ორთოპედია & სპორტული მედიცინა

აჯიბადემის ჯანმრთელობის დაცვის ჯგუფი (ACIBADEM Healthcare Group) ულტრათანამედროვე მეთოდების გამოყენებით, სპორტული მედიცინის წამყვანი ექიმების და მკვლევარების დახმარებით, სპორტული ტრავმების შემთხვევებში ახორციელებს უმაღლესი ხარისხის სამედიცინო და ქირურგიულ მკურნალობას.

აჯიბადემის ორთოპედიისა და სპორტული მედიცინის კლინიკა (ACIBADEM Orthopedics and Sports Medicine Clinic) საუკეთესო სამედიცინო სერვისებს სთავაზობს ადგილობრივ და საერთაშორისო სპორტულ კლუბებს და ფედერაციებს, ასევე მოყვარულ და პროფესიონალ სპორტსმენებს ისეთ სფეროებში, როგორიცაა სპორტული მედიცინა, ფიზიოთერაპია და რეაბილიტაცია, ორთოპედიული ქირურგია, გულ-ფილტვის მედიცინა, სავარჯიშო ფიზიოლოგია, გამოყენებითი ბიომექანიკა და ალგოლოგია.

აჯიბადემი უზრუნველყოფს სრულ მომსახურებას, პრევენციული მკურნალობიდან პაციენტის მდგომარეობის გაუმჯობესებამდე. კლინიკა გთავაზობთ კლინიკურ დახმარებას, ცოდნას და შესაძლებლობებს რათა გაუმჯობესდეს მოყვარულთა და პროფესიონალ სპორტსმენთა სავარჯიშო და კონკურენტული პოტენციალი. კლინიკაში თითოეული პაციენტისთვის ინდივიდუალურად იგეგმება მკურნალობისა და რეაბილიტაციის მეთოდი, რაც უზრუნველყოფს პროფესიონალი სპორტსმენებისა და მოყვარულების, სწრაფ გამოჯანმრთელებას და ჩვეული საქმიანობის გაგრძელებას. საუკეთესოდ შერჩეული სავარჯიშოები და საგანმანათლებლო პროგრამები მოიცავს ფიზიკური მდგომარეობის შეფასებას და ისეთ დამხმარე სერვისებს, როგორიცაა კვება და დიეტა, ფსიქოლოგი, ფიზიოლოგი და ფიზიკური ტრენინგები/ვარჯიშები. კლინიკაში ხდება სპორტული ტრავმების მკურნალობა და სპორტსმენების პროფილაქტიკური შემოწმება.

ექსპერტული მკურნალობა და სწრაფი რეაბილიტაციის ხელშეწყობა

აჯიბადემის სპორტულ კლინიკაში (ACIBADEM Sports Clinic) მკურნალობას ატარებენ აჯიბადემის წამყვანი ექიმები და ფიზიოთერაპევტები, რომელთა პროფესიონალიზმი გარანტია იმისა, რომ სპორტსმენები მოკლე დროში ხარისხიანად და დაბრკოლების გარეშე აგრძელებენ თავიანთ საქმიანობას.

სპორტული მედიცინა

სპორტული მედიცინის დისციპლინა დაკომპლექტებულია სპორტული მედიცინის ორი თერაპევტით და ვარჯიშის ფიზიოლოგით. ექიმები კონსულტაციას უწევენ თურქეთის ფეხბურთის ეროვნული გუნდის ნაკრებსა და მსოფლიოს წამყვან გუნდებს. გარდა ფეხბურთელებისა, ჩვენი ცენტრების ექიმები კონსულტანტებად და გუნდის თერაპევტებად მუშაობენ სპორტის სხვა სახეობებშიც, როგორიცაა კალათბურთი, ფრენბურთი, ხელბურთი, ჭიდაობა, ნიჩბოსნობა და ჩოგბურთი. სპორტული მედიცინის ჩვენი გუნდი გთავაზობთ შემდეგი სახის სერვისებს:

ფეხბურთელთა სამედიცინო გამოკვლევების შეფასება; სპორტსმენთა მდგომარეობის ზუსტი დიაგნოსტიკა და აუცილებლობის შემთხვევაში, პაციენტების შესაბამის სპეციალისტებთან გადამისამართება შემდგომი გამოკვლევისთვის.

