გულის მკურნალობა

გულის მკურნალობა

გულსისხლძარღვთა დაავადებები სიკვდილიანობის გამომწვევ მიზეზთა შორის ერთ-ერთი პირველია და მათი დიაგნოსტიკა და მკურნალობა უნდა ხდებოდეს გამოცდილი ექიმების მიერ, სრულად უახლესი სამედიცინო ტექნოლოგიებით აღჭურვილ საავადმყოფოებში.

აჯიბადემის ჯანმრთელობის დაცვის ჯგუფის გულის ცენტრები (Heart Care Centers) თურქეთში ყველაზე მაღალი დონის კარდიოლოგიურ მკურნალობას გვთავაზობენ. გულ-სისხლძარღვთა დაავადებების დიაგნოსტიკისა და  მკურნალობისთვის აჯიბადემი იყენებს უახლეს ტექნოლოგიურ აღჭურვილობას.

ადრეული დიაგნოსტიკის სასიცოცხლო მნიშვნელობის გათვალისწინებით,  აჯიბადემის გულის ცენტრები, განსაკუთრებულ მნიშვნელობას ანიჭებენ ახალი ტექნოლოგიების დიაგნოსტიკური აპარატურის გამოყენებას. ცენტრებში დანერგილია დიაგნოსტიკური აპარატურა-2×64 ორმაგ წყაროიანი კომპიუტერული ტომოგრაფია (2×64 Cross-Section Dual Source Computerized Tomography), რომელსაც ექვს წამში გულის ანგიოგრაფიის ჩატარება შეუძლია, PET CT, რომელიც გულის დეტალურ ვიზუალიზაციას იძლევა და Flash CT. Flash CT მსოფლიოში ტომოგრაფიის ყველაზე სწრაფი ინსტრუმენტია, რომელიც გულის ანგიოგრაფიას 0,25 წამში აკეთებს და ყველაზე დაბალი დასხივების ხარისხით ხასიათდება.

სამედიცინო წარმატების ინდიკატორები

2002 წლიდან, აჯიბადემის ჯანმრთელობის დაცვის ჯგუფი თავისი სამედიცინო და ადმინისტრაციული მუშაობის შემოწმებას ახდენს წარმატებულად შესრულების ინდიკატორების საშუალებით. უმთავრესი პრიორიტეტებია პაციენტთა უსაფრთხოება და კმაყოფილება. აჯიბადემი განიხილავს გულის და სხვა მიმართულებებში მიღებულ მაჩვენებლებს, როგორც ინსტრუქციას პაციენტების უკეთესი მომსახურების უზრუნველსაყოფად.

– “Euroscore” კრიტერიუმებით გულის ღია ქირურგიაში სიკვდილიანობის მოსალოდნელი მაჩვენებელია 3.8%, ხოლო აჯიბადემში იგი შეადგენს 1.6%.

– “Euroscore” კრიტერიუმებით, გულის შუნტირების ოპერაციისას სიკვდილიანობის მოსალოდნელი მაჩვენებელია 2.7%, ხოლო აჯიბადემში იგი შეადგენს 1.0%.

რა არის Euroscore?

ხანდაზმული ადამიანების, დიაბეტით დაავადებულთა, გულის შეტევების მქონე, გულის ოპერაციის და გულის შეკუმშვა ან გაფართოება, თირკმლების, ღვიძლის და ფილტვების დისფუნქციის მქონე პაციენტების ქირურგიული ოპერაციები მაღალი რისკის ოპერაციებად ითვლება. არსებობს რისკების შეფასების მრავალი სკალა, რომლებიც ითვალისწინებენ პაციენტის ობიექტური გასინჯვის მონაცემებს და გამოთვლიან რამდენად დიდია რისკი. “Euroscore” არის ამგვარი შეფასების ყველაზე ფართოდ გამოყენებადი ქულების სისტემა.

კომპლექსური კარდიოლოგიური მკურნალობა ACIBADEM Health Care Centers-ში

Acibadem უზრუნველყოფს თანამედროვე დიაგნოსტიკის და მკურნალობის მაღალ სტანდარტს გულ-სისხლძარღვთა დაავადებების მქონე ზრდასრული და პედიატრიული პაციენტებისთვის.

ზრდასრულთა გულის დაავადებები

კორონარული არტერიების დაავადება

კორონარული არტერიების დაავადება გულის ყველაზე ხშირი დაავადებაა. ჯანმრთელ კორონარულ არტერიებში სისხლი თავისუფლად მოძრაობს და გულს მისთვის საჭირო ჟანგბადით მდიდარი სისხლით ამარაგებს.

