. ენდომეტრიოზი ფატალური დაავადება არ არის, თუმცა შეიძლება სისუსტე, მენსტრუალური ციკლისა და სქესობრივი კავშირის დროს ძლიერი ტკივილი, ტკივილი შარდვისას და უნაყოფობა გამოიწვიოს. Acibadem-ის ენდომეტრიოზის უმაღლესი დონის ცენტრი (center of excellence), რომელსაც ამ დარგში საერთაშორისოდ აღიარებული ექსპერტიზა გააჩნია, მკურნალობის ყველაზე ეფექტიან მეთოდს გთავაზობთ. პრობლემის სირთულის მიუხედავად Acibadem-ში ენდომეტრიოზის დასამარცხებლად საჭირო მაღალკვალიფიციური გუნდი, მოწინავე დიაგნოსტიკური და ქირურგიული ტექნოლოგიებია მობილიზებული.
ენდომეტრიოზი იგივე „შოკოლადის ცისტა“ დაავადებაა, რომელიც ტკივილით ხასიათდება, რა დროსაც საშვილოსნოს შიდა კედლის მსგავსი ქსოვილი იგივე „ენდომეტრიუმი“ საშვილოსნოს გარეთ იზრდება. ენდომეტრიოზი აზიანებს საკვერცხეებს, ფალოპის მილებსა და მენჯის მიდამოებს. მას შემდეგ რაც გასქელდება და სისხლდენა იწყება, დაავადება რამდენიმე სიმპტომის გამომწვევი ხდება, რაც პაციენტის ცხოვრების ხარისხს ამცირებს. 10-დან ერთი ქალი, რომელსაც მენსტრუალური ციკლი აქვს ენდომეტრიოზითაა დაავადებული.
ენდომეტრიოზის სიმპტომები შეიძლება მოიცავდეს შემდეგს:
ენდომეტრიოზის მწვავე ან ქრონიკული სიმპტომები გავლენას ახდენს რა ქალების ყოველდღიურობაზე, სქესობრივ ურთიერთობაზე და ცხოვრებაზე, იწვევს ჯანმრთელობისა და ცხოვრების ბალანსის რღვევას. აღსანიშნავია, რომ ზოგ შემთხვევაში აღნიშნული სიმპტომები გამოხატული საერთოდ არ არის, რა დროსაც ენდომეტრიოზის დიაგნოსტირება შეუძლებელია. ასეთ შემთხვევაში, დაავადების აღმოსაჩენად საჭირო ხდება ულტრაბგერითი გამოკვლევა ან სხვა დიაგნოსტიკური საშუალება.
ენდომეტრიოზის სიმპტომატიკა სხვა გინეკოლოგიური პრობლემების მსგავსია. ენდომეტრიოზის დიაგნოსტირება ისეთ სპეციალიზებულ ცოდნასა და გამოცდილებას მოითხოვს, როგორიცაა ფიზიკური გამოკვლევა და გამოსახულების ინტერპრეტაცია. როდესაც ენდომეტრიოზის დიაგნოსტირება ვერ ხდება და შესაბამისად არ ხდება ან არასათანადოდ ხდება მისი მკურნალობა, შესაძლოა განვითარდეს მენჯის ღრუს სხვა დარღვევები და უნაყოფობაც კი. ქირურგიაში გამოცდილი გინეკოლოგისა და მეანის მიერ ენდომეტრიოზსა და ენდომეტირულ ცისტაზე ადრეულ ეტაპზე დასმული დიაგნოზისას, ოპერაციის შემთხვევაში პაციენტი ზოგავს დროსა და ენერგიას, მკურნალობისადმი მისი ნდობა კი იზრდება.
ენდომეტრიოზის ქირურგიული მკურნალობა შეიძლება დაიგეგმოს დაავადების მძიმე მიმდინარეობისას და/ან როდესაც მედიკამენტური მკურნალობა უშედეგოა. ქირურგიული ჩარევა მიზანშეწონილად მიიჩნევა, როდესაც სახეზეა მენჯის ღრუს ორგანოების ანატომიური დეტერიორაცია ან ნაწლავური და საშარდე ტრაქტების ობსტრუქცია. როგორც წესი უპირატესობა ენიჭება ტრადიციულ მეთოდს, როდესაც საშვილოსნო და საკვერცხეების ქსოვილი ნარჩუნდება (ქირურგიულად ამოიკვეთება მხოლოდ ენდომეტრიული ქსოვილი). ოპერაცია ტარდება ლაპარასკოპიული და რობოტული ქირურგიის მეთოდებით.