სპორტული ტრავმებისადმი მიდრეკილების დადგენა მოძრაობის ანალიზის საშუალებით და გამოყენებითი ბიომექანიკის სპეციალისტებთან თანამშრომლობით. ტრავმების და დაავადებების დიაგნოზი სხვა სამედიცინო სპეციალისტებთან თანამშრომლობით და კონსულტაციით.

პოსტ ტრავმატული ან დაავადებების რეაბილიტაციის შემდგომი პროგრამების განხორციელება და სპორტში უსაფრთხო დაბრუნების დაზღვევა მაქსიმალური ეფექტურობით.

ფიზიოლოგების, ტრენერების, მწვრთნელების მიერ სპორტსმენების ეფექტურობის  მონიტორინგი და მათი მხარდაჭერა მაქსიმალური შესრულების მისაღწევად.

სპორტსმენების განათლება დოპინგთან დაკავშირებულ ჯანმრთელობის პრობლემების და ანტი-დოპინგის საკითხებზე.

სავარჯიშო პროგრამების მორგება ზედმეტი წონისა და ცხოვრების მჯდომარე წესის წინააღმდეგ.

ვარჯიშის ფიზიოლოგია

ვარჯიშის ფიზიოლოგიის დისციპლინა ძირითადად ვრცელდება კლინიკის პაციენტისა და სტუმრის ოთხ სხვადასხვა ჯგუფზე: პირველ ჯგუფს განეკუთვნებიან ჯანმრთელი სპორტსმენები, რომლებიც იღებენ პრევენციულ ან ეფექტურობაზე ორიენტირებულ სერვისებს, როგორიცაა ეფექტურობის შეფასება, სავარჯიშო ტესტირება, კონსულტაცია და სხვა. მეორე ჯგუფში შედიან მოყვარული ან პროფესიონალი სპორტსმენები, რომლებიც რეაბილიტაციას გადიან ოპერაციის ან ტრავმის შემდეგ და აქტიურად ემზადებიან სპორტში დასაბრუნებლად; მესამე ჯგუფია ცხოვრების მჯდომარე წესის მქონე პაციენტები ან ისინი ვინც დაკავებულია სპორტული დასვენებით და იღებს დიაგნოსტიკურ და ფუნქციური შესაძლებლობების შეფასების ტესტირებას და სერვისებს ვარჯიშის დაგეგმვისთვის. ბოლო ჯგუფში შედიან ისეთი ქრონიკული დაავადების მქონე პაციენტები, როგორიცაა ჰიპერტენზია, მეტაბოლიზმის პრობლემები, დიაბეტი ან ჭარბი წონა.

კარდიოპულმონარული მედიცინა

ექოკარდიოგრაფია, ვარჯიშები და რიტმული ლაბორატორიული სერვისები და არაინვაზიური ტესტი როგორიცაა, ამბულატორიული წნევის მონიტორინგი,  ინტერვენცია–ანგიოგრაფია, კათეტერიზაცია, გულის ელექტროფიზიოლოგია, აბლაცია და სხვა – ყოველივე ეს ტარდება ACIBADEM Hospitals Group-ში. რაც შეეხება, სპორტსმენებს და განსაკუთრებით კი ფეხბურთელებს აჯიბადემი მათ სთავაზობს შემდეგ კარდიოლოგიურ მომსახურებას:

• თამაშამდე სკრინინგი; ექიმის კონსულტაცია თამაშის სეზონის დაწყებამდე, მსვლელობის და დასრულების შემდეგ;
• უკვე არსებული პრობლემის სრული სამედიცინო დიაგნოსტიკა;
• ქრონიკული დაავადების მქონე პაციენტების, რომელთაც სურთ ვარჯიში,  მდგომარეობის შეფასება; რისკის შეფასება, ვარჯიშების დაგეგმვა; ასეთი ადამიანებისთვის ვარჯიშის დონის განსაზღვრა სპორტის მედიცინის და ვარჯიშის ფიზიოლოგის დახმარებით.

