ორგანოთა ტრანსპლანტაციის ცენტრები

ორგანოთა ტრანსპლანტაციის ცენტრები

ორგანოთა გადანერგვის პირველი ექსპერიმენტების შემდეგ ას წელზე მეტი გავიდა. წარსულში გადანერგვის ექსპერიმენტები მხოლოდ ცხოველებზე ტარდებოდა. ადამიანისთვის ორგანოს გადანერგვა პირველად დაახლოებით 50 წლის წინ განხორციელდა. მედიცინისა და ჯანდაცვის მიღწევების წყალობით, ამჟამად ორგანოთა ტრანსპლანტაციამ მიაღწია დონეს, რომელიც ადამიანებს სიცოცხლეს უნარჩუნებს.

აჯიბადემის ჯანმრთელობის დაცვის ჯგუფმა (ACIBADEM Healthcare Group), რომელიც რეფერალური ცენტრია ბევრი კომპლექსური მკურნალობისთვის, ბევრ წარმატებას მიაღწია თურქეთში და პირველია ორგანოთა და ქსოვილთა გადანერგვაში. აჯიბადემში პირველად ჩატარდა თირკმლის გადანერგვა ჩვილისთვის ყველაზე დაბალი წონით; 84 წლის დონორის პირველი დონორული ნეფრექტომია; პირველი ერთპორტიანი დონორული ნეფრექტომია; პირველი დონორული ნეფრექტომია საშოდან NOTES მეთოდით; პირველი თირკმლის ტრანსპლანტაცია 85 წლის დონორისგან ტვინის სიკვდილით; პირველად განხორციელდა დედა-დონორისგან ღვიძლის ნაწილის გადანერგვა მისი 8 წლის შვილისთვის და ეს ყველაფერი ამგვარი მიღწევების მხოლოდ მცირედი ჩამონათვალია.

ორგანოთა ტრანსპლანტაციის სფეროში ყოველდღიურად დამაიმედებელი სიახლეები აღინიშნება. რეციპიენტები და დონორები, ასევე მეცნიერები და ექიმები იბრძვიან პაციენტთა უფრო ჯანმრთელი და ხანგრძლივი სიცოცხლის უზრუნველსაყოფად.

ორგანოს/ქსოვილის დისფუნქციამ ზოგჯერ მთელი ორგანიზმის მუშაობის სწრაფი გაუარესება შეიძლება გამოიწვიოს. მიუხედავად იმისა, რომ ორგანოს ფუნქციური უკმარისობის მქონე პაციენტის მკურნალობის სხვა მეთოდებიც არსებობს, ტრანსპლანტაცია საუკეთესო ალტერნატივად ითვლება თერაპიული ეფექტის, ცხოვრების ხარისხის და ხარჯეფექტურობის თვალსაზრისით.

ორგანოს/ქსოვილის გადანერგვა ნიშნავს ერთი ადამიანის სხეულიდან, ან დონორული უბნიდან ორგანოს/ქსოვილის გადატანას პაციენტის სხეულში. ორგანოს/ქსოვილის გადანერგვით ხდება დაზიანებული ან არარსებული ორგანოს ჩანაცვლება. თირკმლის უკმარისობა, ღვიძლის უკმარისობა, ფილტვების ან გულის დაავადებები, I ტიპის დიაბეტი და კიბოს ზოგიერთი სახეობა, როგორიცაა ლეიკემია, ის მდგომარეობებია, რომელთა მკურნალობა შესაძლებელია მოხდეს ორგანოს/ ქსოვილის გადანერგვით. ორგანოს/ ქსოვილის გადანერგვა შეიძლება მოხდეს იმავე ადამიანის სხეულში, რასაც ავტოტრანსპლანტაცია ეწოდება, ან სხვა ადამიანისაგან განხორციელდეს, რასაც ეწოდება ალოტრანსპლანტაცია.

დონორის ტიპის მიხედვით, ორგანოს/ქსოვილის ტრანსპლანტაცია ორ ტიპად იყოფა: ცოცხალი დონორისგან და გარდაცვლილი დონორისგან (ინტენსიური თერაპიის განყოფილებაში მყოფი პაციენტები ტვინის სიკვდილით). რადგან ადამიანს აქვს ორი თირკმელი და ერთი თირკმელი ორგანიზმის ნორმალური მუშაობისთვის სრულიად საკმარისია, ასევე ღვიძლი რეგენერაციის უნარის მქონე ორგანოა, თირკმლისა და ღვიძლის გადანერგვა შეიძლება განხორციელდეს  ცოცხალი დონორისგან.

აჯიბადემის ორგანოთა ტრანსპლანტაციის ცენტრები (ACIBADEM Organ Transplant Centers) ყურადღებას იპყრობს გამოცდილი სპეციალისტების გუნდით, უახლესი ტექნოლოგიებით და ღვიძლის წარმატებით ჩატარებული გადანერგვებით.

