» თირკმლის გადანერგვა
თირკმლის გადანერგვა

თირკმლის გადანერგვა

თირკმლის უკმარისობის მქონე პაციენტებისთვის თირკმლის გადანერგვა სამკურნალო საშუალებებს შორის საუკეთესო არჩევანია. ამ მიმართულებით თურქეთში არსებული ACIBADEM Healthcare Group წარმოადგენს წამყვანი მიმართულებას თირკმლის ტრანსპლანტაციისთვის.

თირკმლის გადანერგვის ოპერაცია

თირკმლის გადანერგვა არის ოპერაცია რომელიც სრულდება თირკმლის უკმარისობის მქონე პაციენტებისთვის. ჯანმრთელ თირკმელებს მრავალი ფუნქციის შესრულება აკისრიათ, მათ შორის ნარჩენების და ტოქსინების გაფილტვრა, ერითროპოეტინის სეკრეცია, რომელიც იწვევს სისხლის წითელი უჯრედების გამომუშავებას, რენინის გამოყოფას, რომელიც ხელს უწყობს არტერიული წნევის კონტროლს ორგანიზმში და მრავალი სხვა. როდესაც თირკმელები კარგად არ მუშაობენ, ეს გავლენას ახდენს სხეულის სასიცოცხლო ფუნქციებზე და იწვევს გულის, ფილტვებისა და ძვლების პრობლემებს. თირკმლის ფუნქციის მწვავე უკმარისობა ცნობილია თირკმლის უკმარისობის ან თირკმლის უკმარისობის ტერმინალური სტადიის სახელით (ESRD). თირკმელების უკმარისობით დაავადებულ ადამიანებს სიცოცხლის შესანარჩუნებლად ესაჭიროებათ დიალიზი ან თირკმლის ტრანსპლანტაცია. დიალიზი შეიძლება იყოს სიცოცხლის გადარჩენის საშუალება, მაგრამ აპარატს არ შეუძლია შეცვალოს ჯანსაღი ორგანოს ყველა ფუნქცია. კვლევები აჩვენებს, რომ თირკმლის წარმატებული ტრანსპლანტაცია უზრუნველყოფს ცხოვრების უკეთეს ხარისხს და სიცოცხლის ხანგრძლივობას დიალიზთან შედარებით. გრძელვადიან პერსპექტივაში, ის ასევე არის დიალიზის ყველაზე ეფექტური ალტერნატივა.

თირკმლის გადანერგვის ოპერაციის დროს რეციპიენტი იღებს ჯანმრთელ ორგანოს გარდაცვლილი ან ცოცხალი თირკმლის დონორისგან. ახალი თირკმელი თავსდება მუცელლის ღრუში და უკავშირდება სისხლძარღვებს და შარდის ბუშტს. როგორც წესი, დაზიანებული თირკმელების მოცილება არ ხდება, თუ ისინი არ იწვევენ რაიმე პრობლემას. თირკმლის ტრანსპლანტაცია არის რთული ოპერაცია და წარმატების მაჩვენებელი ბევრ ფაქტორზეა დამოკიდებული, მათ შორის ტრანსპლანტაციის ცენტრისა და მისი გუნდის გამოცდილებაზე.

ცოცხალი თირკმლის დონაცია

მთელ მსოფლიოში, მიუხედავად ყველა მცდელობისა, არსებობს გარდაცვლილი დონორებისგან მიღებული ორგანოების დეფიციტი. ზოგადად, ადამიანებს შეუძლიათ იცხოვრონ ჯანსაღი ცხოვრებით თუ მათ აქვთ თუნდაც ერთი ჯანსაღი თირკმელი. აქედან გამომდინარე, ცოცხალი დონორის თირკმლის ტრანსპლანტაცია შეიძლება იყოს ალტერნატივა ზოგიერთი პაციენტისთვის რომლებიც ხანგრძლივი დროის მანძილზე ელიან მათ რიგს თირკმლის მომლოდინეთა სიაში. ჯანმრთელ ადამიანებს, რომლებსაც სურთ დაეხმარონ საყვარელ ადამიანს, შეუძლიათ აირჩიონ თირკმლის ცოცხალი დონაცია. საუკეთესო შემთხვევაში, დონორსა და მიმღებს აქვთ იგივე ტიპის ქსოვილი და თავსებადი სისხლის ჯგუფები. თუმცა, დღეს არსებობს ეფექტური გადაწყვეტილებები ცოცხალი დონორის წარმატებული ტრანსპლანტაციისთვის, მაშინაც კი, თუ დონორი არ არის ამ მხრივ თავსებადი. ზოგჯერ მიმღები-დონორების წყვილი შეიძლება დაწყვილდეს მეორე ასეთ წყვილთან და მოხდეს შემოწირული თირკმელების გაცვლა. ამას ეწოდება დაწყვილებული დონაცია ან გადანერგვა. დონაცია დაწყვილებით უზრუნველყოფს, რათა თითოეულმა მიმღებმა მიიღოს მისთვის შესაბამისი თირკმელი.