ქოლესტერინის და არტერიული წნევის მაღალმა მაჩვენებლებმა, ასევე თამბაქოს მოწევამ შეიძლება დააზიანონ არტერიების შიგნითა ზედაპირი, გამოიწვიონ ათეროსკლეროზული ფოლაქის ზრდა (ფიბრინული საცობის ფორმირება) და დააბრკოლონ სისხლის მოძრაობა. ეს სიტუაცია მიუთითებს გულის კორონარული არტერიების (გულის იშემიური) დაავადების დაწყებაზე.

რაც უფრო მეტად იზრდება ათეროსკლეროზული ფოლაქი, მით უფრო ვიწროვდება არტერია და მცირდება გულისთვის სისხლის მიწოდება. ამის შედეგად გულს ჟანგბადი აკლდება და ვითარდება ტკივილი გულმკერდში.

თუ შევიწროებული არტერია მთლიანად გადაიკეტა სისხლის კოლტებით, ვითარდება გულის შეტევა (მიოკარდიუმის ინფარქტი). ჟანგბადით მდიდარი სისხლის ნაკლებობა იწვევს გულის კუნთის შეუქცევად დაზიანებას.

გულის შეტევა

გულის შეტევა ვითარდება კორონარული არტერიების ან მათი რომელიმე ტოტის დახშობისას. შედეგია გულის კუნთის შეუქცევადი დაზიანება ან ფატალური გულის შეტევა. კორონარული არტერიების დაავადების ყველაზე სერიოზული გამოვლინება სწორედ გულის შეტევაა.

გულის შეტევების რისკს ზრდის ორი ფაქტორი: „არამოდიფიცირებადი რისკები“ და „მოდიფიცირებადი რისკები“. არამოდიფიცირებადი რისკებია გენეტიკა, ასაკი და მამრობითი სქესი. მამაკაცები და ახალგაზრდა ასაკში გულის შეტევების ოჯახური ისტორიის მქონე პირები უფრო მაღალი რისკის ქვეშ იმყოფებიან. რისკი ასევე იზრდება ასაკის მატებასთან ერთად.

მეორე ჯგუფია „მოდიფიცირებადი რისკები“. ამ ფაქტორების შემცირება დამოკიდებულია პიროვნების ძალისხმევაზე. მოწევა, მაღალი არტერიული წნევა (ჰიპერტენზია), დიაბეტი, სისხლში ცხიმების მაღალი დონე, ჭარბი წონა ამ ჯგუფის რისკის ფაქტორებია.

გულის შეტევის პირველი ნიშანია ტკივილი გულმკერდში. კლასიკურ შემთხვევაში ტკივილი ძლიერი და მოჭერითი ხასიათისაა. კრიტიკულად დიდი მნიშვნელობა აქვს ადრეულ მკურნალობას, ამიტომ გულის შეტევის სიმპტომების დაწყებისთანავე  პაციენტმა დროის დაკარგვის გარეშე  უნდა მიმართოს სამედიცინო დაწესებულებას.

გულის სარქვლოვანი დაავადებები

გულს აქვს ოთხი სარქველი, რომლებიც გამუდმებით იღება და იხურება. მათი არაადექვატური გაღება და დახურვა იწვევს გულის სარქვლოვან დაავადებას.

გულის სარქვლოვანი დაავადება შეიძლება იყოს თანდაყოლილი, ან განვითარდეს ბავშვობაში რევმატიზმის შედეგად და ხანდაზმულობაში კალციფიკაციის შედეგად.

ჩივილები დამოკიდებულია იმაზე, თუ რომელი სარქველია დაზიანებული. ჩივილების მომატების პარალელურად სიმპტომებიც მატულობს. ჩვეულებრივ ეს არის საერთო სისუსტე, ადვილად დაღლა, გულის ფრიალი, ქოშინი, ფეხების შეშუპება, რაც სხეულში სითხის დაგროვების ნიშანია.

ჩივილების გამოჩენამდე, გულის სარქვლოვანი დაავადება შეიძლება აღმოჩენილი იქნას პროფილაქტიკური გასინჯვის დროს, თუ ექიმი მოისმენს გულის შუილს. დიაგნოზის დასმა შესაძლებელია სპეციალური სადიაგნოსტიკო ტექნიკით, როგორიცაა: ელექტროკარდიოგრაფია, გულმკერდის რენტგენი, ექოკარდიოგრაფია და გულის კათეტერიზაცია.

არითმია

არითმია არის გულის რითმული მუშაობის დარღვევა. მიუხედავად იმისა, რომ არითმია ჩვეულებრივ აღენიშნება გულის პრობლემების მქონე პაციენტებს, ის შეიძლება ასევე ჰქონდეს ადამიანს რომელსაც არ აქვს გულის პრობლემები.