ფიზიკური მედიცინა და რეაბილიტაცია

1 000 მ2 დახურული და 350 მ2 გარე ტერიტორიებით, ფიზიკური მედიცინისა და რეაბილიტაციის (PM&R) განყოფილება შექმნილია იმისთვის, რომ იზრუნოს სპორტის ყველა სახის ტრავმაზე ან ჯანმრთელობის პრობლემაზე, მისი დიაგნოზით დაწყებული, სპორტსმენის თამაშში დაბრუნებამდე. PM&R გუნდი პასუხისმგებელია ყველა სპორტსმენის სრულ სამედიცინო გამოკვლევაზე. ორთოპედები, სპორტული თერაპევტები და ფიზიოთერაპევტები მუშაობენ იმისთვის, რომ სპორტსმენები შეძლებისდაგვარად უახლოეს დროში და საუკეთესო სამედიცინო და ფიზიკურ მდგომარეობაში დაუბრუნდნენ სპორტს.

ფიზიკური მედიცინა და რეაბილიტაცია

ფიზიკური თერაპია

ფიზიკურ თერაპევტთა გუნდი, აჯიბადემის სპორტულ კლინიკაში (ACIBADEM Sports Clinic) გამოცდილია სპორტის რეაბილიტაციის ყველა ასპექტში, განსაკუთრებული ფოკუსით ფეხბურთზე და აქვს დამატებითი კვალიფიკაცია ოსტეოპათიის, მანუალური თერაპიისა და ვარჯიშის ფიზიოლოგიის მიმართულებით. ცენტრის ჩვიდმეტი სამკურნალო განყოფილება ყველა სახის მოდულაციის საშუალებას იძლევა ფიზიკური თერაპიის ძალიან ფართო სპექტრით. ფიზიკური თერაპიის განყოფილება აღჭურვილია რეაბილიტაციის და სავარჯიშო საცურაო აუზით, რომელსაც აქვს ჰიდრო მასაჟის ფუნქცია, სარბენი ბილიკი მორგებული გრავიტაციის კონტროლით, იზოკინეტიკური სისტემა, ბალანსის შეფასება და გაძლიერების სისტემები და მრავალი სხვა მოდალობა. ასევე, ფიფას მიერ რეკომენდირებული 36×8 მეტრიანი ხელოვნური ბალახის საფარის მქონე სტადიონი და 40×1.65 მეტრიანი სარბენი ბილიკი, რომელსაც იყენებენ, როგორც ფეხბურთელები ასევე სხვა სპორტის სახეობაში მოღვაწე სპორტსმენები, რეაბილიტაციისა და აღდგენითი პერიოდის დროს.

გამოყენებითი ბიომექანიკა

გამოყენებითი ბიომექანიკის განყოფილება იყენებს მაღალი სიჩქარის კამერას და მოძრაობის ანალიზის სისტემას, რომელიც შესაძლებლობას იძლევა მეცნიერულად შეაფასოს სიარული და სხვა მოძრაობის შესაძლებლობები,  შაბლონები და უნარები. ის გამოიყენება არა მხოლოდ სპორტსმენების მიერ, არამედ პაციენტების, რომლებსაც აქვთ ორთოპედიული და ნევროლოგიური დარღვევები. ამ ანალიზების შედეგად:

