თმის გადანერგვის ცენტრი

აჯიბადემის თმის გადანერგვის ცენტრი და ჩვენი მაღალკვალიფიციური, გამოცდილი სამედიცინო პერსონალი, გთავაზობთ თმის გადანერგვის დარგში არსებულ საუკეთესო მეთოდებს და მომსახურებას გარემოში, სადაც განსაკუთრებულად იზრუნებენ თქვენს ჯანმრთელობასა და კეთილდღეობაზე.

რა არის თმის გადანერგვა?

თმის ცვენა ადამიანების უმეტესობისთვის სტრესული მოვლენაა, მიუხედავად მათი ასაკისა და სქესისა; ამასთან, ეს პროცესი განსაკუთრებით ხშირია მამაკაცებში. სწორედ ამ მიზეზის გამო, კოსმეტიკურ ქირურგიაში თმის გადანერგვა ითვლება ერთ – ერთ ცხოვრების შემცვლელ მიმართულებად იმ ადამიანებისთვის, რომლებიც კარგავენ ან დაკარგეს თმა თმის ცვენის ან სხვა მიზეზების გამო.

თმის გადანერგვის ოპერაციები ყოველთვის პოპულარული იყო ცნობილ ადამიანებში და ბოლო დროს ჩვენს ყოველდღიურ ახალ ამბებში ხშირად ფიგურირებს ცნობები ცნობილი ადამიანების მიერ თმის გადანერგვის პროცედურებით სარგებლობის შესახებ. მაგალითისთვის შეგვიძლია გავიხსენოთ ილონ მასკი ან უეინ რუნი. ბოლო წლების განმავლობაში დანერგილმა რამდენიმე სამედიცინო ტექნოლოგიურმა წინსვლამ განაპირობა ის, რომ თმის გადანერგვა ძალიან მალევე გახდა პოპულარული გამოსავალი მრავალი ადამიანისთვის, რადგან ეს პროცედურები ახლა უფრო ხელმისაწვდომია ვიდრე ოდესმე, უფრო სწრაფი რეაბილიტაციის პროცესითა და ნაკლებად მტკივნეული პროცედურით.

თმის გადანერგვის ქირურგიაში, რომელიც ჯერ კიდევ განვითარების სტადიაშია, არსებითად სამი განსხვავებული მეთოდი არსებობს; თუმცა, საბოლოო ჯამში ეს პროცედურები შეიძლება დავახასიათოთ, როგორც თმის ჯანმრთელი ფოლიკულების გადატანის პროცესი თავის გარკვეული ნაწილებიდან იმ ნაწილებზე, სადაც თმა თხელია ან საერთოდ არ არის. ეს პროცედურა პაციენტს სთავაზობს მუდმივ გამოსავალს, ხოლო ამ მკურნალობის შედეგად რეაბილიტაციის პროცესი მიმდინარეობს შედარებით სწრაფად და მარტივად. აღსანიშნავია, რომ გამოჯანმრთელების დრო შეიძლება განსხვავდებოდეს გამოყენებული მეთოდის მიხედვით. თუ გრძნობთ, რომ თმის ცვენა თქვენზე ფსიქოლოგიურად დამთრგუნველად მოქმედებს, არანაირი მიზეზით არ უნდა თქვათ უარი აჯიბადემის თმის გადანერგვის ცენტრში სამედიცინო დახმარების მიღებაზე, რადგან ცენტრში არსებული უახლესი ტექნოლოგია მარტივად დაგეხმარებათ აღმოფხვრათ ის უარყოფითი შედეგები, რომელიც თმის ცვენას თან ახლავს.