ადამიანმა შეიძლება არ იცოდეს, რომ არითმია აქვს და იგებს ამას მხოლოდ პროფილაქტიკური გასინჯვისას ან სხვა მიზეზით გადაღებული ელექტროკარდიოგრაფიის შედეგად. პაციენტთა უმეტესი ნაწილი მიმართავს ექიმს შემდეგი ჩივილებით: გახშირებული გულის ცემა, არა რითმული გულისცემა, გულმკერდში უსიამოვნო შეგრძნებები, სიცარიელის შეგრძნება, სუნთქვის უკმარისობის შეგრძნება, თავბრუსხვევა, გულისწასვლა, ქოშინი.

ენდოკარდიტი

ენდოკარდიტი არის მიკრობებით გამოწვეული გულის შიდა გარსის ანთება, რომელიც ასევე გულის სარქველებს მოიცავს. სიმპტომები ვარირებს იმის მიხედვით, თუ გულის რა ნაწილია დაზიანებული და რომელია ბაქტერიაა გამომწვევი.

პაციენტებს სულ მცირე 4-6 კვირის მანძილზე უტარდებათ ინტრავენური მკურნალობა ანტიბიოტიკებით. ოპერაცია ხდება საჭირო თუ ენდოკარდიტმა გულის უკმარისობა გამოიწვია, ან საჭიროა სისხლის კოლტების გამოდევნა.

ენდოკარდიტის გადაუდებელი აუცილებელია. განსაკუთრებულ  მეთვალყურეობას საჭიროებენ  პაციენტები, რომლებსაც გულის  სხვა დაავადებაც აღენიშნებათ.

კარდიომიოპათიები (გულის კუნთის დაავადებები)

ჯანდაცვის მსოფლიო ორგანიზაციის (World Health Organization (WHO) 1995 წლის განსაზღვრების თანახმად, კარდიომიოპათიები გულის კუნთის დაავადებებია, რომლებიც იწვევენ გულის ფუნქციის დარღვევას. გამოყოფენ კარდიომიოპათიების ოთხ ჯგუფს:

  1. დილატაციური კარდიომიოპათია
  2. ჰიპერტროფიული კარდიომიოპათია
  3. რესტრიქციული კარდიომიოპათია
  4. არითმოგენული მარჯვენაპარკუჭოვანი კარდიომიოპათია

კარდიომიოპათია შეიძლება ბევრი მიზეზით იყოს გამოწვეული, მათ შორის კორონარული არტერიების დაავადება, გულის სარქვლის დაავადება, ჰიპერტენზია, სისტემური ინფექციები, მეტაბოლური სისტემის დაავადებები, გენეტიკური ფაქტორები და სხვადასხვა სახის მოწამვლა.

როდესაც მედიკამენტებით და ინტერვენციული მკურნალობა შეუძლებელია, შესაძლებელია ქირურგიული ჩარევა.

სისხლძარღვთა ძირითადი დაავადებები

მუცლის აორტის ანევრიზმები: გულიდან გამომავალი აორტის კედლის დაზიანება იწვევს მისი მუცლის ნაწილის გაგანიერებას 1.5-ჯერ. ეს უფრო ხშირად ასაკოვან მამაკაცებს აღენიშნებათ. ყოველი 10 000 ადამიანიდან 2-3-ს აღენიშნება ამგვარი პრობლემა.

მუცლის აორტის ანევრიზმის განვითარების რისკი მეტია შემდეგი ფაქტორებისას: მოწევა, ანევრიზმების ოჯახური ანამნეზი, ხანდაზმული ასაკი და სიმაღლე, ბლოკირებული არტერიები, ქოლესტერინის მაღალი დონე, ფილტვების ქრონიკული დაავადებები და ჰიპერტენზია.

უფრო ხშირად მუცლის აორტის ანევრიზმა უსიმპტომოდ მიმდინარეობს. დაავადების აღმოჩენა ჩვეულებრივ ხდება, როდესაც ადამიანი სხვა მიზეზით მიმართავს ექიმს. პაციენტთა დაახლოებით 25%-ს შესაძლოა ჰქონდეს მუცლის მუდმივი ან გარდამავალი ტკივილი.

გულმკერდის აორტის ანევრიზმა: ეს ანევრიზმები აორტის გულმკერდის ნაწილზე ყალიბდება. დაახლოებით 4 სმ-იან ადგილობრივ გაგანიერებას ანევრიზმა ეწოდება. გულმკერდის აორტის ანევრიზმის მქონე პაციენტთა 1-1.5% 65 წლის და უფროსი ასაკისაა.