უცხოელ პაციენტებს თურქეთში მხოლოდ ცოცხალი დონორის თირკმელების გადანერგვისთვის შეუძლიათ მიმართვა. მათ უნდა ჰყავდეთ დონორი, რომელიც მზად არის გაიღოს იგი უსასყიდლოდ. დონორის კრიტერიუმები თირკმელების ცოცხალი დონორებისთვის მოითხოვს ასაკს 25 წელს ზემოთ, ახლო ნათესაობას მე-4 ხარისხამდე, ან მასზე ეთიკური კომიტეტის მიერ უნდა იყოს გაცემული თანხმობა. ცხადია ასეთი ადამიანის თირკმელები უნდა ფუნქციონირებდეს ჯანსაღად და მისი საერთო ჯანმრთელობა უნდა იყოს კარგი. აჯიბადემის თირკმლის ტრანსპლანტაციის ცენტრში დეტალური წინასაოპერაციო შეფასება ცოცხალ დონაციას უსაფრთხო პროცედურად აქცევს – დონორს არ მიეცემა უფლება გახდეს დონორი, თუ მომავალში მის ჯანმრთელობას საფრთხე ემუქრება.

თირკმლის გადანერგვის პროცედურა

ცოცხალი დონორის თირკმლის ტრანსპლანტაციის დაწყებამდე, როგორც დონორი, ასევე მიმღები გაივლიან დეტალურ ლაბორატორიულ შემოწმებას, დიაგნოსტიკურ ვიზუალიზაციას და ფიზიკურ გამოკვლევებს, რათა შეფასდეს თუ რამდენად შეესაბამებიან ზემოთხსენებულ ოპერაციას. შეფასების დასრულების შემდეგ შესაძლებელი ხდება ოპერაციის დანიშვნა. აჯიბადემის თირკმლის ტრანსპლანტაციის ცენტრში დონორებს შეუძლიათ ისარგებლონ მინიმალური ინვაზიური ქირურგიით, რომელსაც დონორის ლაპაროსკოპიული ნეფრექტომია ეწოდება. იგი სრულდება მცირე ჭრილობის მეშვეობით რათა დონორმა მოახერხოს ჯანმრთელობის სწრაფი აღდგენა. მოწინავე ქირურგიული ტექნიკა ქალბატონებში იძლევა საშუალებას რათა მათში თირკმელების ამოღება მოხდეს ერთი პორტის, ჭიპის ან სამშობიარო არხის მეშვეობით (NOTES პროცედურა). მიმღები, როგორც წესი, მიჰყავთ ინტენსიური თერაპიის განყოფილებაში, რათა მოხდეს მჭიდრო მონიტორინგი ტრანსპლანტაციის შემდეგ. თუ თირკმელი ცოცხალი დონორისგან მოდის, ის ჩვეულებრივ იწყებს მუშაობას დაუყოვნებლივ ან ოპერაციის შემდეგ მალევე.

