პედიატრიული კარდიოლოგია და კარდიოვასკულარული (გულ-სისხლძარღვთა) ქირურგია

ვერთიანდებით გულების გადასარჩენად!

აჯიბადემის ბავშვთა გულის ცენტრში ჩვენ ვისწრაფვით პედიატრიული კარდიოლოგიური დახმარების სფეროში შევცვალოთ სიტუაცია უკეთესობისკენ. უკვე 30 წელზე მეტია რაც ჩვენ ვმკურნალობთ თანდაყოლილ მანკებსა და გულის შეძენილ დაავადებებს ბავშვებში სამედიცინო სრულყოფილებითა და ადამიანური ურთიერთობით. როგორც წამყვანი სამედიცინო დაწესებულება თურქეთში და რეგიონში, აჯიბადემი გთავაზობთ პედიატრიული კარდიოლოგიური დაავადებების მთელი სპექტრის დიაგნოსტიკისა და მკურნალობის ყველაზე თანამედროვე შესაძლებლობებს, ყველაზე მძიმე ან რთულ შემთხვევებშიც კი, საუკეთესო შესაძლო შედეგებით. აჯიბადემი ფარავს ბავშვთა გულის დაავადებების ყველა ასპექტს, მათ შორის ნეონატალურ კარდიოქირურგიას, კომპლექსურ პროცედურებსა და განმეორებით ოპერაციებს. პაციენტის განსაკუთრებული მოვლა აქ ეფუძნება ცოდნას, გამოცდილებას და მსოფლიოში არსებულ უახლეს ტექნოლოგიას. თანამედროვე, მოწინავე სამედიცინო აღჭურვილობა ჩვენს სპეციალისტებს საშუალებას აძლევს სწრაფად და ზუსტად მოახდინონ რთული დაავადებების დიაგნოსტირება და მკურნალობა, რომელთა წარმატების მაჩვენებელი 95%-ზე მაღალია. აქ გადმომისამართებულნი არიან ბავშვები და მათი ოჯახები მთელი მსოფლიოდან.

საყოველთაოდ აღიარებულია, რომ მულტიდისციპლინური გუნდების მიერ მიწოდებული ყოვლისმომცველი მომსახურებები კარგად აღჭურვილ სპეციალიზირებულ დაწესებულებებში უზრუნველყოფენ საუკეთესო შედეგებს გულის დაავადებების მქონე ბავშვებისათვის. ჩვენი საავადმყოფოების აჯიბადემ ბაქირქოი და აჯიბადემ ათაქენტის ბავშვთა კარდიოლოგიურ ბრიგადებში მუშაობენ  ბავშვთა კარდიოლოგიის, ბავშვთა გულ-სისხლძარღვთა ქირურგიის, ანესთეზიოლოგიის და ინტენსიური თერაპიის, გულის ვიზუალიზაციისა და რადიოლოგიის, ნეონატალოგიისა და რეაბილიტავიის, სპეციალური მუშაობისა და ფსიქოლოგიის სფეროს გამოცდილი ექიმები. სპეციალიზირებული ბრიგადები მუდმივად იმყოფებიან კავშირზე ჩვენი საავადმყოფოების სხვა განყოფილებებთან, რაც უზრუნველყოფს ნებისმიერ სპეციალისტზე წრაფ წვდომას, რომელიც შესაძლოა გახდეს საჭირო იგივე ჭერ ქვეშ. ჩვენ ასევე გვყავს სპეციალურად მომზადებული ექთნები საოპერაციო ოთახებისთვის, ინტენსიური თერაპიისა და პაციენტებთან მუშაობისთვის. ჩვენი კარდიოლოგიური პედიატრიის გუნდის თითოეულმა და ყოველმა წევრმა წლები მიუძღვნა ჩვენი პატარა გულიანი პაციენტების სპეციფიკური ფიზიკური და ემოციური საჭიროებების გაგებას, რათა უზრუნველყოს საუკეთესო მოვლა და შანსი სიცოცხლისთვის: გაერთიანდნენ გულების გადასარჩენად!

პედიატრიული გულის დაავადებები, რომლებსაც ჩვენ ვმკურნალობთ

გულის დაავადებები პედიატრიულ ასაკობრივ ჯგუფში განსხვავებულია, ვიდრე მოზრდილებში. ბავშვებში გულის დაავადებების ორი ძირითადი ტიპი არსებობს: თანდაყოლილი (გულის თანდაყოლილი მანკები) ან შეძენილი უფრო გვიანდელ ასაკში. ზოგიერთი მათგანი მოიცავს:

• არითმია-არარეგულარული გულის რითმი
• კარდიომიოპათია
• გულის თანდაყოლილი დაავადებები:
  • წინაგულების ძგიდის დეფექტი
  • პარკუჭთაშუა ძგიდის დეფექტი
  • ატრიოვენტრიკულური ძგიდის დეფექტი
  • აორტის შევიწროება
  • გულის მარცხენა საკნების ჰიპოპლაზიის სინდრომი
  • ფილტვის არტერიის ატრეზია
  • პულმონური სტენოზი
  • ტრიკუსპიდური ატრეზია
  • ფალოს ტეტრალოგია
  • ტოტალური ანომალიური ფილტვის ვენური დაბრუნება
  • დიდი არტერიების ტრანსპოზიცია
  • მაგისტრალური არტერიოზი
  • ღია არტერიული სადინარი (PDA)
  • აორტის კოარქტაცია (AoCoA)
  • გულის მარცხენა საკნების ჰიპოპლაზიის სინდრომი (HLHS)

რატომ აჯიბადემის ბავშვთა გულის ცენტრები?

