რატომ ACIBADEM

ეკოსისტემა, რომელიც მსოფლიოს მაგალითია სამედიცინო  მომსახურებების  მიწოდების სფეროში …

კლინიკების საერთაშორისო ქსელმა ACIBADEM სამედიცინო მომსახურების სფეროში  თავისი ისტორია დაიწყო, როგორც მცირე რეგიონალური კლინიკა სტამბოლში, თურქეთში. დღეს ACIBADEM არის ბრენდი, რომელმაც  ღირსეული ადგილი დაიკავა ჯანდაცვის სფეროში მსოფლიო ლიდერებს შორის, რომელიც მოიცავს 24 კლინიკას, 16 სამედიცინო ცენტრსა და დაწესებულებას. ACIBADEM– ის სწრაფმა განვითარებამ განაპირობა 2012 წელს IHH Healthcare– სთან ერთობლივი პარტნიორობა, რამაც საშუალება მისცა მას მსოფლიოს მასშტაბით გამხდარიყო სიდიდით მეორე სამედიცინო დაწესებულებების ქსელი.

ჩვენი მიზნის – თურქეთის საზღვრებს გარეთ, ჩვენი ყოფნის გავრცელება – განხორციელება დაიწყო 2011 წელს, კლინიკიდან Acıbadem Sistina მაკედონიაში, ქალაქ სკოპიეში. ამ ღონისძიებას მოჰყვა Tokuda Group-ის და City Clinic Group-ის შეძენა ბულგარეთში, 2016 წელს.
ამ შეთანხმებით Acıbadem Healthcare Group-ი, ბულგარეთში სამედიცინო მომსახურების უმსხვილესი მიმწოდებელი გახდა. ამის შემდეგ ყველაზე უახლესი მოვლენა, რომელმაც თურქეთს გარეთ ჩვენს დამკვიდრებას შეუწყო ხელი, აღინიშნა 2017 წელს ამსტერდამში, Acıbadem-ის საერთაშორისო სამედიცინო ცენტრის გახსნით, რომელიც მოიცავს დახურული ფართის 5.000 კვადრატული მეტრს. 2021 წელს კი მას მოსდევს Acıbadem Belmedic-ის შეძენა სერბეთში და შედეგად 5 ქვეყანაში 24 საავადმყოფო და 16 ამბულატორია.

კონკურენტუნარიანობა საერთაშორისო ბაზარზე ინტეგრირებულ სამედიცინო სერვისებში

კლინიკებისა და სამედიცინო ცენტრების გარდა, ACIBADEM არის სამედიცინო მომსახურების მსოფლიო დონის სპეციალური ინტეგრირებული ეკოსისტემის მაგალითი. ეს ეკოსისტემა მოიცავს სხვადასხვა სამედიცინო დაწესებულებას და უნივერსიტეტს. ACIBADEM უნივერსიტეტი, დინამიური და თანამედროვე საგანმანათლებლო პროგრამების გამოყენებით, რომელიც შედგენილია მასწავლებელთა მაღალკვალიფიციურ გუნდთან ერთად, ამზადებს სამედიცინო სტუდენტებს, რომ გახდნენ მომავალი ჯანდაცვის სპეციალისტები.  ACIBADEM სამედიცინო დაწესებულებები ყველანაირ ძალისხმევას იყენებენ რათა მუდმივად გაუმჯობესდეს პაციენტების მომსახურების ხარისხი. ACIBADEM პროექტების მენეჯმენტი (ACIBADEM Project Management) ანვითარებს „დასრულებული“ კლინიკის პროექტებს. ACIBADEM Labmed, Labvital, LabCell რომელიც გთავაზობთ მომსახურების ფართო სპექტრს, მათ შორის პათოლოგიების, საკვების სანიტარული კონტროლის, ღეროვანი უჯრედებისა და ჭიპლარის სისხლის ლაბორატორიული კვლევების ჩათვლით.

ACIBADEM Technology შეიმუშავებს და აუმჯობესებს საკუთარ პროგრამულ უზრუნველყოფას, მათ შორის „სამედიცინო ინფორმაციულ სისტემას“.