თმის გადანერგვა თურქეთში

თავისი ადვილად ხელმისაწვდომი გეოგრაფიული მდებარეობით, ულამაზესი ისტორიული ადგილებითა და პეიზაჟებით, მდიდრული თუ დაბალბიუჯეტიანი  განთავსების უზარმაზარი არჩევანით, თურქეთი ის დიდი მოთამაშეა, რომელმაც უკვე დაიმკვირდა წამყვანი ადგილი ტურიზმისა და ჯანდაცვის ტურიზმის სფეროებში. ამასთან, თურქეთში წარმატებით ფუნქციონირებენ მოწინავე სამედიცინო ცენტრები თმის გადანერგვის ექსპერტებით, რის შედეგადაც, რა თქმა უნდა, ქვეყანა გახდა ერთ-ერთი ყველაზე პოპულარული არჩევანი თმის გადანერგვის მომსახურების კუთხით. იმის გათვალისწინებით, რომ თურქეთში თმის გადანერგვის პროცედურები გაცილებით იაფია დიდი ბრიტანეთის, აშშ-სა და ევროპის ფასებთან შედარებით, თმის გადანერგვის სერვისების არჩევანის მრავალფეროვნებამ წინა პლანზე წამოიწია.

რა ღირს თმის გადანერგვა? რა თქმა უნდა, მსოფლიოს არცერთ ქვეყანაში არ არსებობს დადგენილი ფასი თმის გადანერგვის ოპერაციებისთვის. თუმცა, ასეთი ოპერაციის მიახლოებითი ფასი დიდ ბრიტანეთში, 5000-დან 15000 ფუნტ სტერლინგამდე მერყეობს, აშშ-ში კი 4000-დან 20 000 დოლარამდე. იგივე ოპერაცია თურქეთში გაცილებით იაფი ჯდება, მაშინაც კი, თუ პაციენტი მოისურვებს განთავსებას დელუქს სასტუმროებში, და მაშინაც კი თუ საფასურში ჩავთვლით ტრანსპორტირების ხარჯებს, თარჯიმნის მომსახურებას და ოპერაციის შემდგომ რეაბილიტაციას. ამას გარდა, თქვენ შეგიძლიათ თურქეთში ოპერაციის შემდგომი რეაბილტაციის შემდეგაც დარჩეთ და ისიამოვნოთ შესანიშნავი ქალაქებით და პეიზაჟებით მისაღებ ფასებში.

რატომ უნდა აირჩიოთ აჯიბადემის თმის გადანერგვის ცენტრი?

მსოფლიოს სხვადასხვა ქვეყნებიდან თმის გადანერგვის პროცედურებით მოსარგებლე პაციენტებს შორის თურქეთის პოპულარობამ ასევე გამოიწვია უარყოფითი შედეგები. ბოლო წლების განმავლობაში, თურქეთის მასშტაბით მრავალი კლინიკა დაარსდა რომელიც თმის გადანერგვის მომსახურებას ეწევა. ფართოდ დიფერენცირებული და არათანმიმდევრული ფასების დიაპაზონის, ე.წ. არაპროფესიონალი ”ექსპერტების” და პაციენტების მიერ თურქეთის სხვადასხვა კლინიკებში მიღებული თმის გადანერგვის მომსახურების შეფასებების ნაკლებობის გამო, ისეთი საიმედო და პროფესიონალური გარემოს მოძებნა, სადაც გამოცდილი ქირურგები სანიტარულ და ჰიგიენურ გარემოში თმის გადანერგვის მკურნალობას გაწევდნენ თქვენი გარანტირებული კეთილდღეობისთვის, ახლა საკმაოდ დამაბნეველი და რთული პროცესი გახდა. აჯიბადემის თმის გადანერგვის ცენტრი, რომელსაც ჰყავს პროფესიონალი სამედიცინო პერსონალი და ქირურგები, რომლებიც სპეციალიზირებულნი არიან კოსმეტიკური ქირურგიისა და თმის გადანერგვის სფეროში, პაციენტებს სთავაზობს თმის გადანერგვის საუკეთესო, სამედიცინო სფეროში აღიარებულ მეთოდებს. თავისი 30 წლიანი გამოცდილებითა და მთელი ქვეყნის ტერიტორიაზე არსებული სამედიცინო დაწესებულებების ქსელით, რომელიც მოიცავს 21 საავადმყოფოს და 13 სამედიცინო ცენტრს, 3500-ზე მეტ ექიმსა და 4500 ექთანს, აჯიბადემი ჩამოყალიბდა პრესტიჟულ და სახელგანთქმულ სამედიცინო დაწესებულებად თმის გადანერგვის მიმართულებით არა მხოლოდ თურქეთში, არამედ ბულგარეთში, მაკედონიასა და ნიდერლანდებში არსებულ საავადმყოფოებში, სადაც პაციენტები სხვადასხვა სამედიცინო მომსახურებას ღებულობენ.