მოკლე ფაქტები ჩვენი ცენტრებისა და გუნდის შესახებ:

• გუნდის ჯამური გამოცდილება: 15 000 პაციენტი 30 წელიწადში;  
• ყოველწლიურად 600-ზე მეტი პაციენტი, მათ შორის ყველაზე რთული თანდაყოლილი გულის დაავადებებით;
• 95%-ზე მაღალი წარმატების მაჩვენებელი;
• აჯიბადემი არის გადამისამართების ცენტრი ბავშვებში რთული თანდაყოლილი გულის დაავადებებისა და სხვა გულის დაავადებებისათვის;
• მსოფლიო დონის ექიმები, დახვეწილი ტექნოლოგია და პაციენტზე ორიენტირებული მიდგომა.

საერთაშორისო პაციენტებისთვის

აჯიბადების ბავშვთა კარდიოლოგიურ ცენტრებში ჩვენ ვიცით, რომ თქვენი შვილის სამკურნალოდ საზღვარგარეთ მოგზაურობა შეიძლება იყოს სტრესული და დამრთგუნავი გამოცდილება. სწორედ ამიტომ, ჩვენ შევქმენით პაციენტთა მომსახურების საერთაშორისო ცენტრი, როგორც უნივერსალური გადაწყვეტა, რომელიც მხარს უჭერს თითოეულ პაციენტს პირველი მოთხოვნიდან თავის სამშობლოში საბოლოო დაბრუნებამდე. სამედიცინო ვიზიტები/მიღებები, მგზავრობა და ცხოვრება, აეროპორტი – სასტუმრო- საავადმყოფოს მიმართულებით ტრანსფერები ორგანიზებულია თქვენი საჭიროებებისა და პრეფერენციების მიხედვით. ხდება 24 საათიანი მთარგმნელობითი მომსახურების უზრუნველყოფა პაციენტთა მშობლიურ ენაზე. აჯიბადემ თურქეთისა და ჩვენი ყოვლისმომცველი პაციენტთა მომსახურების აღევისას, უცხო ქვეყნის პაციენტებს შეუძლიათ დარწმუნებულები იყვნენ, რომ მათი გზა გამოჯანმრთელებამდე იქნება იდეალურად ორგანიზებული მათი კომფორტის გათვალისწინებით.

გულის პრობლემების სიმპტომები ბავშვებში

გულის თანდაყოლილი დაავადებების დროს დაავადებული ბავშვების დაახლოებით 30% საჭიროებს მკურნალობას სიცოცხლის პირველი თვის განმავლობაში. ამიტომ აუცილებელია ადრეული დიაგნოსტიკა და დროული მკურნალობა. მნიშვნელოვანია, რომ მშობლებმა ამოიცნონ გულის დაავადებების სიმპტომები და მიმართონ ექიმს დროის დაუკარგავად. სასარგებლოა ვიცოდეთ, რომ გულის თანდაყოლილი დაავადებების განვითარების რისკი 2-3-ჯერ მეტია იმ ბავშვებში, რომელთა დედას ან მამას აქვთ იგივე დაავადება. ბავშვებში გულის პრობლემების ადრეული ნიშნები განსხვავდება მდგომარეობის მიხედვით, მაგრამ ყველაზე გავრცელებული სიმპტომებია:

• მოლურჯო (ციანოტური) ფერი ჩვილების ტუჩებზე, პირში და ფრჩხილების ქვეშ,
• სწრაფი სუნთქვა ან სუნთქვის გაძნელება,
• რესპირატორული დაავადებების ხშირი განვითარება,
• ძუძუთი კვების დროს ძუძუს წოვის სურვილის არ ქონა ან სწრაფი დაჭლილობა კვების დროს,
• მადის არ ქონა და წონის მომატების სირთულეები,
• სწრაფი დაღლილობა.

ზოგიერთ შემთხვევაში, გულის თანდაყოლილი დაავადებები, რომლებიც ნაკლებად სერიოზულია, შეიძლება არ გამოვლინდეს რაიმე გამორჩეული სიმპტომით სიცოცხლის პირველ წლებში.  უფრო უფროსი ასაკის ბავშვებში ნიშნები და სიმპტომები, როგორიცაა გახშირებული გულისცემები, სუნთქვის უკმარისობა, ქოშინი, სწრაფი დაღლილობა, გულმკერდის ტკივილი, თავბრუსხვევა ან დაღლილობა ვარჯიშის დროს შეიძლება იყოს საგანგაშო და გულის პრობლემების მიმანიშნებელი.

