ხერხემლის კომპლექსური მკურნალობის ცენტრი

Acibadem-ის ხერხემლის კომპლექსური მკურნალობის ცენტრი ტრადიციული მეთოდების მიღმა ხერხემლის სამკურნალოდ მრავალმხრივ მომსახურებას უზრუნველყოფს.

რას წარმოადგენს ხერხემლის ცენტრი?

ხერხემლის ცენტრები სამედიცინო დაწესებულებებია, სადაც ერთ ადგილას შესაძლებელია სრულფასოვანი დიაგნოზის მიღება. თურქეთში Acibadem-ის ხერხემლის კომპლექსური მკურნალობის ცენტრი, რომელიც მუშაობს ხერხემლის როგორც ყველასთვის ნაცნობ, ასევე კომპლექსურ პრობლემებზე, აერთიანებს ორთოპედიაში, ხერხემლის ქირურგიაში, ნეიროქირურგიაში, რადიოლოგიაში, გულმკერდის (ტორაკალური) ქირურგიაში, კარდიოვასკულარულ ქირურგიაში, ანესთეზიოლოგიაში, ფიზიოთერაპიასა და ალგოლოგიაში მსოფლიო დონის სპეციალისტების კვალიფიკაციას. ყველა მათგანი საკითხში ღრმადაა ჩახედული და ხერხემლის პრობლემები და პაციენტთა ჩივილები კარგად ესმით. სწორი დიაგნოსტირებისა და პაციენტისათვის მკურნალობის ალტერნატივების განსასაზღვრავად მათ საკმარისი გამოცდილება გააჩნიათ და მკურნალობის ეფექტიანად ჩასატარებლად ხელთ აქვთ ყველა საჭირო ტექნოლოგია.

ხერხემლის დაავადებები, რომლებსაც ვმკურნალობთ

Acibadem-ის ხერხემლის კომპლექსური მკურნალობის ცენტრი ხერხემლის პრობლემების ფართო სპექტრის, მათ შორის როგორც ხერხემლის ყველასათვის ნაცნობი პრობლემების, ასევე ყველაზე კომპლექსური შემთხვევების მკურნალობას გთავაზობთ უმაღლეს კვალიფიკაციით. აღნიშნული მოიცავს:

ხერხემლის დეფორმაციები ბავშვებსა და მოზრდილებში: სქოლიოზი (ხერხემლის გვერდითი გამრუდება), ჰიპერკიფოზი (ზედა უკანა მხარე ანომალიურად გამრუდებულია წინა მხარის მიმართულებით), ჰიპერლორდოზი (ქვედა უკანა მხარე არსებითად გამრუდებულია შიდა მიმართულებით).
ხერხემლის დეგენერაციული მდგომარეობა: დარღვევების ეს მოცულობითი ჯგუფი ზურგის ტკივილის წამყვან მიზეზს წარმოადგენს. მათ შორის, დაზიანებით ან ასაკობრივი ცვეთით გამოწვეული მალთა შუა დისკის თიაქარი; ზურგის სტენოზი (ზურგის არხის შევიწროება); რადიკულიტი (შეკუმშული ან გაღიზიანებული საჯდომის ნერვი); დისკის დეგენერაციული დაავადება (ხერხემლის დისკების გათხელება); სპონდილოლისთეზი (მალის ამოვარდნა); რადიკულოპათია (ნერვის ფესვების დაავადება) და ა.შ.
ხერხემლის სიმსივნე: როგორც კეთილთვისებიანი ასევე ავთვისებიანი, პირველადი (მომდინარეობს ხერხემლიდან ან ზურგის ტვინიდან) ან მეტასტაზური (როდესაც სიმსივნე სხვა ადგილიდან ვრცელდება ხერხემალზე).
ხერხემლის დაზიანებები და მოტეხილობები: შესაძლოა გამოწვეული იყოს უბედური შემთხვევებით, სპორტული ტრავმებით ან ხერხემლის მალების სხვა მიზეზით დასუსტებით.
ხერხემლის ინფექციები: ბაქტერიული ან სოკოვანი.

ხერხემლის პრობლემების დიაგნოსტირება მოწინავე მეთოდებით

Acibadem-ის ხერხემლის კომპლექსური მკურნალობის ცენტრში სათანადო მკურნალობის უზრუნველსაყოფად მოწინავე დიაგნოსტიკურ საშუალებებს ვიყენებთ.