65 წლის და მეტი ასაკის პაციენტები უფრო მიდრეკილი არიან დაავადებისადმი. გულმკერდის აორტის ანევრიზმა შეიძლება განპირობებული იყოს შემდეგი ფაქტორებით: აორტის დისექცია, ანევრიზმების ოჯახური ანამნეზი, შემაერთებელი ქსოვილის დაავადებები (მარფანის სინდრომი), ტრავმა და ინფექციები.

ჩვეულებრივ გულმკერდის აორტის ანევრიზმა უსიმპტომოა. დიდმა ანევრიზმამ შეიძლება გამოიწვიოს გულმკერდის, მუცლის ან ზურგის ტკივილი. ჩივილები ჰგავს გულის შეტევას. სხვა სიმპტომებს შორის შეიძლება იყოს: ქოშინი, ყლაპვის გაძნელება, ხველა ან ღებინება, სისხლდენა. ამ სიმპტომების უეცარი დაწყება შეიძლება გამოწვეული იყოს ისეთი გადაუდებელი მდგომარეობით, როგორიცაა აორტის გასკდომა.

დისექცია: აორტის დისექცია ნიშნავს აორტის შიგნითა კედლის აშრევებას. კლინიკური პროგრესი დამოკიდებულია აშრევების ლოკალიზაციაზე.

პაციენტთა უმრავლესობაში ამ მდგომარეობას იწვევს ჰიპერტენზია, თუმცა შესაძლოა იყოს სხვა გამომწვევი მიზეზებიც, როგორიცაა აორტის ანევრიზმა, შემაერთებელი ქსოვილის დაავადებები, აორტის სტენოზი, აორტის კოარქტაცია და აორტასთან დაკავშირებული სხვა სამედიცინო პროცედურები. სიმპტომები ხშირად იწყება უეცარი ძლიერი ტკივილით გულმკერდსა და ზურგში, რომელსაც  ამსგავსებენ  ხოლმე დანის ჩარტყმას. მას შეიძლება ახლდეს გაოფლიანება, შემცივნება, გულისრევა და ღებინება.

პერიფერიული ემბოლიზმი: პერიფერიული სისხლძარღვთა დაავადება (PVD) ეწოდება გულის მომმარაგებელი, კორონარული სისხლძარღვების გარდა სხვა სისხლძართვების შევიწროებას. შევიწროება იმდენად განვითარებულია ხოლმე, რომ ორგანოებს საკმარისი სისხლი ვერ მიეწოდება.

რისკის ფაქტორებს შორისაა: ხანგრძლივი ჰიპერტენზია, ლიპიდების ცვლის ხანგრძლივი დარღვევა, ათეროსკლეროზი (სისხლძარღვთა გამკვრივება) ოჯახში, ჩიყვი, არასაკმარისი ფიზიკური აქტივობა, ნიკოტინის მოხმარება.

ყველაზე ხშირი ჩივილია ტკივილი. ტკივილი შეიძლება იყოს სხვადასხვა ხასიათის, ის შეიძლება დაიწყოს გარკვეული მანძილის გავლის შემდეგ. რაც უფრო მატულობს შევიწროების ხარისხი, მით უფრო მოკლდება ეს მანძილი. პაციენტი ჩვეულებრივ გრძნობს ამ ტკივილს, როგორც სპაზმს. 2-5 წუთიანი დასვენების შემდეგ ტკივილი ქრება.

ვენების შევიწროება (ვენური თრომბოზი): ვენების მცირე შევიწროებამ პატარა თრომბის გამო, შესაძლოა სიმპტომები არ გამოიწვიოს. მიუხედავად ამისა, უმცირესი თრომბიც კი შეიძლება სიცოცხლისთვის საშიში გახდეს იმის მიხედვით, თუ სად მდებარეობს იგი. თუ პაციენტი არ რეაგირებს კონსერვატიულ მკურნალობაზე, თუ ადგილი აქვს განგრენის რისკს ან ფართო პულმონურ ემბოლიზმსგამოიყენება ქირურგიული ჩარევა.

ვარიკოზული ვენები

ვარიკოზული ვენები არის ფეხის გაფართოებული, დაგრძელებული და დაკლაკნილი ვენები. ისინი აღმოსავლეთის მოსახლეობის 10-20%-ს აღენიშნება. ვარიკოზის ალბათობა იზრდება ასაკის მატების პროპორციულად. 50 წელზე უფროსი ასაკის ყოველ მეორე ადამიანს აღენიშნება ვენების ვარიკოზი.