პედიატრიული გულის დაავადებების დიაგნოსტიკა

გულის თანდაყოლილი დაავადებების დიაგნოსტირება ხშირად შეიძლება მოხდეს დაბადებამდე, ორსულობის მე-16 გესტაციურ კვირაში. ნაყოფის ექოკარდიოგრაფია ულტრაბგერითი გამოკვლევის მსგავსი არაინვაზიური დიაგნოსტიკური მეთოდია. ის ბავშვის გულის დეტალური გამოკვლევის საშუალებას იძლევა, სანამ ის ჯერ კიდევ საშვილოსნოშია. თუ რაიმე პრობლემა გამოვლინდა, ბავშვს გულდასმით აკვირდებიან და ამავდროულად იგეგმება მშობიარობის შემდგომი მკურნალობა. ორსულობის დროს გულის თანდაყოლილი მანკების დიაგნოსტიკა ხელს უწყობს ჩვილებში სერიოზული გართულებების შემცირებას.

თუმცა, გულის პრობლემები შეიძლება ასევე დიაგნოსტირებულ იქნას ბავშვობაშის გვიანდელ პერიოდშიც. თუ არსებობს ეჭვი, რომ თქვენს შვილს აქვს გულის დაავადება, ბავშვთა კარდიოლოგი ატარებს ფიზიკურ გამოკვლევას და სხვადასხვა ანალიზებს მოწინავე ტექნოლოგიური დიაგნოსტიკური საშუალებების გამოყენებით. ყოვლისმომცველი დიაგნოსტიკური პროცესი შეიძლება შეიცავდეს:

ელექტროკარდიოგრამა (ECG): არაინვაზიური ტესტი, რომელიც იკვლევს გულის მუშაობას. ის იყენებს მოწყობილობას გულში გამავალი ელექტრული აქტივობის გასაზომად და გულის ცემას ელექტროკარდიოგრამის ქაღალდზე აღრიცხავს. პროცედურა ხელს უწყობს გულისცემის შეფასებას და რითმის დარღვევების გამოვლენას.

გულმკერდის რენტგენოგრაფია: გვიჩვენებს გადიდებულია თუ არა გული, არის თუ არა ფილტვებში ზედმეტი სითხე. გულმკერდის რენტგენოგრაფიის დროს გამოყენებული რადიაციის დონე ძალიან დაბალია და არ გააჩნია გვერდითი მოვლენები.

ექოკარდიოგრაფია (გულის ულტრაბგერითი გამოკვლევა): ულტრაბგერითი გამოკვლევა გამოიყენება გულის ცოცხალი გამოსახულების მონიტორინგისა და გულის კუნთის ფუნქციის შესაფასებლად. რამდენი სისხლი მიედინება არტერიებსა და ვენებში შეიძლება გაიზომოს ხმის ტალღების გამოყენებით აორტის ულტრაბგერითი გამოკვლევისას. ეს ორი ტექნიკა იძლევა სასარგებლო ინფორმაციას გულის სტრუქტურისა და ფუნქციის შესახებ.

საყლაპავთაშორისი ექოკარდიოგრაფია (TEE): ზოგიერთი პაციენტის შემთხვევაში ჩვენ შეიძლება დაგვჭირდეს უფრო ხარისხიანი გამოსახულებების მიღება სპეციალური ულტრაბგერითი ზონდის დახმარებით, რომელიც პირის ღრუს გავლით ჩადის ქვემოთ საყლაპავში.

სტრეს-ტესტი: ეკგ ტარდება მაშინ, როცა ბავშვი დადის სარბენ ბილიკზე სწრაფი ტემპით. აღნიშნული ავლენს ფიზიკური დატვირთვით პროვოცირებულ გულის ფუნქციის პრობლემებს.

გულის CT (კომპიუტერული ტომოგრაფია): აღნიშნული გამოიყენება განსაკუთრებულ შემთხვევებში ბავშვის გულისა და სისხლძარღვების დეტალური ვიზუალიზაციისთვის. რთულ შემთხვევებში საჭიროა კომპიუტერული ტომოგრაფია ზუსტი ანატომიური დეტალების მიღებისათვის.

გულის MRI სკანირება: უზრუნველყოფს გულისა და გულმკერდის სისხლძარღვების მკაფიო გამოსახულებების მიღებას მაგნიტური ტექნოლოგიის გამოყენებით, რადიაციის გარეშე.

გულის კათეტერიზაცია და ანგიოგრაფია: გაფართოებული გამოკვლევის მეთოდი სისხლძარღვში ჩასმული თხელი მილის (კათეტერის) და რენტგენის (რენტგენოსკოპიის) გამოყენებით, რომელიც გულისკენ არის მიმართული. აღნიშნული ანატომიური დეტალების უშუალო ვიზუალიზაციის საშუალებას იძლევა.