ისეთი მკურნალობის მიღებისას, როგორიცაა მაგალითად თმის გადანერგვა, თითოეულ პაციენტს აქვს უფლება დარწმუნდეს, რომ მკურნალობა საუკეთესო შედეგს გამოიღებს. ხელმძღვანელობს რა ამ პრინციპით, აჯიბადემის თმის გადანერგვის ცენტრი გთავაზობთ თმის გადანერგვის საუკეთესო მომსახურებას უახლესი სამედიცინო ტექნოლოგიებით და ექსპერტი ქირურგებით, რათა დარწმუნდეთ, რომ თქვენი სამედიცინო მოგზაურობა თურქეთში ყოველთვის იქნება სასიამოვნო მოგონება.

თმის გადანერგვის მეთოდები

თმის გადანერგვის ტექნოლოგიამ გრძელი გზა გაიარა შედარებით მოკლე დროში. თმის გადანერგვის ადრეულ პერიოდში, კერძოდ 40-იან წლებამდე, თმის გადანერგვის ქირურგიული ტექნიკა ძალზე შეზღუდული იყო და დღევანდელ სტანდარტებით თუ ვიმსჯელებთ, ამ სფეროში არანაირი ექსპერტიზა არ არსებობდა რაიმე ფორმით. 1939 წელს იაპონელმა დერმატოლოგმა შოჯი ოკუდამ აღწერა თმის გადანერგვის პირველი ექსპერიმენტები თანამედროვე სამედიცინო სამყაროში. მიუხედავად იმისა, რომ პროცედურის შესახებ ბევრი რამ არ არის ცნობილი, მან გამოიყენა FUE თმის გადანერგვის მსგავსი ტექნიკა. მოკლედ რომ ვთქვათ, ოკუდამ  მოახდინა თმის ფოლიკულების ამოღება მცირე, წრიული ფორმის სახით და გადანერგა პაციენტის თავის გამელოტებულ არეში. მისი განცხადებების თანახმად ოპერაციამ წარმატებით ჩაიარა.

შემდეგი ღირსშესანიშნავი განვითარება თმის გადანერგვის სფეროში 1950-იანი წლების დასაწყისში მოხდა. კიდევ ერთმა გამოცდილმა დერმატოლოგმა, სახელად ნორმან ორენტრეიხმა, რომელიც ითვლება თმის  გადანერგვის  თანამედროვე პრაქტიკის მამად, დაიწყო ექსპერიმენტების ჩატარება ამ სფეროში. მან თავის ტექნიკაში სცადა გადაეტანა თმის ფოლიკულების ჯგუფები. მან ასევე აღმოაჩინა, რომ გადაადგილებულ ფოლიკულებს შეეძლოთ თმის ზრდის უზრუნველყოფა არაჯანსაღ ან გამელოტებულ ნაწილებში. რადგან მისი მეთოდი გულისხმობდა ფოლიკულების დიდი ჯგუფების ჯგუფების ერთროულ ამოძრობას,  შედეგები ისეთი ბუნებრივი არ იყო, როგორიც სასურველი იქნებოდა. მომდევნო ათწლეულების განმავლობაში, მთელ მსოფლიოში ექსპერტებმა მოიფიქრეს ახალი მეთოდები უკეთესი შედეგის მისაღებად, სულ უფრო და უფრო დააპატარავეს რა სკალპზე ნახვრეტების ზომა. შედეგად, დღევანდელი ტექნოლოგიის გათვალისწინებით, ქირურგებში პოპულარული გახდა სამი ტექნიკა. ეს მეთოდებია, შესაბამისად, FUE, FUT და DHI.