ერთადერთი ორგანო, რომელსაც საკუთარი თავის აღდგენა (რეგენერაცია) შეუძლია

ღვიძლი სხეულის ყველაზე რთულ და მეტაბოლურად აქტიურ ორგანოდ ითვლება. მას ფუნქციონირება შეუძლია მაშინაც კი, როდესაც მისი ქსოვილის 70% მოსაკვეთია. იმ შემთხვევაშიც კი, როდესაც დონორი გასცემს თავისი ღვიძლის ნახევარზე მეტს გადასანერგად, დარჩენილი ნაწილი აგრძელებს ფუნქციონირებას ყოველგვარი სერიოზული გართულებების გარეშე. ეს ხდება ღვიძლის რეგენერაციის უნარის წყალობით, რადგან ღვიძლი ერთადერთი ორგანოა, რომელსაც შეუძლია საკუთარი თავის აღდგენა მისი ქსოვილის ნახევარზე მეტის მოკვეთის შემდეგ.

როდის არის საჭირო ღვიძლის გადანერგვა?

პაციენტებს შეუძლიათ დიდხანს განაგრძონ ნორმალური ცხოვრება, ისეთ შემთხვევებშიც კი, თუ ადგილი აქვს ღვიძლის ალკოჰოლურ ანთებას, ან ღვიძლის ცხიმოვან დისტროფიას, ჰეპატიტს, სანაღვლე გზების ხანგრძლივ შეგუბებას და კენჭებს, გარკვეულ მეტაბოლურ დაავადებებს, სიმსივნეებს, ფერმენტების თანდაყოლილ დეფიციტს,  თუ ეს დაავადებები ნელა პროგრესირებს. მაგრამ, როგორც კი ღვიძლის უკმარისობა გამოაშკარავდება, ამან შეიძლება გამოიწვიოს ქავილი, ფილტვების შეშუპება და ასციტი, მძიმე ჰეპატიტი, სისხლდენა და ანემია.

ღვიძლის დაავადებების დამძიმებისას, შეიძლება განვითარდეს პიროვნული და ქცევითი დარღვევები. წონაში კლება, შარდვის შემცირება, დაღლილობა შეიძლება კომაშიც გადაიზარდოს.

ეს სიმპტომები მიუთითებს, რომ ღვიძლი ვერ აკმაყოფილებს ორგანიზმის მოთხოვნებს. ამ მდგომარეობას ეწოდება „ღვიძლის უკმარისობა“ და მისი მკურნალობის ერთადერთი მეთოდი ღვიძლის გადანერგვაა.

წარმატებული შედეგები ოქროს სტანდარტის „ღვიძლის ორთოტოპულ გადანერგვაში“

აჯიბადემის ორგანოთა ტრანსპლანტაციის ცენტრებში (ACIBADEM Organ Transplant Centers) ღვიძლის გადანერგვა ხდება როგორც ცოცხალი ისე გარდაცვლილი დონორისგან. ამ ოპერაციის მეთოდს, რომელიც მსოფლიოში „ოქროს სტანდარტად“ მიიჩნევა, ეწოდება ღვიძლის ორთოტოპური გადანერგვა. ამ თანამედროვე ტექნიკის თანახმად, ქირურგიული კლიპსებით ხდება ღვიძლის ქვეშ განლაგებული დიდი ვენის დაკეტვა მანამ, სანამ ხორციელდება ტრანსპლანტაცია. ამ ოპერაციის წარმატებისთვის აუცილებელია მაღალი ტექნიკური შესაძლებლობების მქონე ქირურგთა გუნდი და აპარატურა. ისევე როგორც სხვა ორგანოების შემთხვევაში, ღვიძლის გადანერგვაც უნდა განხორციელდეს მაღალტექნოლოგიური აღჭურვილობის მქონე საავადმყოფოსა და საოპერაციოში. იმ შემთხვევაში, როდესაც გადანერგვა ხდება ცოცხალი დონორისგან, რეციპიენტს გადაენერგება მისი ღვიძლის ნახევარი. შესაბამისად, ქირურგიული პროცესი ტექნიკურად ძალიან რთულია. ოპერაციის შემდეგ, დონორს შეუძლია კლინიკიდან გაეწეროს 6-7 დღეში, ხოლო ორგანოს რეციპიენტმა საავადმყოფოში 15-20 დღე უნდა დაჰყოს. გადანერგილი ღვიძლი იწყებს რეგენერაციას და სწრაფად აღწევს იმ ზომას, რომელსაც შეუძლია პაციენტის ორგანიზმის მოთხოვნები დააკმაყოფილოს.