ელექტროფიზიოლოგია (EP კვლევა): ეს არის ტესტი, რომელიც გამოიყენება არარეგულარული გულისცემის ან არითმიის დიაგნოსტირებისთვის. გულის კათეტერიზაციის მეთოდის მსგავსად, სპეციალური კათეტერები გამოიყენება გულის დასათვალიერებლად და ხელს უწყობს გულის ქსოვილში პათოლოგიური ელექტრული აქტივობის უბნების იდენტიფიცირებას.

ინტერვენციული პედიატრიული კარდიოლოგია

ბავშვებში გულის ზოგიერთი დაავადების მკურნალობა ტრადიციული ქირურგიის ნაცვლად შესაძლებელია გულის კათეტერიზაციით. ეს არის ინოვაციური, არაქირურგიული მკურნალობა, რომლის დროსაც თხელი, მოქნილი მილი, რომელსაც ეწოდება კათეტერი, შეიყვანება სისხლძარღვის მეშვეობით გულში, რენტგენოლოგიური მეთვალყურეობის ქვეშ. მისი გამოყენება შესაძლებელია როგორც დიაგნოსტიკისთვის, ასევე სამკურნალოდ. როდესაც პროცედურას მიმართავენ გულის მანკის  აღმოსაფხვრელად, მას ინტერვენციული კათეტერიზაცია ეწოდება. აღნიშნული საშუალებას აძლევს გამოცდილ ექიმებს განკურნონ გულის გარკვეული დაავადებები ქირურგიული ჩარევის გარეშე, სპეციალური კათეტერების გამოყენებით. მას შემდეგ, რაც კათეტერი მიაღწევს გულის დეფექტს, მისი მეშვეობით შესაძლებელია პატარა ხელსაწყოების მიწოდება დეფექტის აღმოსაფხვრელად. მაგალითად, არსებობს ბალონური ფოგარტის კათეტერები, რომლებიც ხსნის შევიწროვებულ სარქველებს ან სისხლძარღვებს, ასევე კათეტერები, რომლებიც ხურავენ გულის საკნებს შორის არსებულ ხვრელებს. თერაპიული ინტერვენციული პროცედურები შეიძლება მოიცავდნენ:

• ბალონური ანგიოპლასტიკა და ვალვულოპლასტიკა: შევიწროებული გულის სარქველის ან სისხლძარღვის გასახსნელად შეჰყავთ კათეტერი, რომელსაც ბოლოში ბალონი აქვს დამაგრებული;
• აორტის სარქველის ტრანსკათეტერული გამოცვლა (TAVR/TAVI): გულის ღია ოპერაციის ნაცვლად კათეტერის გამოყენებით ხდება ახალი ხელოვნური სარქველის ჩასმა;
• წინაგულების ძგიდის დეფექტისა (ASD) და პარკუჭთაშუა ძგიდის დეფექტის (VSD) ტრასკათეტერული დახურვა: სეპტალური დეფექტების გამოსწორება შესაძლებელია კათეტერიზაციის ტექნიკით;
• ენდოვასკულარული სტენტირება: შეიძლება გამოყენებულ იქნას ვიწრო სისხლძარღვების გაფართოებისთვის;
• ელექტროფიზიოლოგია და არითმიის ტრანსკათეტერული აბლაცია: გამოიყენება გულის რითმის პრობლემების სამკურნალოდ პრობლემის გამომწვევი მცირე ქსოვილის ქაუთერიზაციის/მიწვის (განადგურება გახურებით) გზით, რადიოსიხშირული აბლაციის დახმარებით;
• ჰიბრიდული პროცედურები და MAPCA-ების ოკლუზია: ჰიბრიდული კარდიოლოგიური პროცედურები ჩვეულებრივ გამოიყენება გულის რთული დაავადებების დროს. მათ შეუძლიათ ოპერაციისა და გულის კათეტერიზაციის კომბინირება.

გულის კათეტერიზაცია ტარდება ანესთეზიით, მაგრამ ის არ საჭიროებს ქირურგიულ ჭრილობებს და იძლევა სწრაფად გამოჯანმრთელების და სტაციონარში ყოფნის დროის შემცირების შესაძლებლობას. არ არსებობს ასაკობრივი შეზღუდვები; მისი გამოყენება შესაძლებელია პატარა ბავშვებისთვის და ჩვილებისთვისაც კი დაბადებისთანავე. აჯიბადემის ბავშვთა გულის ცენტრებში მოწინავე ინტერვენციულ პროცედურებს ახორციელებენ მაღალკვალიფიციური პედიატრი კარდიოლოგები წარმატების მაღალი მაჩვენებლებით. შეძლებისდაგვარად, ისინი ირჩევენ მინიმალურად ინვაზიურ მიდგომებს ტკივილის შესამცირებლად, გამოჯანმრთელების პერიოდისა და საავადმყოფოში ყოფნის პერიოდის შესამცირებლად.