FUE (ფოლიკულური ერთეულის ექსტრაქცია)

ფოლიკულური ერთეულის ექსტრაქცია, შემოკლებით FUE თმის გადანერგვა, თმის გადანერგვის ტექნიკის ერთ-ერთი უახლესი მიღწევაა. შოჯი ოკუდას პირველ დასკვნებზე დაყრდნობით, 1989 წელს პირველად სცადეს ფოლიკულური ერთეულების ინდივიდუალურად ამოღების ტექნიკა ნემსებისა და კანის პერფორატორის გამოყენებით. მომდევნო ათწლეულებში, ამ ტექნიკაში გამოყენებული პერფორატორები და ქირურგიული ინსრუმენტების პირები სულ უფრო და უფრო პატარავდებოდა. იმ ფაქტმა, რომ FUE მეთოდი სპეციალიზირებული ქირურგებისათვის ზუსტი გადაწყვეტილების მიღების შესაძლებლობას იძლეოდა და საბოლოო შედეგიც ბუნებრივად გამოიყურებოდა, განაპირობა ის რომ, ეს მეთოდი თმის გადანერგვის სფეროში არსებულ სამ წამყვან ტექნიკას შორის ყველაზე პოპულარული გახდა.

არსებობს FUE თმის გადანერგვის სამი განსხვავებული სახეობა. ესენია:

საფირონი FUE

საფირონის FUE ოპერაციებში გრაფტებისა და ფოლიკულების ამოსაღებად ფოლადის ნემსების ნაცვლად საფირონის პირებს იყენებენ. ეს საფირონის პირები იძლევა ოპერაციის დროს კიდევ უფრო ზუსტი ჭრის  და პაციენტების რეაბილიტაციის შესაძლებლობებს. ეს უკანასკნელი დაახლოებით ერთი კვირა გრძელდება.

მიკრო FUE

მიკრო FUE მეთოდი ყველაზე ზუსტია FUE ტექნიკებს შორის. მიკრო FUE ტექნიკაში გამოიყენება წვრილი ნემსები, დიამეტრით 0,6-0,8 მმ, რომლებიც მიმაგრებულია მიკროძრავზე. ამ მეთოდში გამოყენებული მიკროძრავის წყალობით, ოპერაციის ხანგრძლივობა უფრო ხანმოკლეა, ვიდრე სხვა ტექნიკების დროს.

გრძელი თმის FUE

გრძელი თმის FUE ტექნიკა სასურველია იმ პაციენტებისთვის, რომელთაც არ სურთ ქირურგიულ ოპერაციამდე თავის ბოლომდე გაპარსვა. თმის ზურგზე და გვერდებზე თმის გაზრდის შემდეგ, ხდება თმის მართკუთხა მონაკვეთის გაპარსვა თმის უკანა მხარეს და თმის ფოლიკულების ამოღება ამ ადგილიდან რათა გადატანილ იქნას თავის კანის სასურველ ნაწილებზე. თმის ამ მართკუთხა ნაწილის დამალვა შესაძლებელია გაზრდილი თმის მეშვეობით, რომელიც თავზე და გვერდებზეა, იმ დრომდე სანამ არ მოხდება სრული განკურნება.