არსებობს ვარიკოზული ვენების 4 ტიპი:

ობობას ქსელი: ვენები კანში ზედაპირულად არის განლაგებული. მათი დიამეტრი 1 მმ. ან ნაკლებია, ისინი შეხებით არ შეიგრძნობა და ჩვეულებრივ წითელი ფერისაა. მათ აქვთ ვარსკვლავისებური ან ობობას ქსელის მსგავსი ფორმა და შეიძლება მოიცვან მთელი ფეხი.

რეტიკულური ვარიკოზი: ამ ტიპის ვარიკოზის შეგრძნება ძნელია. ამ დროს კანში განლაგებული ვენა მსუბუქად შეშუპებულია, აქვს 4 მმ-ზე ნაკლები დიამეტრი და არის ლურჯი ფერის.

დიდი ვენების ვარიკოზი (საფენას ვენის ვარიკოზი) არის ისეთი ვარიკოზული ვენები, რომლებიც კარგად ისინჯება და კარგად ჩანს, რადგან დიდ მარყუჟებს ქმნიან დიდი და მცირე საფენას ვენების გასწვრივ. მათი დიამეტრი 3 მმ-ზე ნაკლებია. კანქვეშ გავლისას ისინი ჩვეულებრივ არ ცვლიან კანის ფერს და მხოლოდ მომწვანო ვენის სახით მოჩანან. გაგანიერება შესამჩნევი ხდება  ფეხზე დგომისას და ქრება დაწოლისას, ან ფეხის აწევისას.

ღრმა დიდი ვენების ვარიკოზი: ისინი მდებარეობს ფეხის ღრმა ქსოვილებში და გარეგანი დათვალიერებისას არ ჩანან, თუმცა იწვევენ შეშუპებას და ფეხში სისხლის მიმოქცევის დარღვევას. უფრო ხშირია ქალებში, ვიდრე მამაკაცებში და ასევე ვარიკოზული ვენების ოჯახური ანამნეზის მქონე პირებში. ვარიკოზული ვენები ასევე ვითარდება ჭარბი წონის, სიბერის, ორსულობის, მენოპაუზის, ხანგრძლივი ფეხზე დგომის და ღრმა ვენების შევიწროებისა და სარქვლების დისფუნქციის შედეგად.

ვენების ვარიკოზის ზუსტი მიზეზი უცნობია. პირველადი მიზეზი არის ვენის გაგანიერება ვენის კედლის სტრუქტურული ცვლილებების გამო. ეს იწვევს სარქვლების ფუნქციის დარღვევას და სისხლის უკუღმა დინებას. ამგვარი დინება ართულებს სისხლის გულში დაბრუნებას და თანდათან ზრდის ვენის შიდა წნევას. წნევის მომატება ვენას კიდევ უფრო აგანიერებს და ამგვარად იკვრება მანკიერი წრე.

არსებობს ვენების ვარიკოზის უფრო იშვიათი გამომწვევი მიზეზები. თუ  ღრმა ვენები შევიწროებულია, მთელი დატვირთვა მოდის ზედაპირულ ვენებზე, რომლებიც ჩვეულებრივ ფეხში სისხლის 10%-ს ატარებს და ამ შემთხვევაში უზრუნველყოფს ფეხში ვენური სისხლის სრულ დაბრუნებას. შედეგად მათი დიამეტრი იზრდება და ფორმირდება ვარიკოზი.

გულის თანდაყოლილი დაავადებები მუცლადყოფნის პერიოდში განვითარებული ანომალიებიდან ერთ-ერთი ყველაზე ხშირია. ნეონატალური პერიოდის პირველი 30 დღის სიკვდილიანობის 15% გულის თანდაყოლილ დაავადებებზე მოდის.

ათასიდან რვა ბავშვი იბადება გულის თანდაყოლილი დაავადებით. ეს ცოცხლად დაბადებულთა 1%-ის ექვივალენტურია.

არსებობს ბავშვთა გულის დაავადებების ფართო სპექტრი. სპეციალისტები პრენატალური პერიოდის კარდიოლოგიურ დაავადებებს სამ კატეგორიად ყოფენ:

გულის თანდაყოლილი დაავადებები
გულის რევმატიული დაავადებები
გულის რითმის გამტარებლობის დარღვევა

გულის თანდაყოლილი დაავადებები

გულის თანდაყოლილი დაავადებები ახალშობილთა შორის გავრცელებული დაავადებებიდან ერთ-ერთი ყველაზე ხშირია. ეს დაავადებები ვითარდება ნაყოფის მუცლად ყოფნისას. არსებობს მათი ასობით ნაირსახეობა, რომელთაგან ზოგიერთი მსუბუქია, ხოლო ზოგიერთი ძალიან მძიმე.