ჩვენი კვალიფიციური გუნდი იყენებს EOS-ის გამოსახულების სისტემას, რომელსაც შემცირებული რადიაციული გამოსხივება გააჩნია, Siemens Somatom CT-ის აპარატს ძალიან დაბალი რადიაციული დოზითა და DIERS ფორმეტრიკულ 4D აპარატს ზედაპირის რადიაციის გარეშე სკანირებისათვის, რომელიც ხშირი რადიოგრაფიის ჩასანაცვლებლად გამოიყენება სქოლიოზის მქონე პაციენტებში მკურნალობის შემდგომი შემოწმებისას. ხერხემლის დაავადებების დიაგნოსტირებისათვის გამოიყენება Siemens Magnetom 1.5T Avanto Fit და Siemens Magnetom 3T Skyra MRI აპარატები.

ხერხემლის პათოლოგიების აღმოსაჩენად – ხერხემლის მდგომარეობისა და სიარულის მანერის პრობლემების ანალიზისათვის DIERS 4D Motion Lab-ის იყენებენ, ხოლო კუნთის ძალის შესაფასებლად, რადიაციული დასხივების მქონე აპარატების გამოყენების შესამცირებლად DIERS Myoline-ი გამოიყენება.

ხერხემლის არა ქირურგიული მკურნალობა

ხერხემლის პრობლემების არა ქირურგიული მეთოდებით მკურნალობა მოიცავს კუნთის ძალისა და მოქნილობის გასაძლიერებელ ვარჯიშებს, ორთოპედიულ აპარატებს ან მედიკამენტებს. Acibadem-ის ხერხემლის კომპლექსური მკურნალობის ცენტრში გთავაზობთ:

ხერხემლის ორთოპედიული აპარატების (brace) გამოყენება: აქ იქმნება და მზადდება დინამიური ორთოპედიული აპარატები, რომლებიც შესაბამის სწავლება გავლილი ექიმების მეთვალყურეობის ქვეშ კვალიფიციური ტექნიკოსი-ორთოპედების მიერ 3D კორექციის მიზნით გამოიყენება.
ფიზიოთერაპია და რეაბილიტაცია: ჩვენი ფიზიოთერაპიის განყოფილება სპეციალიზდება სქოლიოზზე, ტკივილის მართვასა და პაციენტებისათვის ქმნის ინდივიდუალურ სავარჯიშო პროგრამებს. სქოლიოზისათვის საჭირო ვარჯიშები – Reformer Combo Pilates, TRX, BOSU და wing yoga ტარდება კვალიფიციური და სერტიფიცირებული ფიზიოთერაპევტების მიერ.
ხერხემლის მდგომარეობის შემოწმება: ხერხემლის გამრუდებები, ხერხემლის მდგომარეობა და სიარულის მანერა DIERS 4D აპარატის მეშვეობით ფასდება, რომელიც ზედაპირის ტოპოგრაფიას ახორციელებს და ხერხემლის მდგომარეობას რადიაციული გამოსხივების გარეშე აანალიზებს. DIERS Myoline-ის აპარატი ხერხემლის 28 სხვადასხვა კუნთის ძალის ანალიზს აკეთებს და მათი მდგომარეობის შესახებ ინფორმაციას გვაწვდის. ხერხემლის მდგომარეობის კორექცია შესაბამისი ვარჯიშებით ხორციელდება.
ტკივილის მართვა: პაციენტებს, რომელთაც ზურგის ტკივილი აწუხებთ, ტკივილის შესამსუბუქებლად ალგოლოგების მიერ სხვადასხვა სახის მკურნალობა უტარდებათ. მათ შორისაა: ინექციები ხერხემალში, ელექტროთერაპია, ცხელი და ცივი კომპრესების გამოყენება და ფიზიოლოგიური მედიცინის სათანადო მეთოდები, რომლებიც პაციენტისათვის ინდივიდუალურად შეირჩევა.

ზემოთ აღნიშნული განყოფილებების ერთ ცენტრში არსებობა შესაძლებლობას იძლევა მკურნალობის პროცესს მრავალმხრივ მივუდგეთ და მკურნალობის შედეგები უფრო ეფექტური გავხადოთ.

ხერხემლის მინიმალური ინვაზიური ქირურგიული ოპერაცია

იმ შემთხვევაში თუ ხერხემლის ქირურგიული ოპერაცია აუცილებელია, შესაძლებლობის გათვალისწინებით მინიმალურ ინვაზიურ მეთოდებს ვამჯობინებთ. ასეთ დროს განაკერი უფრო მცირე ზომისაა, ნაკლებ სისხლდენას იწვევს და კუნთებისა და ქსოვილებისათვის ნაკლებ ტრავმულია, მინიმუმამდე დაჰყავს ოპერაციის შემდგომი გართულებები და აჩქარებს გამოჯანმრთელების პერიოდს. მინიმალური ინვაზიური ოპერაცია ხერხემალზე გამოიყენება დისკექტომიის შემთხვევაში (მალთა შუა დისკის თიაქრის ოპერაცია), ნერვის დეკომპრესიისას, მალების შერწყმისას და ზოგადად ყველა იმ შემთხვევაში, როდესაც ხერხემალზე ოპერაციის ჩატარებაა საჭირო.