საერთაშორისო ხარისხის ინფრასტრუქტურა

აჯიბადემის ორგანოთა ტრანსპლანტაციის ცენტრების (ACIBADEM Organ Transplant Centers) ტექნიკური ინფრასტრუქტურა შეესაბამება საერთაშორისო სტანდარტებს. ორგანოთა რეციპიენტის და დონორის პროცედურები ხდება აბსოლუტურად სტერილურ გარემოში, ლამინარული დინებით და ულტრათანამედროვე ტექნიკური აღჭურვილობით. ლაბორატორიული პროცედურები ხორციელდება ACIBADEM Labmed -ში, რომელიც არის საერთაშორისო სტანდარტების ლაბორატორია და ასევე, აჯიბადემის ჯანმრთელობის დაცვის ჯგუფის (ACIBADEM Healthcare group) წევრი.

გამოცდილი გუნდი

აჯიბადემის ორგანოთა ტრანსპლანტაციის ცენტრები (ACIBADEM Organ Transplant Centers) ღვიძლის გადანერგვისთვის ყველა აუცილებელ ტექნოლოგიას ფლობს. ღვიძლის ტრანსპლანტაციის ცენტრის დირექტორია მეცნიერებათა დოქტორი, პროფესორი რემზი ემიროღლუ (Remzi Emiroğlu), რომელმაც თურქეთში გარღვევა მოახდინა თირკმლისა და ღვიძლის გადანერგვის სფეროში. 1998 წლიდან, პროფ. ემიროღლუმ დაახლოებით 700 ღვიძლის და თირკმლის გადანერგვის ოპერაცია გააკეთა.

პროფ. ემიროღლუ და მისი გუნდი გამოცდილნი არიან, როგორც ღვიძლის დამხმარე (ორგანოს რეციპიენტის ღვიძლის სრული ამოკვეთის გარეშე), ასევე სტანდარტულ ორთოტოპიკურ გადანერგვაში. გუნდს ასევე აქვს გამოცდილება შუნტირების ყველა სახის ოპერაციაში და Sugiura პროცედურებში პაციენტებისათვის, რომლებსაც ღვიძლის ციროზის გამო სისხლდენა აღენიშნებათ. პროფ. ემიროღლუს, რომელმაც განახორციელა პირველი გადანერგვა ცოცხალი და არაცოცხალი დონორისგან ზრდასრულებში და ბავშვებში, გამოქვეყნებული აქვს ორგანოთა ტრანსპლანტაცაზე დაახლოებით 100 სამეცნიერო სტატია, რომელთაგან 85 გამოქვეყნებულია საზღვარგარეთ.

აჯიბადემის ჯანმრთელობის დაცვის ჯგუფმა (ACIBADEM Healthcare Group) თავისი პირველი ორგანოთა ტრანსპლანტაციის ცენტრი (Organ Transplant Center) გახსნა 2010 წლის ოქტომბერში. დღეს იგი წარმოდგენილია 3 ცენტრით, რომლებიც განლაგებულია სტამბოლის საერთაშორისო ჰოსპიტალში (International Hospital), აჯიბადემ ბურსას (ACIBADEM Bursa Hospital) და აჯიბადემის საუნივერსიტეტო ჰოსპიტალში (ACIBADEM University Hospital). ორგანოთა ტრანსპლანტაციის ცენტრის სპეციალისტებს ჩატარებული აქვთ 2000-ზე მეტი თირკმლის, 250 ღვიძლის და 60 პანკრეასის გადანერგვა. ცენტრებში მუშაობს ქვეყანაში საუკეთესო კლინიკური ლაბორატორიები და ინტენსიური თერაპიის განყოფილებები.

ACIBADEM-ის უპირატესობები თირკმლის გადანერგვაში

ყველაზე თანამედროვე ტექნოლოგიები და უმაღლესი ხარისხის სერვისი

ორგანოთა ტრანსპლანტაციის ცენტრებში საოპერაციოები და ინტენსიური თერაპიის პალატები აღჭურვილია უახლესი ტექნოლოგიის ინფრასტრუქტურით. სრულყოფილი ლაპარასკოპიული ტექნიკა დონორისთვის ინტენსიური თერაპიის საჭიროებას ამცირებს. თუმცა, ღვიძლის და თირკმლის ზოგიერთი რეციპიენტისთვის სრულფასოვანი ინტენსიური თერაპიის პალატის არსებობა კრიტიკულად აუცილებელია.

დონორთა დაცვის პროგრამა (ტრანსპლანტაციის შემდეგ დონორის მოვლა და მონიტორინგი) ერთ-ერთი უნიკალური სერვისია, რომელსაც International Hospital Transplant Center გთავაზობთ.