ქირურგია და მინიმალური ინვაზიური კარდიოქირურგია

კარდიოქირურგია ბავშვებში ძალიან განსხვავებულია, ვიდრე მოზრდილებში. ამისთვის საჭიროა გამოცდილი ბავშვთა კარდიოქირურგები და ბავშვებთან მუშაობისთვის სპეციალურად მომზადებული პროფესიონალების გუნდი. აჯიბადემის ბავშვთა გულის ცენტრში წარმატებით ტარდება ყველა სახის პედიატრიული გულის ოპერაცია, მათ შორის რთული პროცედურები და განმეორებითი ოპერაციები. გულის ქირურგიის 3 ძირითადი ტიპი არსებობს:

ქირურგია ღია გულზე: ქირურგი ხსნის გულმკერდს მკერდის ძვლის მეშვეობით, რათა მოიპოვოს წვდომა გულთან. ამ ტიპის ოპერაციებისთვის ჩვეულებრივ საჭიროა ხელოვნური სისხლის მიმოქცევის აპარატი, რომელიც ახორციელებს გულის და ფილტვის ფუნქციებს ოპერაციის დროს.

დახურული ოპერაცია გულზე: ამ შემთხვევაში გულმკერდის ღრუ მაინც უნდა გაიხსნას, მაგრამ თავად გულს არ აჩერებენ. ამიტომ, ოპერაცია შეიძლება ჩატარდეს ხელოვნური სისხლის მოძრაობის აპარატის გარეშე.

მინიმალურად ინვაზიური გულის ქირურგია: ეს არის ნაკლებად ინვაზიური ქირურგიული მიდგომა. ქირურგი აკეთებს მხოლოდ მცირე ჭრილობებს სპეციალური ხელსაწყოების და ვიდეოკამერის შესაყვანად. მინიმალურად ინვაზიურ ტექნიკას ბევრი უპირატესობა აქვს ჩვეულებრივ მეთოდებთან შედარებით, მათ შორის ნაკლები ტკივილი, მცირე ნაწიბურები და ჯანმრთელობის აღდგენისათვის საჭირო მოკლე პერიოდი. კარგად განვითარებული გულმკერდის მქონე ბავშვებში, გულის გარკვეული ანომალიები შეიძლება აღმოიფხვრას რობოტული ქირურგიითაც.

გულის იშვიათი და გავრცელებული თანდაყოლილი დაავადებების მკურნალობა (CHD)

ღია არტერიული სადინარი (PDA):

ყველა ბავშვი იბადება ღია არტერიული სადინარით. ეს არის ხვრელი, რომელიც უზრუნველყოფს გადასვლას ფილტვის არტერიასა და აორტას შორის. ის არსებობს იმიტომ, რომ დაბადებამდე სისხლს არ სჭირდება ფილტვების გავლა ჟანგბადის მისაღებად. ჩვეულებრივ, ეს ხვრელი იხურება დაბადებიდან რამდენიმე საათის შემდეგ. ღია არტერიული სადინარი არის შემთხვევა, როდესაც ეს კავშირი რჩება ღია. ის ყველაზე ხშირად გვხვდება დღენაკლულ ბავშვებში.

მკურნალობა: სადინარის დახურვა კათეტერის მეშვეობით სპეციალური მოწყობილობის გამოყენებით, რომელსაც ეწოდება ქოლგა ან ზამბარა. გარდა ამისა, დახურული გულის ოპერაცია ხელახლა დასაკავშირებლად შეიძლება ჩატარდეს პაციენტის ასაკისა და PDA-ს მასშტაბის მიხედვით.

წინაგულების ძგიდის დეფექტი (ASD):

წინაგულების ძგიდის დეფექტი წარმოადგენს ხვრელს კედელში, გულის ორ ზედა საკანს შორის (წინაგულები). მცირე წინაგულების ძგიდის დეფექტი ხშირად იხურება ჩვილობისას. უფრო დიდმა დეფექტებმა შეიძლება გამოიწვიოს სერიოზული პრობლემები, მათ შორის გულის მარჯვენამხრივი უკმარისობა, გულის რითმის დარღვევები, ინსულტის გაზრდილი რისკი და სიცოცხლის ხანგრძლივობის შემცირება.

მკურნალობა: ზოგიერთ პაციენტში დეფექტი შეიძლება დაიხუროს კათეტერიზაციით. თუმცა, ეს მდგომარეობა ჩვეულებრივ მოითხოვს ღია გულის ოპერაციას. მკურნალობის დასასრულს სისხლის მიმოქცევა უბრუნდება ნორმალურ მდგომარეობას და ბავშვი აგრძელებს ზრდას ჯანმრთელ ადამიანად.