ენდომეტრიოზის ქირურგიული ჩარევით მკურნალობისას სასურველი შედეგის მისაღწევად ყველაზე მნიშვნელოვან ფაქტორს ქირურგის მიერ საკითხის სრულფასოვანი ცოდნა და მისი მდიდარი გამოცდილება წარმოადგენს. გამოუცდელი ექიმის შემთხვევაში ოპერაცია შესაძლოა მეტწილად გართულდეს (სისხლდენა, ვასკულარული დაზიანება, საშარდე ტრაქტი, ნაწლავური დაზიანება და ფისტულა) და ადრეულ პოსტოპერაციულ პერიოდში დაავადება კვლავ განვითარდეს. წარმატებული ოპერაციის შემდგომ კი შესაძლებელია დაუგეგმავი ორსულობა, ცხოვრება ტკივილის გარეშე და დაავადების განმეორებით განვითარების დაბალი ალბათობა არსებობს.
Acibadem-ის ენდომეტრიოზის ცენტრი, არამხოლოდ თურქეთში არამედ მთელს მსოფლიოში პირველია. SRC -ის აკრედიტაციის მიხედვით მას „უმაღლესი დონის (center of excellence) ენდომეტრიოზის მულტიდისციპლინური ცენტრი-ის“ დასახელება მიენიჭა. Acibadem-ი თურქეთში 1-ლი, ევროპაში მე-2, ხოლო მსოფლიოს მასშტაბით მე-6 მულტი დისციპლინური ენდომეტრიოზისის ცენტრია, რომელიც უზრუნველყოფს პაციენტების უმაღლეს დონეზე მომსახურებას (center of excellence). პაციენტთა უსაფრთხოებაზე მომუშავე აშშ-ში მოქმედი არაკომერციული ორგანიზაცია გასცემს აკრედიტაციას ქირურგიული დაწესებულებებისა და პროფესიონალი ექიმებისათვის. SRC-ის პირობას წარმოადგენს საავადმყოფოში წელიწადში 100 წარმატებული ენდომეტრიოზის ქირურგიული ოპერაციის ჩატარება. გარდა ამისა, აკრედიტაციაზე განაცხადის წარდგენა მხოლოდ რამდენიმე მნიშვნელოვანი მოთხოვნის დაკმაყოფილების შემდეგაა შესაძლებელი. Acibadem-ს წილად ხვდა პატივი წარმოადგენდეს SRC-ის მიერ აკრედიტებულ მე-2 დაწესებულებას ევროპაში. ასევე უნდა აღინიშნოს, რომ ცენტრის დირექტორი – ტანერ უსტა, გინეკოლოგიისა და სამეანო საქმის პროფესორი, SRC-ის მიერ, ე.წ. „master“ ქირურგადაა აღიარებული. ტანერ უსტა, Acibadem Altunizade-ს საავადმყოფოს ენდომეტრიოზის ცენტრის, რომელიც უზრუნველყოფს პაციენტების უმაღლეს დონეზე მომსახურებას (center of excellence), დირექტორი კვალიფიციურია ენდომეტრიოზის, მენჯის ღრუს ტკივილისა და რობოტული ქირურგიის საკითხებში. მას მრავალი ტრეინინგი აქვს გავლილი საფრანგეთში, გერმანიასა და თურქეთში. მისი „ნეიროპელვეოლოგიაში“ (neuropelveology) სპეციალიზაციის გათვალისწინებით, ტანერ უსტა Acibadem-ში მენჯის ღრუს ქრონიკულ ტკივილს მოწინავე სამედიცინო მეთოდით მკურნალობს.
Acibadem-ის ენდომეტრიოზის ცენტრი ქალებს ოპტიმალური მკურნალობის შესაძლებლობას სთავაზობს. ჩვენი ექიმების დიდი გამოცდილება და მაღალი კვალიფიკაცია გადამწყვეტ როლს ასრულებს ენდომეტრიოზის ეფექტიან მკურნალობაში.