 თირკმლის პედიატრიული გადანერგვა

თირკმლის გადანერგვა შეიძლება დასჭირდეს ნებისმიერი ასაკის ჩვილსა და ბავშვს. პედიატრიულ პაციენტებში თირკმლის უკმარისობის ყველაზე გავრცელებული მიზეზებია თანდაყოლილი ანომალიები და მემკვიდრეობითი დაავადებები. საშარდე გზების თანდაყოლილი დარღვევები, რომლებიც გავლენას ახდენენ მრავალ ორგანოზე, მნიშვნელოვან წინაღობას წარმოადგენენ ბავშვებში თირკმლის გადანერგვისთვის. მათ შეიძლება დასჭირდეთ დამატებითი ოპერაციები, როგორიცაა ღია ვეზიკოსტომია და შარდის ბუშტის გადიდება. აჯიბადემის ტრანსპლანტაციის ცენტრს აქვს დიდი გამოცდილება ახალშობილთა და  თირკმელების პედიატრიულ პაციენტებთან, მათ შორის რთული შემთხვევებისა და ღვიძლის-თირკმელის კომბინირებული ტრანსპლანტაციის ჩათვლით. ჩვენი ტრანსპლანტატის და პაციენტის სიცოცხლისუნარიანობის მაჩვენებელი პედიატრიულ თირკმლის ტრანსპლანტაციაში არის 100%.

თირკმლის ტრანსპლანტაციის შემდგომი გამოჯანმრთელების დრო

თირკმლის გადანერგვის ოპერაციის შემდეგ პაციენტებს რამდენიმე დღე უწევთ საავადმყოფოში დარჩენა  გამოჯანმრთელების მიზნით. ექიმები ყურადღებით აკვირდებიან ნებისმიერ შესაძლო გართულებას, როგორიცაა სისხლდენა ან ინფექცია. პაციენტთა უმრავლესობას გადანერგვის ოპერაციის შემდგომი დღის მომდევნო დღესვე შეუძლია სიარული. როგორც წესი, აჯიბადემის თირკმლის ტრანსპლანტაციის ცენტრის საავადმყოფოში დონორი ორი დღის განმავლობაში რჩება. ორგანოს მიმღებს კი გაწერენ შვიდი დღის შემდეგ. თირკმელ-გადანერგილ პაციენტებს შეუძლიათ რამდენიმე კვირაში დაუბრუნდნენ ჩვეულ ცხოვრებას. მათ მთელი სიცოცხლის განმავლობაში მოუწევთ იმუნოსუპრესანტების მიღება, რათა ორგანიზმმა თავიდან აიცილოს ახალი ორგანოს უარყოფა. ოპერაციიდან პირველი თვეების განმავლობაში საჭირო იქნება რეგულარული შემდგომი გამოკვლევები, რათა დარწმუნდეთ, რომ თირკმელები კარგად მუშაობენ და იმუნოსუპრესანტი პრეპარატები კარგად არის მორგებული.

თირკმლის გადანერგვის შემდგომი პერიოდი

თირკმელების ტრანსპლანტაციის შემდეგ სიცოცხლე მსგავსია თირკმელების უკმარისობამდე. თირკმლის წარმატებული ტრანსპლანტაციის შემდეგ მიმღებს არ ესაჭიროება დიალიზი, არ აქვს საკვების მნიშვნელოვანი შეზღუდვები და თავს კარგ მდგომარეობაში გრძნობს. მიუხედავად ამისა, ამ პაციენტებმა უნდა დაიცვან გარკვეული წესები გადანერგილი ორგანოს ჯანმრთელობის შესანარჩუნებლად. აქტიური ცხოვრება, ჯანსაღი ჩვევები და დიეტა დაბალი მარილისა და ცხიმის შემცველობით რეკომენდებულია მთელი ცხოვრების განმავლობაში. იმუნოსუპრესიული მედიკამენტები უნდა იქნას მიღებული ყოველ დღე დანიშნულების მიხედვით. ორგანოს უარყოფის ყველაზე გავრცელებული მიზეზი არის უარყოფის საწინააღმდეგო პრეპარატების არარეგულარული მიღება. თირკმლის ტრანსპლანტაციის უარყოფის სიმპტომები ხშირად მსუბუქია; ამიტომ, რეგულარული ტესტები და შემოწმება აუცილებელია. უმეტეს შემთხვევაში, გამოცდილ ექიმებს შეუძლიათ გაუმკლავდნენ ორგანოს უარყოფას.