პარკუჭთაშუა ძგიდის დეფექტი (VSD):

პარკუჭთაშუა ძგიდის დეფექტი არის ხვრელი კედელში, გულის ორ პარკუჭს შორის. ამ შემთხვევაში, ჟანგბადით მდიდარი სისხლი სხეულში გასვლის ნაცვლად უკან ფილტვებში იგზავნება. შედეგად, გულს სჭირდება მეტი მუშაობა, რათა უზრუნველყოს ორგანიზმისთვის საკმარისი ჟანგბადი. მკურნალობის გარეშე, გართულებები შეიძლება მოიცავდეს ფილტვის ჰიპერტენზიას, გულის უკმარისობას გადიდების გამო, ენდოკარდიტს და გულის სხვა პრობლემებს.

მკურნალობა: ზოგიერთი დეფექტი შეიძლება თავისით დაიხუროს. ამიტომ ექიმმა შეიძლება გარკვეული ხნით დააკვირდეს ბავშვის პროგრესს. მაგრამ ჩვეულებრივ, პაციენტს ოპერაცია სჭირდება პარკუჭებს შორის არსებული დეფექტის გამოსასწორებლად.

ატრიოვენტრიკულური ძგიდის დეფექტი (AVSD):

ეს თანდაყოლილი გულის მდგომარეობა აერთიანებს რამდენიმე ანომალიას. გულის შუაში დიდი ხვრელია.  სარქველები, რომლებიც ყოფენ ორივე ატრიუმს და პარკუჭებს, სრულად არ ვითარდება. ორივეს აქვს ერთი და დიდი სარქველის ფორმა. ჟანგბადით გამდიდრებული სისხლი გულის მარცხენა მხარედან გადადის მარჯვენა მხარეს და ხვრელების გამო ისევ ფილტვებში გადაიტუმბება.

მკურნალობა: ბავშვებს, რომლებსაც უვითარდებათ ფილტვის ჰიპერტენზია ან აქვთ სერიოზული სიმპტომები, ჩვილობის პერიოდში ოპერაცია უტარდებათ. ოპერაციის შემდეგ სისხლის მიმოქცევა ნორმალიზდება. ზოგიერთ შემთხვევაში, პაციენტს შეიძლება დასჭირდეს განმეორებითი ოპერაცია სარქველების უკმარისობის გამო (მიტრალური სარქველის არაჰერმეტულობა). წარმატების მაჩვენებელი 97%-ს აღემატება.

აორტის სტენოზი (AS):

ეს არის გულის სარქველის დაავადება, რომელიც ავიწროებს ან აფერხებს აორტის სარქველის გახსნას, რაც იწვევს იმას, რომ გულს უჭირს სისხლის გადატუმბვა სხეულში. სტენოზი ზღუდავს სისხლის გამოდინებას მარცხენა პარკუჭიდან. ადრეული დიაგნოსტიკა ძალიან მნიშვნელოვანია გულის გარდაუვალი დაზიანებების პრევენციისთვის.

მკურნალობა: აორტის სტენოზის მქონე ბავშვები, რომლებსაც აქვთ მსუბუქი სიმპტომები ან არ აქვთ სიმპტომები, დროთა განმავლობაში უნდა გადიოდნენ გულდასმით მონიტორინგს. ზომიერი და მძიმე სიმპტომების შემთხვევაში შესაძლებელია ქირურგიული ჩარევების გამოყენება: ვალვულოპლასტიკა (ნაკლებად ინვაზიური, ბალონის მოთავსება ხდება არტერიაში); ვალვულოტომია (სარქველის “გათავისუფლებისთვის” მისი შეცვლის გარეშე); აორტის სარქველის ჩანაცვლება (AVR).

აორტის კოარქტაცია (AoCoA)

აორტის კოარქტაცია ნიშნავს აორტის ნაწილის შევიწროებას ან შეკუმშვას. აღნიშნული შესაძლოა იყოს ნებისმიერ ადგილას და ნებისმიერი ხარისხით. მარცხენა პარკუჭს მეტი მუშაობა უწევს რათა მოახდინოს აორტის შევიწროებული ნაწილის გავლით სისხლის გადატანა. საბოლოოდ, მარცხენა პარკუჭს აღარ შეუძლია გაუმკლავდეს დამატებით დატვირთვას და ის ვერ ახერხებს სისხლის ეფექტურად ამოტუმბვას. ზოგიერთ შემთხვევაში, ამან შეიძლება გამოიწვიოს თირკმლის უკმარისობა ან გულის გაფართოება.

მკურნალობა: აორტის შევიწროებული ნაწილის აღდგენა ხდება ბალონური ანგიოპლასტიკის ან სტენტის იმპლანტაციის დახმარებით გულის კათეტერიზაციის გზით.

