უროლოგია

უროლოგია

უროლოგიის განყოფილებაში, აჯიბადემის ჯანმრთელობის დაცვის ჯგუფი (ACIBADEM Healthcare Group) ახორციელებს მაღალი ხარისხის გამოკვლევის, დიაგნოსტიკის და მკურნალობის სერვისებს, როგორც ზრდასრული, ისე პედიატრიული პაციენტებისთვის, დინამიური სამედიცინო პერსონალის დახმარებით, რომელიც სიახლეებს კვალდაკვალ მიჰყვება. უროლოგიური განყოფილების ექიმები პროფესიულად ახორციელებენ უროლოგიურ მომსახურეობას, საკუთარ კლინიკურ გამოცდილებასა და სამეცნიერო კვლევებზე დაფუძნებულ ცოდნაზე დამყარებით.

ისეთი რუტინული ოპერაციების გარდა, როგორიცაა პროსტატის და შარდის ბუშტის TUR ოპერაციები, კენჭების არაინვაზიური და ინვაზიური ოპერაციები (ურეთროსკოპია, პერკუტანეული ნეფროლითოტომია და ლითოტრიფსია (ESWL), უროლოგიის განყოფილება წამყვანი ცენტრია უროლოგიაში, ინტენსიური სამედიცინო მომსახურებით ისეთ სფეროში, როგორიცაა უროლოგიური სიმსივნის ოპერაციები, პედიატრიული უროლოგიის ოპერაციები, უროდინამიკა და მამაკაცის სექსუალური დისფუნქციები.

პროსტატის გადიდებით განპირობებული შარდვის დარღვევების მკურნალობაში გამოიყენება თანამედროვე სამკურნალო და ქირურგიული მეთოდები (TUR, Greenlight Laser PVP, Greenlight Laser HPS, Feedback Thermotherapy). გარდა ამისა, ტარდება პროსტატის ჯანმრთელობის კვლევები, ისეთ სფეროებში როგორიცაა პროსტატის კიბოზე სკანირება და ინფექციის მკურნალობა. აჯიბადემის ჯანმრთელობის დაცვის ჯგუფის უროლოგიურ განყოფილებებში, უროლოგიური კიბოს დაავადებების სამკურნალოდ გამოიყენება თანამედროვე ქირურგიული და სამედიცინო მეთოდები.

უროლოგიის განყოფილებაში ხშირად იყენებენ რადიკალურ პროსტატექტომიას (პროსტატის კიბოს დროს) და რადიკალურ ცისტექტომიას (შარდის ბუშტის სიმსივნის დროს). გარდა ამისა, ანესთეზიოლიოგების და ქირურგების გუნდის მიერ და ინტენსიური თერაპიის მხარდაჭერით ტარდება სხვა უროლოგიური ონკოლოგიური ოპერაციები, როგორიცაა თირკმლის და სათესლე ჯირკვლის სიმსივნე. ზოგიერთ უროლოგიურ სიმსივნის შემთხვევებში, სამედიცინო ონკოლოგიის და რადიოთერაპიის სპეციალისტებთან შეთანხმებით, პაციენტს სთავაზობენ მკურნალობის ვარიანტებს.

აჯიბადემის ჯანმრთელობის ჯგუფში, საშარდე გზების ქვების მკურნალობისას გამოიყენება ენდოსკოპიური (დახურული სისტემა) მაღალტექნოლოგიური მეთოდები. ქირურგიული მკურნალობის გარდა, მკურნალობა შესაძლებელია ამბულატორიულად, ლითოტრიფსიით (ESWL). უროლოგიური დეპარტამენტი ენდოუროლოგიური მეთოდების გამოყენებით (ურეთროსკოპია, პერკუტანეული ნეფროლითოტომია – PCNL) მკურნალობის წამყვანი ცენტრია.  

უროდინამიკის განყოფილება ახორციელებს ნებისმიერი ასაკის ქალისა და  მამაკაცის შარდვის შეუკავებლობის და შარდვის სხვა პრობლემების დიაგნოსტიკურ გამოკვლევას. უროდინამიკური და თანამედროვე ურორადიოლოგიური მეთოდები გამოიყენება ზრდასრულებსა და ბავშვებში ნებისმიერი სახის შეუკავებლობის შემთხვევაში, მათ შორის ბავშვებში ღამის შეუკავებლობის, ქალებში შეკავების დარღვევების და პაციენტების მიელოდისპლაზიის (spina bifida) დროს.  

მამაკაცებში ერექციის და ეაკულაციის (ერექტილური დისფუნქციის და მამაკაცთა უშვილობის) დარღვევების მკურნალობა იგეგმება და ხორციელდება სხვა  სამედიცინო სპეციალისტებთან ერთად, გამოკვლევის, დიაგნოსტიკისა და მკურნალობის მეთოდების სრული ჩართულობით.

პედიატრიული უროლოგია ემსახურება თანდაყოლილი ან შეძენილი საშარდე და სასქესო სისტემის დაავადებების დიაგნოზს და მკურნალობას, რომლებიც შეიძლება გამოვლინდეს პრენატალურ, ახალშობილ და შემდგომ სტადიებში. ამ დაავადებების მაგალითებია: ჰიდროცელე ან ტვინის კისტა, კრიპტორქიზმი, ცირკუმციზია, სათესლეებთან და შარდის ბუშტთან დაკავშირებული გადაუდებელი მდგომარეობები (მწვავე სათესლე პარკი და სათესლის დაზიანება).

ჰიპოსპადიები (თანდაყოლილი მდგომარეობა, როდესაც შარდსადენის ხვრელი პენისის წვერის ნაცვლად მის ქვედა ნაწილზე მდებარეობს), უროლოგიური განყოფილების ინტერესის ერთ-ერთი ძირითადი სფეროა. გარდა ჰიპოსპადიების პირველადი კორექციისა, ტარდება ოპერაციები ადრე წარუმატებლად ოპერირებულ შემთხვევებშიც.

ამ თემაზე პაციენტების ისტორია

გურტგელდი ნურლიევი, უროლოგია, თურქმენეთი
გურტგელდი ნურლიევი, უროლოგია, თურქმენეთი

“მე ვარ თურქმენეთიდან. მე მქვია გურტგელდი ნურლიევი. Acıbadem-ის კლინიკაში ჩამიტარდა ოპერაცია ბ-ნ ველის მიერ (პროფ. ექიმი იალჩინ ველი). მადლობას ვუხდი ექიმს და მის თანაშემწეს, ბ-ნ ბურაკს (ექიმი ბურაკ ოზკანი). განსაკუთრებული მადლობა ჩვენს მთარგმნელს ტატიანა იახიმოვას და ყველას, ვინც ჩემზე ზრუნავდა.” განაგრძე კითხვა
×
ძიება