აღნიშნული ტიპის ქირურგიული ოპერაცია სპეციალურ აღჭურვილობას მოითხოვს. Acibadem-ის ხერხემლის კომპლექსური მკურნალობის ცენტრში, ჩვენი ქირურგები სპეციალურად ხერხემლის ოპერაციებისათვის შექმნილ მიკროსკოპს – Zeiss Tivato 700-ს იყენებენ. Karl Storz-სა & Ethicon-ის აპარატები კი გამოიყენება ვიდეო-ტორაკოსკოპით ჩატარებული მინიმალური ინვაზიური ხერხემლის ოპერაციისას.

ხერხემლის გართულებული დეფორმაციების შემთხვევაში კი, რეალური ზომის ხერხემლის მოდელის შესაქმნელად და მკურნალობის დასაგეგმად, 3D ბეჭდვის ტექნოლოგიას ვიყენებთ.

სქოლიოზის ქირურგიული ოპერაცია მოწინავე მეთოდებით

სქოლიოზის მძიმე ფორმის მკურნალობის ოქროს სტანდარტს მალების შერწყმის ქირურგიული ოპერაცია წარმოადგენს. აღნიშნული ოპერაციის შედეგად გამრუდების გასასწორებლად ორი ან მეტი მალის გაერთიანებით მყარი ძვალი იქმნება. ამ სფეროში უახლეს და მოწინავე მეთოდს წარმოადგენს მალების ფიქსაციის პროცედურა (VBT) – მინიმალური ინვაზიური ტექნიკა, რომელიც ძირითადად ბავშვებსა და მოზარდებში გამოიყენება. მალების შერწყმის ტრადიციული მეთოდისგან განსხვავებით, VBT ხერხემლის მოქნილობის ან პაციენტის ზრდის შეუფერხებლად ასწორებს გამრუდებას. ამ ახალ მეთოდს Acibadem-ის ხერხემლის კომპლექსური მკურნალობის ცენტრი 2014 წლიდან წარმატებულად იყენებს, რის გამოც ჩვენი ცენტრი მთელი მსოფლიოს მასშტაბით ერთ-ერთი ყველაზე გამოცდილია.

რატომ უნდა აირჩიოთ Acibadem-ის ხერხემლის კომპლექსური მკურნალობის ცენტრი?

სამედიცინო ექსპერტების ვარსკვლავური გუნდი. ჩვენი გუნდი მონაწილეობას იღებს მსოფლიოში ხერხემალთან დაკავშირებულ სამეცნიერო კვლევაში, არის ახალი მეთოდების ინიციატორი და თანამშრომლობს ხერხემლის საერთაშორისო კლინიკებთან და ასოციაციებთან.
ცოდნა და გამოცდილება, რომელსაც შეგიძლიათ ენდოთ. ჩვენს ცენტრში ყოველწლიურად 4000-ზე მეტი ამბულატორიული პაციენტი იღებს კონსულტაციას და 300-ზე მეტი ხერხემლის ქირურგიული ოპერაცია ტარდება.
მულტი დისციპლინური მიდგომა. თქვენთვის ინდივიდუალურ და სრულფასოვან სამკურნალო დანიშნულებას ერთობლივად შეიმუშავებენ ექსპერტები ყველა დაკავშირებული სამედიცინო სფეროდან.
უახლესი ტექნოლოგია და აღჭურვილობა. პაციენტთა უსაფრთხოების მიზნით, მუდმივად ვაახლებთ ხელსაწყოებსა და აპარატურას.
მოწინავე მეთოდები და ტექნიკები. ჩვენი პაციენტებისათვის ახალი სამკურნალო დანიშნულების შესამუშავებლად, ჩვენი გუნდი მუდმივად ჩართულია კვლევასა და ინოვაციაში.
პაციენტთა A კლასის დონის მომსახურება. თუკი ხერხემლის სამკურნალოდ თურქეთში გამოემგზავრებით, ჩვენი უცხოელი პაციენტების ცენტრი ყველა თქვენს საჭიროებაზე იზრუნებს.