გულის რითმის გამტარებლობის დარღვევა

ეს არის  გულის ელექტრული სისტემის დისფუნქცია, რომელიც ვლინდება არანორმალურად ნელი, არარეგულარული ან აჩქარებული რითმით. მიუხედავად იმისა, რომ რითმის დარღვევა უფრო ხშირად ზრდასრულებში გვხვდება, იგი ხშირია ასევე გულის თანდაყოლილი დაავადების მქონე ბავშვებში, გულზე ოპერაციების შემდეგ ან აშკარა მიზეზის გარეშე. ასევე შესაძლებელია აღინიშნოს უფრი იშვიათი დარღვევები, როგორიცაა გულის კუნთის და გარსების დაავადებები – კარდიომიოპათია, პერიკარდიტი და ენდოკარდიტი.

გულის რევმატიული დაავადებები

რევმატიზმი არის დაავადება, რომელიც ქმნის პრობლემებს წარმოშობის ორგანოებში. ყველაზე ხშირად იგი იწყება ყელიდან. ვირუსები სახელად „ჰემოლიზური სტრეპტოკოკი“ ჩაიბუდებს ყელში და აინფიცირებს მას. ამ ვირუსმა ასევე შეიძლება  დააინფიციროს გული და გამოიწვიოს მისი დეფორმაცია, კონსტრიქცია ან გულის სარქვლების დისფუნქცია.

გულის ყველაზე ხშირი თანდაყოლილი დაავადებების დიაგნოსტიკა და მკურნალობა

ახალშობილთა გულის თანდაყოლილი დაავადება შეიძლება იყოს იმდენად მსუბუქი, რომ არ საჭიროებდეს მკურნალობას და შეიძლება იყოს იმდენად მძიმე, რომ სიცოცხლეს საფრთხეს უქმნიდეს. ამგვარი მძიმე დაავადების დიაგნოსტირება ჩვეულებრივ ჩვილ ასაკშივე ხდება. მძიმე ანომალიების შემთხვევებშიც კი ქირურგიული ჩარევა ხშირად მდგომარეობის გამოსწორებას წარმატებით ახორციელებს.

დიაგნოსტიკის მეთოდები

გულის მძიმე თანდაყოლილი დაავადებები ჩვეულებრივ ახალშობილობის და ჩვილობის ასაკშივე დიაგნოსტირდება, განსაკუთრებით თუ დაბადებისთანავე ბავშვს მძიმე სიმპტომები აღენიშნება. ხშირად დიაგნოზი მოგვიანებით, ბავშვობაში, ან მხოლოდ ზრდასრული ასაკის მიღწევის შემდეგ კეთდება. ასე ხდება, როდესაც თანდაყოლილი ანომალია ძალიან მცირეა. ზოგიერთ შემთხვევაში ანომალია მთელი ცხოვრების მანძილზე არანაირად არ მჟღავნდება.

ბავშვის გასინჯვის შემდეგ, ზუსტი დიაგნოზის გასაკეთებლად, ბავშვთა კარდიოლოგის მოთხოვნით კეთდება პაციენტის ანალიზები.

ელექტროკარდიოგრაფია (ეკგ) მეთოდია, რომელიც არეგისტრირებს ბავშვის გულისცემის სუსტ ელექტრულ იმპულსებს და ეკგ ქაღალდზე იწერს მათ. გამოკვლევა უმტკივნეულოა, რადგან არანაირი დენით ზემოქმედება ბავშვზე არ ხდება.

კარდიოლოგი იღებს ინფორმაციას ბავშვის გულის და ფილტვების ზომებისა და ფორმის შესახებ გულმკერდის რენტგენოლოგიური გამოკვლევის საშუალებით. ამ დროს გამოყენებული დასხივება დაბალი დოზისაა, არ აქვს გვერდითი მოვლენები და ბავშვს ზიანს არ აყენებს.

ექოკარდიოგრაფიული გამოკვლევა საშუალებას იძლევა გულმკერდის გარედან, ულტრაბგერის საშუალებით, მიღებული იქნას ცოცხალი გამოსახულებები. გულის შიგნით და სისხლძარღვებში სისხლის ნაკადის გაზომვა ხდება დოპლერის ტექნიკით. ამ ორი ტექნიკის საშუალებით კარდიოლოგი იღებს ინფორმაციას გულის სტრუქტურის და ფუნქციის შესახებ. გულის პათოლოგიათა უმრავლესობა გამოკვლევის ამ მეთოდით დიაგნოსტირდება.