FUT (ფოლიკულური ერთეულების გადანერგვა)

FUT თმის გადანერგვა უფრო ძველი ტექნიკაა FUE და DHI ტექნიკასთან შედარებით. ამიტომ დღევანდელ სამყაროში FUE და DHI ტექნიკა უფრო ხშირად გამოიყენება თმის გადანერგვისას,შესაბამისად FUT ტექნიკა აღარ არის იმდენად სასურველი და იშვიათად გამოიყენება თმის გადანერგვის გამოცდილი და ტექნოლოგიურად განვითარებული ცენტრების მიერ. განსხვავება FUE და FUT თმის გადანერგვის ოპერაციას შორის არის ის, რომ FUT ტექნიკის მეთოდით ხდება ფოლიკულის ერთეულების ჯგუფურად ამოღება და  გადატანა, სათითაოდ გადანერგვის ნაცვლად. ეს ტექნიკას ყველაზე საუკეთესო გამოსავალია იმ შემთხვევებში, როდესაც საჭიროა თმის დიდი უბნების გადანერგვა და ამ შემთხვევაში ეს მეთოდი  უკეთეს შედეგებს იძლევა ფოლიკულის ინდივიდუალურ გადანერგვასთან შედარებით. თუმცა, ამ მეთოდს აქვს გარკვეული ნაკლოვანებებიც, მაგალითად, რეაბილიტაციის უფრო გრძელი და მტკივნეული პერიოდი. უფრო მეტიც, აღნიშნული ქირურგიული ოპერაცია ტოვებს ჰორიზონტალური ხაზის ფორმის  მქონე ნაწიბურს თავის ქალის უკანა ნაწილში, თუმცა ის ადვილად იმალება თმის ზრდასთან ერთად.

DHI (თმის პირდაპირი იმპლანტაცია)

DHI (თმის პირდაპირი იმპლანტაცია) თმის გადანერგვის მიმართულებებს შორის უახლეს მეთოდს წარმოადგენს. იგი მუშაობს FUE თმის გადანერგვის მეთოდის მსგავსად, რომლის დროსაც ხდება თმის ფოლიკულების სათითაო და ინდივიდუალური ამოღება და გადანერგვა. განსხვავება მდგომარეობს  იმ ინსტრუმენტში, რომელიც გამოიყენება DHI მეთოდის დროს. FUE ოპერაციის ჩატარებისას ქირურგს სჭირდება კანზე მცირე ხვრელების გახსნა, რათა ფოლიკულები თავის კანის გამელოტებულ ნაწილში გადანერგოს, რასაც სხვა ინსტრუმენტის გამოყენებით აკეთებს. ხოლო DHI მეთოდი სპეციალიზირებული, კალმისმაგვარი ხელსაწყოს მეშვეობით აერთიანებს თმის ფოლიკულების მოცილებას და გადანერგვას ერთ პროცესში, რითაც ოპერაციის ხანგრძლივობა მნიშვნელოვნად მცირდება.

თმის გადანერგვის მოგზაურობის ეტაპები

თურქეთში უსაფრთხოდ ჩასვლისა და თქვენს სასტუმროში დაბინავების შემდეგ, შეგიძლიათ ეწვიოთ აჯიბადემის თმის გადანერგვის ცენტრს რათა ჩაიტაროთ საჭირო ანალიზები, წინასწარი გამოკვლევა, და მოხდეს დეტალური ანალიზი იმისა თუ რომელია თქვენს შემთხვევაში ოპერაციის საუკეთესო მეთოდი. ეს პროცესი ასევე  განსაზღვრავს თუ რამდენი ტრანსპლანტი იქნება საჭირო. ამავე ეტაპზე შეგიძლიათ დასვათ ნებისმიერი კითხვა რაც გაგიჩნდებათ და გაიაროთ კონსულტაცია აჯიბადემის სამედიცინო ექსპერტებთან, რათა მიიღოთ საუკეთესო გამოცდილება და შედეგი გამოიღოთ თქვენი ოპერაციიდან.