რამდენ ხანს გრძელდება თირკმლის გადანერგვა?

გადანერგილ თირკმელს არ აქვს „ვადის გასვლის თარიღი.“ ზოგიერთ პაციენტში მან შეიძლება პაციენტის მთელი ცხოვრების განმავლობაში გააგრძელოს მუშაობა, ზოგს კი შესაძლოა რამდენიმე გადანერგვა დასჭირდეს მთელი ცხოვრების განმავლობაში. გადანერგილი ორგანოს სიცოცხლე დამოკიდებულია ბევრ ფაქტორზე, მათ შორის დონორისა და მიმღების ზოგად ჯანმრთელობაზე, იმაზე დონორი ცოცხალი იყო თუ გარდაცვლილი, ტრანსპლანტაციის მიზეზზე (ხანგრძლივად მიმდინარე დაავადებამ შეიძლება დააზიანოს ახალი თირკმელი ისევე, როგორც თავდაპირველი) და ა.შ. იმ შემთხვევაშიც კი, თუ გადანერგილმა თირკმელმა ვერ შეასრულა ფუნქცია, პაციენტს შეუძლია დიალიზის დაწყება ან მეორე ტრანსპლანტაცია, რომელსაც ეწოდება რეტრანსპლანტაცია.

2020 წელს საფრანგეთში მცხოვრებმა ქალმა თირკმლის გადანერგვის შემდეგ აქტიური ცხოვრების 50 წელი აღნიშნა. 1971 წელს თირკმელ-გადანერგილი მამაკაცი თვლის, რომ ის არის ერთ-ერთი ყველაზე დღეგრძელი თირკმლის ტრანსპლანტიანი პაციენტი დიდ ბრიტანეთში. 1977 წლის ივნისში თირკმელ გადანერგილი კიდევ ერთი ადამიანი ითვლება ყველაზე ხანგრძლივი დროით გადარჩენილად აზიაში. ეს მაგალითები მრავალი წლის წინ ჩატარებული გადანერგვებია. დღესდღეობით, ქირურგიული ტექნიკა და იმუნოსუპრესიული პრეპარატები ბევრად უფრო დახვეწილია და თირკმელების მიმღებებს შეუძლიათ კიდევ უკეთესი შედეგების მოლოდინი.

თირკმლის ტრანსპლანტაციის წარმატების მაჩვენებლები

თირკმლის ტრანსპლანტაციის შედეგები მკვეთრად გაუმჯობესდა ბოლო ათწლეულების განმავლობაში. ქირურგიული ტექნიკის განვითარება, იმუნური სისტემის და იმუნოსუპრესიული რეჟიმების უკეთესი გაგება და ანტიმიკრობული მკურნალობის უკეთესი ვარიანტები ხელს უწყობს თირკმლის ტრანსპლანტაციის შემდგომ პაციეტთა გადარჩენის მაღალ მაჩვენებელს. თუმცა, თირკმლის ტრანსპლანტაცია ჯერ კიდევ უაღრესად სპეციალიზებული სამედიცინო ჩარევაა. წარმატების მაჩვენებელი დიდად არის დამოკიდებული სამედიცინო ცენტრზე და გუნდზე, რომელიც პასუხისმგებელია ოპერაციაზე და გრძელვადიან დაკვირვებაზე. აჯიბადემის თირკმლის ტრანსპლანტაციის ცენტრებში ტრანსპლანტატის სიცოცხლისუნარიანობის ვადა პირველი წლის შემდეგ არის 99% , ხოლო მეხუთე წელს – 94% . პაციენტის სიცოცხლისუნარიანობის მაჩვენებელი არის შესაბამისად 99% პირველ წელს და 95% მეხუთე წელს.