ნაყოფის ელექტროკარდიოგრაფია არის ულტრასონოგრაფიის მსგავსი მეთოდი, რომელიც ორსულობის მე-16 კვირიდან გამოიყენება. იგი არც ბავშვს და არც დედას ზიანს არ აყენებს. იგი საშუალებას იძლევა შევისწავლოთ ნაყოფის გულისა და გულის სისხლძარღვების მდგომარეობა და ფუნქცია და გულის ანომალიები უკვე დაბადებამდე გამოვავლინოთ.

გულის კათეტერიზაცია-ანგიოგრაფია არის გამოკვლევის თანამედროვე მეთოდი, რომელიც ტარდება მაღალტექნოლოგიური რენტგენის აპარატის გამოყენებით. ამ შემთხვევაში წვრილი მილი (კათეტერი) შეყავთ აორტაში ან ვენაში საზარდულის უბნიდან და მიაქვთ იგი გულამდე.

დატვირთვის ტესტის დროს ელექტროკარდიოგრაფია ტარდება ბავშვის სარბენ ბილიკზე სწრაფი ნაბიჯით სიარულისას.

გულის ელექტროფიზიოლოგია: თანდაყოლილმა დაავადებებმა ან გულზე ოპერაციამ შეიძლება ზოგჯერ გულის რითმის დარღვევა გამოიწვიონ. ამგვარი დარღვევის მიზეზი და ტიპი დგინდება სპეციალური გამოკვლევით, რომელიც გულის კათეტერიზაციას ჰგავს და ეწოდება გულის ელექტროფიზიოლოგია. ეს საშუალებას იძლევა არითმიის გამომწვევი მიზეზის და გამტარი გზის ანომალიის მკურნალობა მოხდეს აბლაციის მეთოდით (კაუტერიზაცია რადიოსიხშირული ტალღებით).

გულის მაგნიტურ-რეზონანსული ტომოგრაფია (MRI): ზოგიერთ შემთხვევაში გულის დაავადების დიაგნოსტირება ზემოთ ჩამოთვლილი მეთოდებით ვერ ხდება. ამ დროს იყენებენ MRI-ს ან MRI-ანგიოგრაფიას, რომელიც შეიძლება უფრო ზუსტი დიაგნოსტირებისთვის გახდეს საჭირო. ეს მეთოდი სარწმუნო ინფორმაციას იძლევა გულთან და ფილტვებთან დაკავშირებული ძირითადი ვენების სტრუქტურის შესახებ.

მკურნალობა

როგორ მკურნალობენ გულის თანდაყოლილ დაავადებებს?

გულის დაავადებების მკურნალობა  

გულის ქრონიკული უკმარისობა

რა არის ეს? როდესაც გულის ტუმბო არასაკმარისად მუშაობს, ფილტვებსა და სხვა ორგანოებში გროვდება სითხე, რომელიც შეშუპებას იწვევს. ეს მდგომარეობა ხშირად გვხვდება გულის ანომალიების დროს.

მკურნალობა: გულის კუნთის გაძლიერება ხდება წამლებით, რომლებიც შეიცავენ დიგოქსინს. ორგანიზმში დაგროვილი ჭარბი სითხის გამოსადევნად ასევე იყენებენ შარდმდენებს.

გულის რითმის დარღვევები

არსებობს გულის რითმის დარღვევის სამი სხვადასხვა ტიპი:

ტაქიკარდია: ეს არის ბავშვის ზედმეტად სწრაფი გულისცემა. ბავშვებში გულისცემა ასაკის მიხედვით ვარირებს წუთში 60-დან 150 -მდე. ზედმეტად სწრაფმა გულის ცემამ შეიძლება გამოიწვიოს გულის დაღლა. თუმცა, ტაქიკარდია ყოველთვის გულის თანდაყოლილი  დაავადების ნიშანი არ არის. გულისცემის  ნორმალიზებისთვის შეიძლება წამლების გამოყენება.

ბრადიკარდია: ეს არის ბავშვის ზედმეტად ნელი გულისცემა. მან შეიძლება გულის ტუმბოს ფუნქციონირება გააუარესოს. მიუხედავად იმისა, რომ იგი ხშირად თანდაყოლილია, იშვიათ შემთხვევებში შეიძლება ქირურგიული ჩარევის შემდეგაც განვითარდეს. ზოგიერთ შემთხვევაში საჭირო ხდება სპეციალური აპარატის (რითმის წამყვანის) იმპლანტაცია, რომელიც გულის რითმს აწესრიგებს.