ორგანოთა ტრანსპლანტაციის ცენტრები სრულად იზიარებენ უმაღლეს მორალურ და ეთიკურ სტანდარტებს ორგანოთა დონაციის და ტრანსპლანტაციის საქმეში. ცენტრები იცავენ სტამბოლის დეკლარაციას ორგანოთა ტრეფიკინგის და ტრანსპლანტაციის ტურიზმის შესახებ ტრანსპლანტაციის საზოგადოების (The Declaration of Istanbul on Organ Trafficking and Transplantation Tourism by the Transplantation Society) და ნეფროლოგიის საერთაშორისო საზოგადოების (International Society of Nephrology) მიერ, აგრეთვე ტრანსპლანტაციის საზოგადოების (Transplantation Society) მიერ მიღებულ ამსტერდამის ფორუმის კონსენსუსის განცხადებას (Consensus Statement of the Amsterdam Forum) თირკმლის ცოცხალი დონორების მკურნალობის შესახებ.

ცენტრი შეესაბამება თურქეთის ორგანოთა და ქსოვილთა გადანერგვის საკოორდინაციო სისტემის (Turkish Organ and Tissue Transplant Coordination System) სტანდარტებს.

საერთაშორისო სტანდარტებზე დაფუძნებული ინფრასტრუქტურა

საოპერაციო ოთახები, ლაბორატორიები და ინტენსიური თერაპიის განყოფილებები ყველაზე მნიშვნელოვანია ორგანოთა გადანერგვისთვის. მაღალი ტექნოლოგიების და საერთაშორისოდ აღიარებული მაღალი ხარისხის სტანდარტების წყალობით, ორგანოთა დონორები და რეციპიენტი პაციენტები საუკეთესო სამედიცონო მომსახურებას და მოვლას იღებენ აჯიბადემის ლაბორატორიებში, ინტენსიური თერაპიის განყოფილებებში და საოპერაციო ოთახებში.

საერთაშორისო გამოცდილების მქონე სპეციალისტები ოპერაციებს ატარებენ მაღალტექნოლოგიური მეთოდების გამოყენებით. ასეთია თირკმლის ლაპარასკოპიული ამოღება საზარდულის მარტივი 5 სმ-იანი განაკვეთიდან. თანამედროვე სამედიცინო მეთოდები საშუალებას იძლევა დონორი გაეწეროს კლინიკიდან ოპერაციიდან 24 საათში, ხოლო სამუშაოს ერთ კვირაში დაუბრუნდეს. ორგანოს რეციპიენტი კლინიკას ტოვებს დაახლოებით ერთ კვირაში.

პირველად აჯიბადეში:

– პირველი ერთპორტიანი (ჭიპიდან) დონორული ნეფრექტომია თურქეთში, 2011 წელს.

– პირველი დონორული ნეფრექტომია NOTES მეთოდით (საშოდან) თურქეთში, 2011 წელს.

– პირველი ერთპორტიანი + NOTES დონორული ნეფრექტომია (საშოდან) თურქეთში, 2013 წელს.

სრულად ლაპარასკოპიული ტექნიკები

სრულად ლაპარასკოპიული ქირურგიული ოპერაციები დონორის ჰოსპიტალიზაციის ხანგრძლივობას მინიმუმამდე ამცირებენ. ეს მეთოდები, რომლებიც გამოიყენება მხოლოდ ცენტრებში ძალიან გამოცდილი და ექსპერტული ცოდნის მქონე პერსონალით, ხასიათდება ღია ქირურგიასთან შედარებით რიგი უპირატესობებით. მაგალითად, ღია ქირურგიისას საჭირო 15-20 სმ განაკვეთის მაგივრად, ლაპარასკოპია მოითხოვს 5 სმ-იან განაკვეთს. ოპერაციის დროს მუცლის ღრუში შეყავთ კამერა, რომელიც კარგ ვიზუალურ კონტროლს უზრუნველყოფს. უფრო პატარა საოპერაციო უბანი ასოცირებულია ნაკლებ ოპერაციის შემდგომ ტკივილთან და ჭრილობების გართულების ნაკლებ რისკთან. დიდი ქირურგიული ნაწიბურების არარსებობა კოსმეტიკურ უხერხულობას ამცირებს და ასევე ამცირებს თიაქრის, დაბუჟების, საოპერაციო ინფექციების და ფილტვის ემბოლიის რისკს. ლაპარასკოპიული ოპერაციის შემდეგ, დონორს შეუძლია სიარული და სითხის მიღება დაიწყოს ოპერაციის დღის საღამოსვე, მეორე დღეს გაეწეროს საავადმყოფოდან და ერთ კვირაში დაუბრუნდეს სამსახურს. რეციპიენტს შეუძლია დატოვოს საავადმყოფო დაახლოებით ერთ კვირაში.

×
ძიება