თირკმლის გადანერგვა თურქეთში

თურქეთი თირკმელების ტრანსპლანტაციის მიმართულებაში გლობალური ლიდერია და იქ ყოველწლიურად კეთდება 3500-ზე მეტი თირკმლის ტრანსპლანტაცია. ვინაიდან გვამური ორგანოების დონაცია გლობალურ მოთხოვნას ვერ აკმაყოფილებს, თურქეთში თირკმლის ტრანსპლანტაციის შემთხვევების 80% ცოცხალი დონორებით ხდება. ტრანსპლანტაციის პროგრამები და წარმატების მაჩვენებლები კარგად რეგულირდება და მკაცრად კონტროლდება ჯანდაცვის სამინისტროს მიერ. ტრანსპლანტაციის ცენტრები რეგულარულად ფასდება და მათი წარმატების მაჩვენებელი 85%-ზე მეტი უნდა იყოს. ბევრი პაციენტი მთელი მსოფლიოდან უპირატესობას ანიჭებს თურქეთს ამ ქვეყანაში დაგროვილი დიდი გამოცდილების, ხელმისაწვდომი ფასისა და ტრანსპლანტაციის ცენტრების წარმატების მაღალი მაჩვენებლების გამო.

რატომ უნდა აირჩიოთ აჯიბადემი თირკმლის გადანერგვისთვის?

ჩვენი თირკმელების გადანერგვის ქირურგები წელიწადში 300-ზე მეტ ისეთ ოპერაციას ატარებენ, რომელთა წარმატების მაჩვენებელი მსოფლიოში არსებულ საშუალო მაჩვენებელზე მაღალია. აჯიბადემის თირკმლის ტრანსპლანტაციის ცენტრს ასევე შეუძლია შემოგთავაზოთ:

მოწინავე ქირურგიული ტექნიკა. მინიმალურად ინვაზიური ქირურგიული და ინოვაციური მეთოდები აუმჯობესებს კომფორტს, ამცირებს ინფექციების რისკს და იძლევა უკეთეს შედეგს.

თირკმლის დაწყვილებული დონაცია. კროსოვერის ტრანსპლანტაცია ხშირად ტარდება აჯიბადემის თირკმლის გადანერგვის ცენტრებში და სრულდება შესანიშნავი შედეგებით.

თირკმელების გადანერგვა ახალშობილებში და ბავშვებში. ჩვენს ტრანსპლანტანოლოგთა გუნდს აქვს დიდი გამოცდილება რთული შემთხვევების მართვაში.

უახლესი ტექნოლოგია. უახლესი აპარატურა ხელმისაწვდომია ჩვენს საოპერაციო ოთახებში, ინტენსიური თერაპიის განყოფილებებში და ლაბორატორიულ დაწესებულებებში.

პაციენტის განსაკუთრებული მოვლა და უცხოელ პაციენტთა მომსახურება. პირველი კონტაქტის მომენტიდან პოსტოპერაციულ გამოკვლევებამდე, საზღვარგარეთიდან ჩამოსულ პაციენტებს ხელმძღვანელობს და მხარს უჭერს ჩვენი საერთაშორისო პაციენტთა ცენტრი, რათა პაციენტებმა თავი იგრძნონ როგორც სახლში და კომფორტულად გაიარონ თირკმლის გადანერგვის პროცესის თითოეული საფეხური.

სიახლეები და სტატიები თემაზე

აჯიბადემში ყველაფერი შეუძლებელიც კი შესაძლებელია.
აჯიბადემში ყველაფერი შეუძლებელიც კი შესაძლებელია.

რა ვნებს ჩვენს თირკმელებს? მსოფლიოში, თირკმელების უკმარისობა სულ უფრო ხშირად  გვხვდება ადამიანებში. არასაკმარისი სითხის მიღება, ზედმეტად მარილიანი საკვები, ზედმეტი ცილის მიღება,  თვითმკურნალობა, წონაში მატება, სიგარეტის მოწევა და უმოძრობა – ეს მიზეზების მცირე ჩამონათვალია, რომლებიც აზიანებს ჩვენს თირკმელებს! წლიდან წლამდე იზრდება პაციენტების რაოდენობა, რომლებსაც თირკმლის უკმარისობის გამო ჭირდებათ გადანერგვა. მოულოდნელი სიკვდილიანობის გახშირებულ მიზეზებს შორის, ამ დაავადებას  […] განაგრძე კითხვა

ᲛᲙᲣᲠᲜᲐᲚᲝᲑᲐ

ᲢᲔᲥᲜᲝᲚᲝᲒᲘᲔᲑᲘ

ACIBADEM

×
ძიება