APlus ეხება ჰიგიენის მოთხოვნებს და საკვების მიწოდებას კლინიკებში, ხოლო ACIBADEM Mobile უზრუნველყოფს სასწრაფო დახმარებისა და სახლში მოვლის სერვისებს, ანუ მოვლას კლინიკებს გარეთ.

მოწინავე გამოცდილების ცენტრები

ჯგუფის ყველა კლინიკა არა მხოლოდ საერთაშორისო სტანდარტებს შეესაბამება, არამედ აღსანიშნავია მისი მოწინავე მეთოდების ცენტრები.  11 ონკოლოგიური ცენტრი (ქირურგია, სხივური თერაპია, ქიმიოთერაპია), 16 კარდიოლოგიის ცენტრი (საბავშვო და ზრდასრულთა კარდიოლოგია და კარდიოქირურგია), 14 ინ ვიტრო განაყოფიერების ცენტრი (IVF), 10 ორგანოების გადანერგვის ცენტრი (ღვიძლის, თირკმელების, ძვლის ტვინის), 10 ხერხემლის სარეაბილიტაციო ცენტრი, FIFA– ს მიერ აკრედიტებული 3 სპორტული მედიცინის ცენტრი და რობოტული ქირურგიის 6 ცენტრი – ყველა მათგანი შედის ეროვნულ და საერთაშორისო დონეზე აკრედიტებულ და კვალიფიციურ ცენტრებს შორის, მოწინავე ტექნოლოგიური აღჭურვილობისა და სპეციალისტების წყალობით. რომელთაც აქვთ მნიშვნელოვანი გამოცდილება თავიანთ სფეროებში.

გამაჯანსაღებელი ტურიზმის ცენტრი

ყოველწლიურად, მსოფლიოს სხვადასხვა კუთხიდან, თურქეთში სამკურნალოდ მიემგზავრება უამრავი პაციენტი და ისინი ირჩევენ Acıbadem Healthcare Group-ს, რომელიც უზრუნველყოფს, მომსახურებას მსოფლიოს ყველაზე უახლესი ტექნოლოგიების გამოყენებით და მოწინავე ექსპერტთა ჯგუფებს, რომლებიც ხარისხის საერთაშორისო სტანდარტებს აკმაყოფილებენ.

მათი მოხერხებულობისათვის, შეიქმნა პაციენტთა მომსახურების საერთაშორისო ცენტრი, როგორც კომპლექსური სერვისცენტრი, რომელიც თითოეულ პაციენტს სთავაზობს მხარდაჭერას მოთხოვნის პირველი დღიდან, პაციენტის სამშობლოში დაბრუნების მომენტამდე. როგორც კი უცხოელი პაციენტები გადაწყვეტენ თურქეთში სამკურნალოდ ჩასვლას, მათ თავიანთ ქვეყანაში, მარტივად შეუძლიათ მიიღონ მოგზაურობისა და მკურნალობის გეგმები, Acıbadem-ის საინფორმაციო ოფისებში. დღესდღეობით, Acıbadem- ი ფლობს 50-ზე მეტ საინფორმაციო ოფისს თურქეთის ფარგლებს გარეთ. როგორც კი უცხოეილი პაციენტები თურქეთის აეროპორტში ჩავლენ, მათ გულთბილად მიიღებენ ჩვენს Health Point-ში. ტრანსფერის მოლოდინში პაციენტებს შეუძლიათ ისარგებლონ Wi-Fi-ით. ჩვენს პაციენტებს აეროპორტიდან პირდაპირ სასტუმროში ან კლინიკაში კერძო ტრასპორტით გადაიყვანენ. კლინიკებში განთავსებულია ჩვენი Health Point სარეგისტრაციოები, სადაც თარჯიმნები მიესალმებიან პაციენტებს და მათ დაეხმარებიან მკურნალობის სრული პერიოდის განმავლობაში 20 სხვადასხვა ენაზე.