ფალოს ტეტრალოგია (TOF)

ეს სამედიცინო მდგომარეობა მოიცავს 4 სხვადასხვა გულის ანომალიას: პარკუჭოვანი ძგიდის დეფექტი (VSD) (ხვრელი გულის პარკუჭებს შორის); ფილტვის სტენოზი (ფილტვის სარქვლის შევიწროება); აორტა-მხედარი (როდესაც აორტის სარქველი აკავშირებს მარჯვენა პარკუჭსაც); მარჯვენა პარკუჭის ჰიპერტროფია (მარჯვენა პარკუჭი უფრო კუნთოვანია ვიდრე ნორმალური). ფალოს ტეტრალოგია არის ყველაზე გავრცელებული გულის მანკი, რომელიც იწვევს ციანოზს პატარა ბავშვებში. ფალოს ტეტრალოგიის მქონე ჩვილებს აქვთ მოლურჯო კანი ტირილის ან კვების ეპიზოდების დროს.

მკურნალობა: მისი გამოყენება შესაძლებელია ორ ეტაპად, ბავშვის მდგომარეობიდან გამომდინარე. 1 ფაზა მოიცავს დროებით აღდგენას შუნტის, სტენტის ან კუნთების მოცილების გამოყენებით. მეორე ეტაპი არის სრული აღდგენა. აღნიშნული შეიძლება ჩატარდეს შუნტირების ოპერაციის შემდეგ ან როგორც პირველი ოპერაცია ზოგიერთ შემთხვევაში. ოპერაციის შემდეგ ნორმალიზდება სისხლის მიმოქცევა და ციანოზი მთლიანად აღმოიფხვრება.

პულმონური სტენოზი (PS)

ეს არის ძალიან იშვიათი დაავადება, რომელიც შეიძლება დიაგნოსტირდეს საშვილოსნოში ან დაბადებიდან მალევე. იგი წარმოადგენს ფილტვის სარქველის შევიწროებას (სტენოზი) ან ბლოკირებას. ასეთ შემთხვევაში მარჯვენა პარკუჭს უფრო მეტი მუშაობა სჭირდება. დროთა განმავლობაში ის იწვევს გულის კუნთის დაზიანებას.

მკურნალობა: ბალონური ვალვულოპლასტიკა კათეტერით. გადარჩენის მაჩვენებელი 99%-ია. მძიმე შემთხვევებში შეიძლება საჭირო გახდეს ღია გულის ოპერაცია.

დიდი არტერიების ტრანსპოზიცია (TGA)

დიდი არტერიების ტრანსპოზიცია (TGA) არის ერთ-ერთი ყველაზე გავრცელებული ციანოზური კარდიოლოგიური დაავადება ბავშვებში. გულის ამ თანდაყოლილი მანკის დროს ფილტვის არტერიისა და აორტის პოზიციები შებრუნებულია და დაკავშირებულია არასწორ პარკუჭებთან. ჟანგბადით ღარიბი სისხლი გადაიქაჩება უკან ორგანიზმში. მაგისტრალური არტერიების ტრანსპოზიციის მქონე ბავშვები იბადებიან მოლურჯო ფერის სისხლში ჟანგბადის დაბალი მაჩვენებლის გამო.

მკურნალობა: ოპერაცია საჭიროა დაბადებისთანავე ან სიცოცხლის პირველ თვეებში. მედიკამენტოზური თერაპია შეიძლება დაინიშნოს მანამ, სანამ ბავშვი მზად იქნება ოპერაციისთვის. არსებობს დიდი არტერიების ტრანსპოზიციუს ორი ძირითადი ტიპი: არტერიული გადამრთველი (არტერიების გადართვა ხდება მათ ჩვეულებრივ მდგომარეობაში) და წინაგულის გადამრთველი (წინაგულების შებრუნება). მეორე მეთოდი ტარდება ნაკლებად ხშირად, რადგან გრძელვადიან პერსპექტივაში შეიძლება გამოიწვიოს რიტმის დარღვევები და ფიზიოლოგიური ცვლილებები.

ტრიკუსპიდური ატრეზია (TA)

გულის ამ თანდაყოლილი მანკის დროს ტრიკუსპიდური სარქველი არ არის განვითარებული. ამიტომ, მარჯვენა წინაგულიდან მარჯვენა პარკუჭისკენ სისხლის გმოძრაობა არ ხდება. შედეგად, მარჯვენა პარკუჭი რჩება პატარა და განუვითარებელი. სისხლი შერეულია და ნორმალურად/სწორად ვერ მიედინება.

მკურნალობა: ბავშვის მდგომარეობიდან გამომდინარე, შეიძლება საჭირო გახდეს ერთი ან რამდენიმე ოპერაცია გულის ფუნქციის აღსადგენად, მათ შორის წინაგულების სეპტოსტომია (ქმნის ან აფართოებს ღიობს გულის ზედა კამერებს შორის, რათა მეტი სისხლი მოძრაობდეს მარჯვენა წინაგულიდან მარცხენაში); შუნტირება (ქმნის შემოვლით გზას გულიდან გამომავალი მთავარი სისხლძარღვიდან ფილტვებისკენ მიმავალ სისხლძარღვამდე); ფილტვის არტერიაზე ბანდაჟის დადება (გულიდან ფილტვებში სისხლის ნაკადის შესამცირებლად); გლენის ოპერაცია (როდესაც ჩვილები აჭარბებენ პირველი შუნტის ასაკს, 3-6 თვის ასაკში); ფონტანის პროცედურა (ტარდება როდესაც ბავშვი 2-3 წლისაა).