• გამოიკვლევა და დიაგნოსტირდება ტრავმირებული სპორტსმენის კინემატიკა და ბიომექანიკა, რის შედეგადაც იქმნება მკურნალობის უფრო ზუსტი გეგმა;
• რეგულარულად ჩატარდება სპორტსმენების მონიტორინგი და შეფასება, ტრავმისკენ მიდრეკილი ნებისმიერი სპორტსმენის იდენტიფიცირება და აუცილებელი პროფილაქტიკური ზომების მიღება;
• ანალიზებზე დაფუძნებით ხდება სპორტსმენისთვის საჭირო ვარჯიშების და დინამიური ორთოზის დაგეგმვა. სამეცნიერო კვლევა და ანალიზები აგრეთვე შეიძლება ჩატარდეს მონაცემთა გამოყენებით;
• გამოყენებითი ბიომექანიკის განყოფილება უზრუნველყოფს სპეციფიკურ გამოცდილებას სიარულის და სირბილის შეფასებისას და გამოცდილებას იდენტიფიცირებადი პრობლემების გამოსწორების მიზნით ფეხსაცმლის ორთოპედიული საფენების მსგავსი მაკორექტირებელი მასალების გამოყენებაში.

ალგოლოგია

ალგოლოგიის განყოფილება ეხმარება ფეხბურთელებს უწყვეტი ნერვული ბლოკების, ეპიდურული ჩარევების, სიმპტომატური ბლოკების, ინტრა-დისკულარული და ინტერვერტებერალური აპლიკაციების და ნეირო-აბლაციური და ნეირომოდულაციური ტექნიკების გამოყენებით. კლინიკა აღჭურვილია ალგოლოგიისთვის ყველა აუცილებელი აპარატურითა და ინფრასტრუქტურით: ინტერვენციის ოთახი, სტიმულაციის მოწყობილობები, კრიოთერაპია, ოზონის გენერატორი. ალგოლოგიის ცენტრში მკურნალობა მიმდინარეობს 24 საათის განმავლობაში, კვირაში 7 დღე. სპორტსმენებს და ადამიანებს ცხოვრების მჯდომარე წესით, რომლებიც მიმართავენ ალგოლოგიის ცენტრს, უფრო ხშირად აღენიშნებათ კისრისა და ზურგის ტკივილი, ხერხემლის პრობლემების გამო.

დიეტა და კვება

კლინიკას ჰყავს დიეტოლოგი, რომლის მიზანია დაეხმაროს და ცოდნა მიაწოდოს ყველა ასაკის და ორივე სქესის, ყველა სახეობის სპორტის მოყვარულ და პროფესიონალ სპორტსმენებს. კლინიკის დიეტოლოგი მუდმივად მზად არის, რეკომენდაცია გაუწიოს და დაეხმაროს სპორტსმენებსა და პაციენტებს, შეარჩიოს მათთვის სასარგებლო კვების რაციონი. პაციენტის წონისა და სიმაღლიდან გამომდინარე დგება ინდივიდუალური კვების რაციონი, რაც ხელს უწყობს, საჭიროებისამებრ წონაში კლებასა თუ წონის შენარჩუნებას. კლინიკის ექსპერტიზა მოიცავს ზოგადი კვების დაგეგმვას; კონსულტაციას წონის დაკლების ან საკვების შენარჩუნებისთვის; სხეულის სტრუქტურის მონიტორინგს და შეფასებას; ჰიდრაციისა და ელექტროლიტური ბალანსის სწავლებას და ოპტიმალური კვების დაგეგმვას ვარჯიშის წინ, განმავლობაში და შემდეგ; შეჯიბრს და აღდგენას; ასევე, ცოდნის მიწოდებას კვებითი დანამატების სწორად მიღების, დოპინგის საფრთხის და ანტი-დოპინგის საკითხებს.

ფსიქოლოგია

კლინიკაში მუშაობს ფსიქოლოგი, რომელიც სპორტსმენებს სთავაზობს ფსიქოლოგიურ დახმარებას, კონსულტაციას და დამატებით ფსიქოლოგიურ სერვისებს ძირითადად ოპერაციის წინ და მის შემდეგ; ან ეხმარება ჯანმრთელ სპორტსმენებს გააუმჯობესონ სპორტული ეფექტურობა. პაციენტ/ვიზიტორთა ჯგუფი მოიცავს ყველა ასაკის, ორივე სქესის, ყველა სპორტის სახეობის მოყვარულ და პროფესიონალ სპორტსმენებს.