არითმია: ეს არის არარეგულარული გულისცემა. იგი შეიძლება იყოს თანდაყოლილი ან განვითარდეს ქირურგიული ჩარევის შემდეგ. მისი მკურნალობა ხდება რითმის დარღვევის ტიპის შესაბამისად.

გულის დაავადებები, რომელთაც  მკურნალობენ კათეტერიზაციით

ბალონური სეპტოსტომია

ამ პროცედურით მკურნალობენ გულის გარკვეულ ანომალიებს, როგორიცაა დიდი არტერიების ტრანსპოზიცია (TGA), იმისთვის, რომ ჩვილის სიცოცხლე გაახანგრძლივონ ქირურგიულ ჩარევამდე.

ვალვულოტომია, ბალონური ანგიოპლასტიკა

ზოგჯერ გულის დავიწროებული სარქვლის და კორონარული სისხლძარღვების გაგანიერებას ახდენენ ბალონის საშუალებით, კათეტერიზაციის გზით. მიუხედავად იმისა, რომ შესაძლოა ხელახალი შევიწროება მოხდეს, მეთოდი ბავშვის გაზრდამდე დროის მოგების საშუალებას იძლევა.

კოილინგი და აპარატი-ქოლგა (Umbrella Device)

წინაგულთაშუა ძგიდის ზოგიერთი დეფექტი (ASD) და ღია არტერიული სადინარი შეიძლება ნამკურნალევი იყოს კათეტერიზაციით. ამ პროცედურისთვის აუცილებელია შესაფერისი იყოს პაციენტის ზომა და დეფექტის ლოკაცია და სიფართე.

ელექტროფიზიოლოგია და აბლაცია

ზოგიერთ შემთხვევაში რითმის დარღვევის მკურნალობა ხდება კათეტერიზაციის მეთოდით, რომელსაც ქვია „აბლაცია“. ამგვარ შემთხვევებში, პრობლემის მიზეზი უნდა დადგინდეს გულის კათეტერიზაციით (ელექტროფიზიოლოგიური კვლევა).

გულის დაავადებები, რომელთა მკურნალობა ხდება ქირურგიული გზით

  1. გულის დაავადებები ციანოზის გარეშე
    ამ პაციენტებს ჩვეულებრივ აქვთ ძგიდის დეფექტი, ვენების ან სარქვლების შევიწროება ან სხვა დარღვევა. მათ არ აქვთ ციანოზი იმიტომ, რომ სხეულში არ ხდება ვენური სისხლის ცირკულაცია. ხშირად აღინიშნება გულის უკმარისობის სიმპტომები.
    ღია არტერიული სადინარი -Patent Ductus Arteriosus (PDA)
    წინაგულთაშუა ძგიდის დეფექტი -Atrial Septal Defect (ASD)
    პარკუჭთაშუა ძგიდის დეფექტი – Ventricular Septal Defect (VSD)
    ატრიოვენტრიკულური ძგიდის დეფექტი – Atrioventricular Septal Defect (AVSD)
    აორტის სტენოზი – Aortic Stenosis (AS)
    აორტის კოარქტაცია – Aortic Coarctation (AoCoA)
  2. გულის დაავადებები, რომლებიც ვითარდება ციანოზით
    ნორმალურ მდგომარეობაში, გულიდან სხეულში გადასროლილი სისხლი არის ჟანგბადით გამდიდრებული და ალისფერი. ციანოზით განვითარებული გულის დაავადებების დროს, გულიდან გადაისროლება ჟანგბადით ღარიბი, და ამიტომ უფრო მუქი ფერის, სისხლი. ამ შემთხვევებში ბავშვის კანი ხდება მოლურჯო. ციანოზად წოდებული ამ მდგომარეობის გამოხატულების ხარისხი დამოკიდებულია პათოლოგიის ტიპზე, პაციენტის ასაკსა და ფიზიკურ აქტივობაზე.
    ფალოს ტეტრადა -Tetralogy of Fallot (TOF)
    ფილტვის არტერიის სტენოზი – Pulmonary Stenosis (PS)
    დიდი არტერიების ტრანსპოზიცია – Transposition of Great Arteries (TGA)
    სამკარიანი სარქვლის ატრეზია – Tricuspid Atresia (TA)
    ფილტვის არტერიის ატრეზია – Pulmonary Atresia (PA)
    არტერიული ღერო – Truncus Arteriosus
    ფილტვის ვენების ტოტალური ანომალური დრენაჟი – Total Anomalous Pulmonary Venous Drainage (TAPVD)
    ჰიპოპლასტიკური მარცხენა გულის სინდრომი -Hypoplastic Left-Heart Syndrome (HLHS)
×
ძიება