ფილტვის არტერიის ატრეზია (PA)

ეს არის გულის თანდაყოლილი მანკის უკიდურესად იშვიათი ფორმა. ჩვეულებრივ, როდესაც გული იკუმშება, მარჯვენა პარკუჭი გამოქაჩავს სისხლს ფილტვებში. ფილტვის ატრეზიის მქონე პაციენტებში ფილტვის სარქველი სათანადოდ არ არის ჩამოყალიბებული/ფორმირებული. ეს იწვევს ფილტვებში სისხლის მიმოქცევის დარღვევას. ჩვეულებრივ, ტრიკუსპიდური სარქველი ასევე განუვითარებელია.

მკურნალობა: მკურნალობის გეგმა დამოკიდებულია თითოეული კონკრეტული შემთხვევის სიმძიმეზე. შუნტი შეიძლება განთავსდეს ფილტვის არტერიასა და აორტას შორის კათეტერიზაციის ტექნიკის გამოყენებით. ხშირად გამოიყენება ფონტანის ოპერაციაც.

მაგისტრალური არტერიოზი

ამ მდგომარეობაში, გულიდან გამოდის ერთადერთი სისხლძარღვი (არტერიული ლულა) ორი ნორმალური სისხლძარღვის ნაცვლად (ფილტვის არტერია და აორტა). გარდა ამისა, ვლინდება პარკუჭოვანი ძგიდის დეფექტი (VSD). შედეგად ხდება სისხლის შერევა.

მკურნალობა: არტერიული ლულის მქონე ჩვილების უმეტესობას ოპერაცია უტარდება სიცოცხლის პირველ კვირებში.

ფილტვის ვენების მთლიანი/ტოტალური ანომალური დრენაჟი (TAPVD)

ეს არის სისხლის ნაკადის იშვიათი დარღვევა, როდესაც ფილტვის ყველა ვენა სათანადოდ არ არის დაკავშირებული მარცხენა წინაგულთან. ამრიგად, ფილტვებიდან დაბრუნებული სისხლი ერევა სხეულიდან დაბრუნებულ ლურჯ სისხლს. ბავშვს ჟანგბადის ნაკლებობა აქვს და ლურჯდება.

მკურნალობა: ქირურგიული მკურნალობა აუცილებელია. TAPVD-ით დაავადებულ ბავშვებს ოპერაცია სჭირდებათ სიცოცხლის პირველივე კვირებში.

გულის მარცხენა საკნების ჰიპოპლაზიის სინდრომი (HLHS)

გულის ამ მანკის დროს, გულის მარცხენა ნაწილი განუვითარებელია, მათ შორის აორტა, აორტის სარქველი, მარცხენა პარკუჭი, მიტრალური სარქველი.

მკურნალობა: ქირურგიული მკურნალობა აუცილებელია. მკურნალობის გეგმა ჩვეულებრივ მოიცავს ოპერაციების 3 ეტაპს: ნორვუდის პროცედურა (რაც შეიძლება მალე დაბადებიდან), გლენის პროცედურა (6 თვის შემდეგ) და ფონტანის პროცედურა (18 თვე – 3 წელი).

თქვენი შვილის მომზადება ჰოსპიტალიზაციისთვის

თუ ბავშვს დაუდგინდა თანდაყოლილი გულის მანკი ან სხვა კარდიოლოგიური პრობლემა, არ არის საჭირო პანიკა. დღესდღეობით, გულის მანკის მქონე ბავშვებს აქვთ ბედნიერი და პროდუქტიული ცხოვრების ძალიან კარგი შანსი. გაითვალისწინეთ, რომ გამოცდილი სამედიცინო ჯგუფები ჩვეულებრივ აღწევენ უკეთეს შედეგს, განსაკუთრებით რთულ შემთხვევებში.

თუ თქვენს შვილს სჭირდება გულის ოპერაცია, მნიშვნელოვანია, რომ ოპერაციამდე ბავშვი იყოს მაქსიმალურად ჯანმრთელი. ტემპერატურა, ხველა, გაციება, გრიპი და სხვა სამედიცინო პრობლემები უნდა შეატყობინოთ ექიმს ნებისმიერ შემთხვევაში.

ოპერაციის შემდეგ არ უნდა დაგვავიწყდეს, რომ პოსტოპერაციული  მოვლა სახლში ყოფნისას გამოჯანმრთელების ყველაზე მნიშვნელოვანი ნაწილია. უმეტეს შემთხვევაში, პაციენტს სჭირდება დიეტა და  მედიკამენტების მკაცრი გამოყენება. მშობლებმა ყურადღებით უნდა დაიცვან ექიმების რეკომენდაციები. გულის თანდაყოლილი დაავადების მქონე პაციენტებს ხშირად სჭირდებათ მეთვალყურეობა მთელი ცხოვრების განმავლობაში.