სისხლის საბოლოო ანალიზებისა და ოპერაციისთვის მზადების შემდეგ, როდესაც მზად იქნებით, საოპერაციოში მიგიყვანენ. თქვენს სკალპზე ადგილობრივი საანესთეზიო საშუალების დადების შემდეგ, ქირურგი შეასრულებს ოპერაციას თმის გადანერგვის იმ ტექნიკის გამოყენებით, რომელიც წინასაოპერაციო ეტაპზე ექსპერტების მიერ შეირჩა როგორც თქვენთვის საუკეთესო არჩევანი. ოპერაციის დასრულების შემდეგ, თქვენ შეიძლება იმავე დღეს გაეწეროთ საავადმყოფოდან. აჯიბადემის თმის გადანერგვის ცენტრის გამოცდილი სამედიცინო პერსონალი უზრუნველყოფს თქვენთვის საჭირო, ოპერაციის შემდგომ მოვლას, მაქსიმალური ყურადღებით თქვენს კეთილდღეობაზე. საჭიროების შემთხვევაში, შესაძლებელია დამატებითი ვიზიტის დაგეგმვაც, რათა შეამოწმოთ თქვენი მკურნალობის მიმდინარეობა მომდევნო ორი დღის განმავლობაში. თქვენს შემთხვევაში გამოყენებული ტექნიკის მიუხედავად, თქვენ შეძლებთ დაუბრუნდეთ თქვენს ყოველდღიურ ცხოვრებას ერთ კვირაზე ნაკლებ დროში და ერთ თვეში თითქმის სრულად განიკურნებით.

ხშირად დასმული კითხვები

• თმის გადანერგვა მუდმივია?

გადანერგვის ოპერაციისთვის შერჩეული თმის დონორი ადგილები შეიცავს თმის უძლიერეს ფოლიკულებს. ამ მიზეზით, თქვენ არ დაკარგავთ თმას იმ ნაწილზე, სადაც თმის გადანერგვის ოპერაცია ჩატარდა. თქვენი გადანერგილი თმა თითქმის ყველა შემთხვევაში მუდმივი იქნება.

• თმის გადანერგვის რომელი მეთოდია ჩემთვის შესაფერისი?

თმის გადანერგვის მეთოდის შესახებ დასკვნის გაკეთება საჭირო ანალიზებისა და წინასწარი გამოკვლევის გარეშე შეუძლებელია. თმის გადანერგვის სფეროში მომუშავე წამყვან სამედიცინო ექსპერტებს საშუალება ექნებათ დაადგინონ თქვენთვის შესაფერისი ტექნიკა აჯიბადემის თმის გადანერგვის ცენტრში წინასაოპერაციო პერიოდის დროს.

• საჭიროა თუ არა თმის გადანერგვისთვის ანესთეზია?

დიახ, ოპერაციის დაწყებამდე ანესთეზიოლოგების დახმარებით თქვენს სკალპზე გაკეთდება ადგილობრივი ანესთეზია. თქვენ მთელი პროცედურის მანძილზე სრულიად ფხიზლად იქნებით; ამასთან, თქვენ ვერ იგრძნობთ ვერაფერს თავის იმ ნაწილზე სადაც ოპერაცია ჩაგიტარდებათ ოპერაციის დროს და მის შემდეგ გარკვეული პერიოდის განმავლობაში.

• უნდა გავიპარსო თავი თმის გადანერგვამდე?

უმეტეს შემთხვევაში, პასუხი დადებითია. ამასთან, თქვენ არ გჭირდებათ რაიმეს გაკეთება კლინიკაში მისვლამდე, რადგან საჭიროების შემთხვევაში ქირურგიულ ჩარევამდე ადგილზე გადაგპარსავენ თავს.

• ხდება თუ არა თმის ხელახალი ზრდა დონორ ზონაში?

ტექნიკურად, რადგან თმის ფოლიკულები ამოღებულია დონორის მიდამოდან, ისინი აღარ გაიზრდებიან. თუმცა, FUE და DHI მეთოდებში ინდივიდუალური თმის გრაფტების შერჩევის მოწინავე ტექნიკის წყალობით, შეუძლებელი იქნება დონორ ზონაში თმის არარსებობის შემჩნევა მას შემდეგ, რაც თქვენ სრულყოფილად გაივლით რეაბილიტაციას. უნდა გაითვალისწინოთ, რომ იგივე რამ არ ვრცელდება FUT მეთოდით თმის გადანერგვისას.